Nyöŋ 15:20 - JAM DE NHIALIC 2011

²⁰ Në ruöön thok ëbɛ̈n, abäk keek aa lɔ cuet në bɛ̈ikun ëtök, të töŋ de läm ë Bɛ̈nydït lɔ̈ɔ̈m.

Nyöŋ 15:20 ပူးပေါင်းရင်းမြစ်များ

Lebai 7:15

Ku rïïŋ de miɔ̈cdɛn de mät në biäk de miɔ̈c de thieithieei, abï dhil cuet në kööl ë gɛmë yen, acïn biäk bïï böth miäk.

Nyöŋ 12:11

Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Nyöŋ 12:14

Abä keek dhil gäm të töŋ bï Bɛ̈nydït lɔc, në wun töŋ de wuöt ke dhiëënkun yiic. Yen ee të töŋë yetök, yen abä wek miɔ̈cduön ye nyop ëbɛ̈n aa gam, ku bä wek ka cä thön week kedhie aa looi.

Nyöŋ 12:17

Këriëëc gämkï Bɛ̈nydït, acäkï ke bï aa cam në wuöt rɛ̈ɛ̈r wek thïn, a cakaa töŋ de thiëër de rɛɛpkun, ku mɔ̈ndun, ku miökduön de olip, ku nɔn ë kɛ̈i de weŋdun ku thökkun, ayï miɔ̈c cï thön Bɛ̈nydït, ayï miɔ̈cduön de miɛtëpiɔ̈u kekë miɔ̈cduön däŋ.

Nyöŋ 14:23

Ku jakï lɔ të töŋ cïï Bɛ̈nydït Nhialicdun lɔc bï ë Yen aa lam thïn, në Yelɔ̈ɔ̈m ëtɛ̈ɛ̈n, jakï töŋ de thiëërdun cam, töŋ de thiëër de anyuɔl, ku mɔ̈u, ku miök de olip, ku kɛ̈i de weŋ kekë thök. Luɔikï ee kënë ke we bï riëëu de Bɛ̈nydït Nhialicdun ŋic ë aköölnyïïn ëbɛ̈n.