Nyöŋ 16:18 - JAM DE NHIALIC 2011

¹⁸ “Kuanykï bäny ee löŋ guiir ku bäny kɔ̈k ë dhiëënkun yiic, në wuötiic kedhie, wuöt cïï Bɛ̈nydït Nhialinydun ke gäm week. Kɔckë abïk löŋ ë kɔc aa guiir ke cïn tëŋ de yic.

Nyöŋ 16:18 ပူးပေါင်းရင်းမြစ်များ

1 Lëk 23:4

Go melik aguum kathiërrou ku ŋuan (24,000) de kɔc kuany bïk luɔi de yïŋ ë Luaŋdït muk, ku aguum kadhetem (6,000) de kɔc, bïk käŋ aa gɔ̈ɔ̈r ku yek lööŋ guiir.

1 Lëk 26:29

Kuat de Yidhar, Kenania kekë wɛ̈ɛ̈tke, acï keek gäm muŋ de luɔi, ku gäär de käŋ, ku yek luök guiir ë kɛm ke kɔc ke Yithriɛl.

Edhr 7:25

“Ku yïn, Edhera, cït man tɔ̈u pɛlënɔm de Nhialicdu ke yïn, yïn bï bäny ee löŋ guiir kuany, ku bäny nu në kɔc nïïm kedhie, kɔc rɛ̈ɛ̈r ë wɛ̈ɛ̈r ë Yuparat lɔŋ tui, kɔc ŋic lööŋ ke Nhialic, ku kɔc kuc keek abä ke dhiɛl aa wɛ̈ɛ̈t.

Bɛ̈n 18:21

Ku däŋ nu aya, ee luɔi bï yïn kɔc lëu luɔɔi kuany. Ku tɔ keek ee bäny: bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër. Ke ke ye kɔc ee Nhialic riëëu, kɔc cï gam, ku cïkï kumthok bï ya nööm.

Bɛ̈n 21:22

“Na piɔ̈t kɔc, ku lek tiiŋ liac wääth abï tik wääc. Ku piɛth tik ke cïn guöp tëtök dït, ke raan ë yup en ë puk meth cït man ë kë kɔɔr ë mony de tik, kë cïï luk gam.

Bɛ̈n 21:6

ka bïï bɛ̈nyde ye jɔ lɛɛr tëde Nhialic. Ku ëtɛ̈ɛ̈n, abï jɔ tɔ kääc ɣöt thok ke kɛn rɔt në athïn, ku nɔn ee yen ɣöt thok guöpde. Ku thuth yïth në kë ye kɔc thuth yïth. Ku abï ja ye lïmde në pïïrde yic ëbɛ̈n.

Kɛ̈ŋ 31:23

Monyde aŋic arëët wutic, ku aye riëëu në röördït yiic.

Math 5:21

Wek jam piŋ jam cï lɛ̈k kɔc thɛɛr ɣɔn, an, Du raan däŋ näk abï thou, ku raan näk raan däŋ aduëër riɔ̈ɔ̈c në guiëër bï löŋde guiir.

Math 5:22

Ku wek yɔ̈ɔ̈k, an, “Raan ëbɛ̈n raan cï ɣɔ̈ric gɔ̈th kekë mɛnhkënë, ka duëër riɔ̈ɔ̈c ë guiëër bï löŋde guiir, ku raan yöök mɛnhkënë, an, Yïn piɔl piɔ̈u, aduëër riɔ̈ɔ̈c ë jäny bï ë jɔ̈ɔ̈ny ë löŋ nɔm, ku raan lueel en, an, “Yïn ee dhɔ̈n, aduëër riɔ̈ɔ̈c ë giɛna de mac.

Nyöŋ 16:17

miɔ̈cdɛn duëër lëu, cït man de athiɛɛi cï Bɛ̈nydït Nhialicdun gäm en.

Nyöŋ 16:19

Abïk aa kɔc cïï löŋ ee kuöc guiir, ku cïkkï kɔc ee tekiic në kuömden yic, ku acïkï kumthok bï aa nööm, në baŋ ye miɔ̈c kɔc pelnïïm ku kɔc adööt tɔ cɔɔr, ku tɔ keek tɔ guiir löŋ ë kueer rac.

Nyöŋ 17:12

Raan lɔ löŋ de bɛ̈ny ee käŋ guiir kekë bɛ̈ny de kake Nhialic nu ë luɔi yic rɛɛc gam abïï nɔ̈k, në ee kueerë wek bï kërɛɛcë jɔ nyaai në Yithriɛl.

Nyöŋ 17:9

ku lɛ̈kkï jamdun bäny ke kake Nhialic ke Lebai, ku gämkï bɛ̈ny ee löŋ guiir, raan nu ë luɔi yic ee kaamë yic, ku takkï keek guiir ee löŋë.

Nyöŋ 21:2

Röördïtkun ku bäny ee lööŋ guiir abïk dhil lɔ biic ku themkï kaamic, gɔl të wën tɔ̈u ë raan cï thou thïn lee në pɛ̈ɛ̈nydït thiääk në tën ë thouwë raan thïn.

Nyöŋ 25:1

Na wën ke lueel Mothe an, “Na cï kɔc kaarou ke Yithriɛl lɔ gööny yic, bï jamden lɔ guiir, ku raan tök acï yök ke cïn kë cï wööc, ku raan däŋë ade guöp awäc.

1 Tham 8:1

Wään cï Thamwɛl jɔ dhiɔp, go wɛ̈ɛ̈tke kuany ke ke ye bäny ke luk ë Yithriɛl.