Nyöŋ 14:29 - JAM DE NHIALIC 2011

²⁹ Kek ee kacaamkë ayek kakë Lebai, në biäk cïn kek nïïm kake naamden, ku ayek kake kɔc lei, ku mïth abɛɛr, ku tiiŋ abaar rɛ̈ɛ̈r në wuötkuniic. Abïk dhil bɛ̈n ku nömkï kë kɔɔrkï ëbɛ̈n. Luɔikï ee kënë, ku Bɛ̈nydït Nhialicdun abï week thieei në këriëëc yak looi yic ëbɛ̈n.

Nyöŋ 14:29 ပူးပေါင်းရင်းမြစ်များ

Diɛt 41:1

Thieithieei në kɔc ee piɔ̈ɔ̈th kok në kɔc kuany nyïïn, abïï Bɛ̈nydït ke kuɔny të le kek lööny në nuanic.

Diɛt 41:2

Abï Bɛ̈nydït ke gël apiɛth ku tɔ ke rɛ̈ɛ̈r, ku abï ke thieei pinyden, ku acïï ke bï tɔ tiɛɛm ë kɔc de kek ater.

Diɛt 94:6

Ayek diëër abɛɛr ku mïth abɛɛr nɔ̈k, ku nɛ̈kkï alɛi rɛ̈ɛ̈r piny de Yithriɛl.

Kɛ̈ŋ 11:24

Amiööc aye kake kenyïïn ŋuak, ku raan ril ciin ee nyin bɛ̈n kuany.

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Yith 1:17

ku wɛ̈ɛ̈tkï bäk yic aa looi. Abäk dhil tïŋ ke yic ye looi, ku kuɔnykï kɔc cï yɔŋ, ku yak mïth abɛɛr gäm yicden ku kuɔnykï diëër abɛɛr.”

Lebai 19:34

Yak keek ŋiëc luöi cït man, ya wek kɔckuön ke Yithriɛl luööi, ku nhiaarkï keek cït man nhiaar wek röt. Ku takï wenïïm wään we cï kɔn aa alɛi paan de Rip. Ee yɛn Bɛ̈nydït Nhialicdun.

Kuɛ̈n 18:20

Ku lëk ë Bɛ̈nydït Aron an, “Acïn kë bï gäm yïn në ka bï Yithriɛl lɔ̈ɔ̈k lak, ku acïn piny bï gäm yïn. Yɛn Bɛ̈nydït, Yɛn aye këduön bäk lak.

Luk 11:41

Aŋuän luɔi bä wek kɔc kuanynyïïn miɔɔc në ka cath në week, ku tiëŋkï, käŋ kedhie ayek ɣɛɛr tëde week.

Luk 6:35

Ku week, yak kɔc de ater në week nhiaar, ku yak ke luööi apiɛth, ku dhɛ̈nkï ke käŋ, ku cïn kë ŋäthkï, ke ariöpdun abï dït, ku we bï aa mïth ke Nhialic Awärjäŋ, ee piɔ̈u adhuɛ̈ŋ kekë kɔc cïn piɔ̈ɔ̈th ayï kɔc racpiɔ̈ɔ̈th.

Nyöŋ 10:9

Yeka kën ë dhiën de Lebi piny nööm cït man ë dhiën kɔ̈k, kë cïk yök ee diɛk në luöi, cïï kek aa bäny ke kakë Nhialic, cït man cïï Bɛ̈nydït Nhialicdun ye lueel.)

Nyöŋ 12:12

Jakï piɔ̈ɔ̈th miɛt ëtɛ̈ɛ̈n në Bɛ̈nydït lɔ̈ɔ̈m week në mïthkun, ku lïïmkuön röör ku diäär, ku Lebai rëër ë wuötkuniic, ku aŋiɛckï nɔn cïn ë Lebai nïïm wuöt ke naamden.

Nyöŋ 14:27

“Ku duökï Lebai rɛ̈ɛ̈r në wuötkuniic ee päl wei, acïnkï nïïm ka ke naamden.

Nyöŋ 15:10

Miɔc në piɔ̈n mit, ke cïn yic cɔɔk, ku Bɛ̈nydït abï we thieei në këriëëc yak looi yic ëbɛ̈n.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Nyöŋ 16:14

Miɛtkï piɔ̈ɔ̈th në yen ë mïthkun, ku kɔc ee we luööi, ku Lebai, ku kɔc lei, ku mïth abɛɛr, ku diëër abɛɛr rɛ̈ɛ̈r ë wuötkuniic.

Nyöŋ 23:21

“Të cä wek gutguut lɛ̈k Bɛ̈nydït Nhialicdun, duökï këduön cä wek gutguut lueel be pɔ̈l, Bɛ̈nydït abï kë cï yïn gutguut lueel mukic, ku abï aa kërac të kën wek gutguut döt.

Nyöŋ 28:8

“Bɛ̈nydït Nhialicdun abï luɔidun thieei, abï adhɛnkun thiɔ̈ɔ̈ŋ në rap. Abï week thieei piny lee gäm weekë.

Nyöŋ 6:11

Ku ɣööt abïk yiic thiäŋ në ka läk ku kënkï keek tääu thïn, ku abï dɛ yith kënkï keek wec. Ku tiim ke olip kekë enap kënkï keek cam. Të le Bɛ̈nydït week bɛ̈ɛ̈i ë pinyë ku cäk nïïm dɛ këcamkï wedhie.

Ɣeberuu 13:2

Ku duökï nyuuc de kamaan päl, yen këpiɛth ë looi ë kɔc ɣɔn thɛɛr ka, ɣɔn loor kek tuucnhial nïïm ku nyuuckï ke, ke ke kuckï.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.