Nyöŋ 14:23 - JAM DE NHIALIC 2011

²³ Ku jakï lɔ të töŋ cïï Bɛ̈nydït Nhialicdun lɔc bï ë Yen aa lam thïn, në Yelɔ̈ɔ̈m ëtɛ̈ɛ̈n, jakï töŋ de thiëërdun cam, töŋ de thiëër de anyuɔl, ku mɔ̈u, ku miök de olip, ku kɛ̈i de weŋ kekë thök. Luɔikï ee kënë ke we bï riëëu de Bɛ̈nydït Nhialicdun ŋic ë aköölnyïïn ëbɛ̈n.

Nyöŋ 14:23 ပူးပေါင်းရင်းမြစ်များ

Diɛt 111:10

Rïïu ye Bɛ̈nydït riëëu, ee göl de pɛlënɔm, ku yöŋ de käŋiic apiɛth anu tëde kɔc ee lööŋke looi kedhie. Bɛ̈nydït abï leec aɣet athɛɛr.

Diɛt 147:11

ee piɔ̈u miɛt kekë kɔc ee yen riëëu, kɔc ee nhiëërdɛn agɔk ŋɔ̈ɔ̈th.

Diɛt 2:11

Luööikï Bɛ̈nydït në riɔ̈ɔ̈c. Yak röt tɔ lɛthë

Yith 8:13

Yak ŋic nɔn Yan Bɛ̈nydït de rɛm, Yɛn ɣeric, Yɛn abä wek dhil aa riɔ̈ɔ̈c.

Jeremia 32:38

Ku abïk aa kɔckï, ku Yɛn bï aa Nhialicden.

Kuɛ̈n 15:20

Kuïn töŋ cï pam ë kɔn ë thaal tueŋ ëbɛ̈n, ë gɛmë Yɛn ke ye miɔ̈c, cït miɔ̈c de ka yak kɔ̈ɔ̈m.

Nyöŋ 12:11

Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Nyöŋ 12:14

Abä keek dhil gäm të töŋ bï Bɛ̈nydït lɔc, në wun töŋ de wuöt ke dhiëënkun yiic. Yen ee të töŋë yetök, yen abä wek miɔ̈cduön ye nyop ëbɛ̈n aa gam, ku bä wek ka cä thön week kedhie aa looi.

Nyöŋ 4:10

Abäk keek lɛ̈k kööl ë kääc wek ë Bɛ̈nydït Nhialicdun nɔm ë kuur ë Thinai nɔm, wään yɔ̈ɔ̈k En yɛn an, ‘Kut kɔc nïïm. Akaar bïk kë bä lɛ̈k keek piŋ, agokï piööc në riëëu bï kek Yɛn aa riëëu ë pïïrdenic, ku agokï mïthken aa wɛ̈ɛ̈t bïk yɛn aa riëëu.’