Nyöŋ 14:26 - JAM DE NHIALIC 2011

²⁶ Ɣaackï wëu në kakuön kaarkï keek, weŋ, ku nyɔɔŋ amääl, ku mɔ̈u, ku nɔn ee mɔ̈n tuc, ku në Bɛ̈nydït Nhialicdun lɔ̈ɔ̈m ëtɛ̈ɛ̈n, wek bï jɔ cam ku jakï piɔ̈ɔ̈th miɛt.

Nyöŋ 14:26 ပူးပေါင်းရင်းမြစ်များ

Edhr 7:22

ku miɔ̈c abï ya ɣet në aguum kadiäk ku bot kaŋuan 3,400 ke ateek, ku aguum kathiëër 10,000 de kilɔɔ ke agamɔ cï ɣep, ku aguum kaŋuan 4,000 de rothol ke mɔ̈u, ku aguum kaŋuan 4,000 de rothol ke miök, ku alɔ pëk de amilɔ kɔɔr bï gam.

Diɛt 106:14

Aake cï piɔ̈ɔ̈th thiäŋ në karac juëc cïk looi në jɔ̈ɔ̈ric ku jɔkï Nhialic them,

Wɛ̈ɛ̈t 9:7

Lɔ tueŋ, cam kuïndu ke yï mit piɔ̈u, ku dek mɔ̈ndu në piɔ̈n mit, Nhialic amit piɔ̈u në kakuön cï looi.

Math 21:12

Go Yecu lɔ Luaŋdït de Nhialic, le ku cieec kɔc biic kedhie, kɔc ee käŋ ɣaac ëtɛ̈ɛ̈n. Ku puk pɛɛm piny pɛɛm ke kɔc ë wëu waar yiic, ayï kak ee kɔc rëër kɔc ë ajiël ke guuk ɣaac, acï ke pɔ̈k piny,

Mak 11:15

Gokï bɛ̈n Jeruthalem: ku le Luaŋdït, le ku gɔl kɔc ë ciëc biic kɔc ee käŋ ɣaac, ku kɔc ee käŋ ɣɔɔc Luaŋdït, ago pɛɛm ke kɔc ee wëu waar yiic pɔ̈k yiic piny, ayï pɛɛm wën rëërë kɔc ë ajiël ke guuk ɣaac,

1 Kor 10:6

Ku kake acï ke tɔ ye ka bï wo wɛ̈ɛ̈t, ke wo cïï bï aa kɔc cï ŋɔ̈ɔ̈ŋ de karɛc dɔm, cït man ɣɔn dɔmë ŋɔ̈ɔ̈ŋ keek.

Nyöŋ 12:12

Jakï piɔ̈ɔ̈th miɛt ëtɛ̈ɛ̈n në Bɛ̈nydït lɔ̈ɔ̈m week në mïthkun, ku lïïmkuön röör ku diäär, ku Lebai rëër ë wuötkuniic, ku aŋiɛckï nɔn cïn ë Lebai nïïm wuöt ke naamden.

Nyöŋ 12:15

“Ku wek de nɔm lääu bä wek läikun aa nɔ̈k ku cuɛtkï keek në wuöt rëër wek thïn. Wek duëër cuet cït man ë kë kaarkï week wedhie, na ee län piɛth ku nɔn ee län de acuɔl, aduëërkï ke cuet cït man ye kɛɛu kekë thiäŋ cuet.

Nyöŋ 12:18

Week në mïthkun, wedhie në kɔc ee week luööi ku Lebai rɛ̈ɛ̈r në wuötkuniic, wek bï ee miɔ̈ckë dhil cam në Bɛ̈nydït Nhialicdun lɔ̈ɔ̈m, të töŋ de läm, të cïï Bɛ̈nydït Nhialicdun lɔc. Ku wek bï piɔ̈ɔ̈th jɔ miɛt ëtɛ̈ɛ̈n në biäk de ka cä keek looi ëbɛ̈n.

Nyöŋ 12:7

Në Bɛ̈nydït Nhialicdun lɔ̈ɔ̈m ëtɛ̈ɛ̈n, we bï cam, ku jakï piɔ̈ɔ̈th miɛt në bɛ̈ikun ëtök, në ka cäk keek looi ëbɛ̈n, ka cï Bɛ̈nydït Nhialicdun we thieei.

Nyöŋ 14:25

Ɣaackï ka cï luɔk, ku jatkï wëu në week, lɛɛrkï keek të töŋ de läm.

Nyöŋ 26:11

Ye piɔ̈u miɛt wekë ka cï Bɛ̈nydït Nhialicdun gäm yïn wekë baaidu, ku yak Lebai ku kɔc lei rɛ̈ɛ̈r ë we yiic, tɔ mät në week ë dhuëëŋic.