Nyöŋ 14:21 - JAM DE NHIALIC 2011

²¹ “Duökï lɛ̈n cï thou yetök ee cuet. Aduëërkï tɔ cuet ë kɔc lei rëër në wuötkuniic, ku nɔn ɣɔ̈ckï kɔclɛn kɔ̈k. Ku wek ee kɔc ɣeriic ke Bɛ̈nydït Nhialicdun. Duökï amɛthɔ̈k ee thaal në ciɛk ke man yiic.

Nyöŋ 14:21 ပူးပေါင်းရင်းမြစ်များ

Bɛ̈n 19:6

Ku we ciɛɛŋ de bäny ke kake Nhialic tëde yɛn, ku yak jurdiën ɣeric. Kek wël bä ke lɔ lɛ̈k mïth ke Yithriɛl ka.

Bɛ̈n 22:30

Ku gämkï ya kɛ̈i ke ɣɔ̈kkun, ayï kɛ̈i ke thökkun. Yak kɛ̈ɛ̈i tɔ rɛ̈ɛ̈r në nïn kadhorou, na kööl ye akööl bɛ̈t ke gämkï ke Yɛn.

Bɛ̈n 23:19

“Yak kë tueŋ de ka cï kɔn luɔk domdun bɛ̈ɛ̈i ɣön ë Bɛ̈nydït Nhialicdun. Duökï amɛthɔ̈k ee thaal në ciɛk ke man yiic.”

Bɛ̈n 34:26

“Yak këpiɛth tueŋ ë ka cï kɔn luɔk në duumkuniic bɛ̈ɛ̈i ɣön ë Bɛ̈nydït Nhialicdun në ruöön nyin ëbɛ̈n. “Duökï amɛthɔ̈k ee thaal në ciɛk ke man yiic.”

Edhekiɛl 4:14

Guɔ bɛ̈ɛ̈r an, “Bɛ̈nydït Awärjäŋ, Yɛn kën rɔt dhiöök ëcaŋɣɔn aa yɛn meth, yɛn kën rïŋ de lɛ̈n cï thou kɔn cam, lɛ̈n ë thou yetök ku nɔn ë ciɛm lɛ̈n däŋ, yɛn kën kɔn cam në kacaam ke acuɔl.”

Edhekiɛl 44:31

Bäny ke kake Nhialic acïkï bï dhil aa cuet në din ë thou yetök, ku nɔn ee din ë nɛ̈k ë lɛ̈n däŋ.”

Danyel 12:7

Ago tunynhial ceŋ lupɔ ɣer kääc në kiir nɔm, ciin cuëc ku ciin cam yaak nhial, ku kuëëŋ në rin ke Nhialic Pïïr Athɛɛr. Acä piŋ ke lueel an, “Abïï ya run kadiäk ku biäk. Të bïï yaaŋ de kɔc ke Nhialic thök, kakë kedhie abïk röt dhil kɔn looi.”

Danyel 8:24

Abï riɛldït yök, ku acïï bï aa riɛlde yetök. Abï gök dïït ë riääk looi, ku abï tiam në këriëëc ye looi yic ëbɛ̈n. Abï kɔc ril ëtör riɔ̈ɔ̈k, ku riëëk kɔc ke Nhialic gup.

Lebai 11:40

Ku raan lɔ rïŋ de lɛ̈n cï thouwë cuet, abï lupɔɔke dhil waak, ku acïï guöp bï piath aɣët cï thëën. Ku raan lɔ guöp de lɛ̈n cï thou kuany, abï lupɔɔke dhil waak, ku acïï guöp bï piath aɣët cï thëën.

Lebai 17:15

Ku raan de Yithriɛl ëbɛ̈n, ayï raan lei ëbɛ̈n, raan lɔ cam në rïŋ de lɛ̈n cï thou, ku nɔn ee lɛ̈n cïï lɛ̈n roor nɔ̈k, abï lupɔɔke dhil waak ku wɛɛk rɔt në pïïu, abï rac agut cï thëën, të ŋoot en kë kën guöp waar.

Lebai 22:8

Ku yen acïï bï dhil cam në rïïŋ de lɛ̈n cï thou, ku nɔn ee lɛ̈n ë nɛ̈kë läi roor, ago guöp dɛ acuɔl në biäkde, Ee Yɛn Bɛ̈nydït.

Luɔi 15:20

ku abuk keek gäär tei an, bïk luɔi de yiëth pɔ̈l luɔi nhiany, ku pälkï dhööm, ku cäm de läi cï dec, ku riɛm.

Romai 12:2

Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.

Nyöŋ 14:2

Wek ee kɔc ɣeriic ke Bɛ̈nydït Nhialicdun, acï week lɔc bäk aa kɔc ke nɔmde, në kɔc ke piny nɔm yiic ëbɛ̈n, kɔc ceŋ piny nɔm.

Nyöŋ 14:20

Wek duëër käm piɛth ëbɛ̈n cuet.

Nyöŋ 7:6

Luɔikï ee kënë në baŋ ya wek kɔc ɣeriic ke Bɛ̈nydït Nhialicdun. Në kɔc ke pinynɔm ëbɛ̈n yiic acï week lɔc bäk aa kɔckɛn ke nɔmde.

1 Pet 1:16

Luɔi cï e gɔ̈ɔ̈r an, “Yak yiic ɣɛɛr në luɔi ɣɛɛr ɛn yic.”