Nyöŋ 13:5 - JAM DE NHIALIC 2011

⁵ Ku näkkï raan ëbɛ̈n raan ee nyuöth waaric ayï tiët ee we yöök, an, bäk Bɛ̈nydït Raan ë kony week ë Rip rɛɛc, të wään ya wek lïïm thïn. Kɔc cït ee kakë ayek karɛc looi, ku akɔɔrkï bïk week thɛl wei në pïïric, pïïr cï Bɛ̈nydït lɛ̈k week an bä wek pïïr. Abï keek dhil nɔ̈k aguɔkï kërɛɛcë jɔ bɛ̈ɛ̈i bei ë weyiic.

Nyöŋ 13:5 ပူးပေါင်းရင်းမြစ်များ

1 Mel 13:19

Na wën ke puk e nɔm ciëën ke yen, ku ciëm në kuïn baaide, ku dëk në pïïu.

1 Mel 18:40

Go Elija lɛ̈k keek, an, “Damkï tït ke Baal, duökï de töŋ takï bän.” Go kɔc ke dɔm kedhie, ku lee ë Elija ke piny në nyin ë Kicon le ke nɔ̈k ëtɛ̈ɛ̈n.

2 Lëk 34:31

Go melik lɔ kɔ̈ɔ̈c tëde ku mɛc löŋ kekë Bɛ̈nydït, bïï aa riëëu, ku bïï wëëtde, ku lööŋke döt ë yepiɔ̈u ëbɛ̈n, ku wëike ëbɛ̈n, ku bïï kë cïï kueen awerekic dhil tääu në luɔɔi yic, ku bïï löŋ cï mac ke Bɛ̈nydït cït man cï ë ye gɔ̈ɔ̈r në awerekic döt.

Jeremia 14:15

Yɛn Bɛ̈nydït, yïn bä lɛ̈k kë bä luöi ee tïtkë, tït kɛ̈n ke tooc, ku yek lɔ jam ë rinkï ku yek lueel an, tɔŋ ku cɔk acïï piny bï yök. Abä keek nɔ̈k në abätäu ku në cɔk.

Jeremia 29:32

Acä lueel Yɛn Bɛ̈nydït an, “Yɛn bï Cemaya de Neɣelam kekë mïth ke mïthke luöi këtuc, abï nɔm ciën raan pïïr ee kɔckë yiic, raan bï këpiɛth bä luöi kɔckï tïŋ, ë biäk cï jam ke reec Bɛ̈nydït.’ ”

Jeremia 50:6

“Kɔckï acïk ciët amɛ̈l cïn tïn ee keek tiit, aye ke tɔ mär në kur yiic. Ayek jɔ tai cï thök, ayek jäl në kuurë nɔm ku lekkï ë kuurë nɔm, ku acïk nïïm määr në të tɔ̈u ë baaiden.

Jeremia 7:23

Ku acä ke yɔ̈ɔ̈k bïk Ɛn aa riëëu, aguɔ aa Nhialicden ku bïk aa kɔckï. Ku acä ke yɔ̈ɔ̈k bïk aa rëër cït man cän keek yɔ̈ɔ̈k, ago käŋ täu apiɛth në keek.

Dhek 13:3

Ku na de raan lɔ tïït ŋak, abï wun en jɔ̈ɔ̈ny kekë man ë dhiëth en, ku lëkkï yen an, “Yïn bïï nɔ̈k, yïn ciëk Bɛ̈nydït thok në lueth! Ku abï wun kekë man en gutic të cɔ̈ɔ̈r en.

Luɔi 13:8

Na wën, ke Eluma bɛ̈ny ee kɔc thuëëth (yen aye rinke në thoŋ de Girikii), ke cak ater ke keek, akɔɔr luɔi bï en bɛ̈ny wɛl piɔ̈u wei ke cï bï gam.

1 Kor 5:13

Ku kɔc ë tɔ̈u biic löŋden abïï Nhialic guiir. Cït man cï këcïgɔ̈ɔ̈r ye lueel an, “Jakï raan rɛɛcë bɛ̈ɛ̈i bei ë weyiic.”

Nyöŋ 13:10

Biääkkï keek abïk thou! Acïk them bïk week thɛl wei në Bɛ̈nydït Nhialicdun lɔ̈ɔ̈m, raan ë kony week ë Rip, të wään ya wek lïïm thïn.

Nyöŋ 13:15

ke wek jɔ kɔc ke ee wunë ëbɛ̈n nɔ̈k, ku näkkï läiken kedhie ayadäŋ. Riäkkï ee wunë taitai.

Nyöŋ 13:9

Näkkï keek! Tɔ rɔt ee raan tueŋ bï keek kɔn biöök, ku jɔ keek tɔ biöök ë kɔc kɔ̈k aya.

Nyöŋ 17:5

ke we jɔt ee raanë, lɛɛrkï ë wut këc biic ku biääkkï arëk abïï thou.

Nyöŋ 17:7

Ku kɔc ë tïŋ ku piŋkï ee jamdɛnë, kek abï kur tueŋ kɔn dɛɛny, ku ëtɛ̈ɛ̈n kɔc kɔ̈kkë abïk raan jɔ biɔ̈ɔ̈k, ku në ee kueerë wek bï kërɛɛcë jɔ nyaai.

Nyöŋ 18:20

Ku na de tiët lɔ jam lueel në rinkï të kën Yɛn yen yöök bïï kënë lɔ looi, abï dhil thou në këde, ku yen ee täu bï tït ee jam ë rin ke yiëth kɔ̈kkë tɔ̈u.’

Nyöŋ 19:19

yen ee raanë abï kuum në kuöm wën duëër ë raan wën lueelë guöp jam lueth kuum. Në ee kueerë wek bï kërɛɛcë jɔ nyaai.

Nyöŋ 22:21

ke duet abï jɔt ëtɛ̈ɛ̈n, ku leerkï ɣön ë wun thok, ku abïï kɔc ke wunden jɔ biöök abï thou. Acï ayäär looi në kɔckuɔ yiic, në biäk ee yen tɔ̈c ke moc ke kën ë kɔn thiaak, ku aa ŋoot ke rɛ̈ɛ̈r baai de wun. Në ee kueerë we bï ee kërɛɛcë jɔ nyaai.

Nyöŋ 22:24

Abäk keek dhiɛl lɛɛr ë wut këc biic ku biääkkï keek abïk thou. Nyanë abï dhil thou në baŋ kën en dhiau ke bï luök, ku yen aa nu wutic, të duëër kɔc rölde piŋ. Ku moc abï dhil thou, në biäk cï yen nin kekë nyan cï lɔc. Në ee kueerë wek bï kërɛɛcë jɔ nyaai.

Nyöŋ 24:7

“Raan ëbɛ̈n raan lɔ kɔc ë Yithriɛl gɔpiic ku jɔ ke tɔ ee lïm, ku nɔn lee ke ɣaac, ke ke ye lïïm, raanë abï nɔ̈k. Në ee kueerë wek bï kërɛɛcë jɔ nyaai.

Nyöŋ 26:14

Yɛn cïn kë cä cam në keyiic wään dhiau ɛn, ku acïn kë cä bɛ̈ɛ̈i bei ɣöndï wään raac yɛn guöp në biäk de ciɛɛŋ, ku acïn kë cä gam në keyiic ke ee miɔ̈c de thuɔɔu. Yïn cä riëëu guöp, Yïn Bɛ̈nydït, yɛn cï këriëëc ëbɛ̈n looi, kë cï lueel në biäk de töŋ thiëër ë käŋ.

Nyöŋ 4:19

Ku të cä wek nhial lieec ku tiëŋkï akɔ̈l kekë pɛɛi ku kuɛl, ku ka nu nhial kedhie, duökï röt bï tɔ them, aguɔkï keek lam. Acïï Bɛ̈nydït Nhialicdun keek gäm juöör kɔ̈k ë pinynɔm bïk keek aa lam.

Nyöŋ 6:13

Yak riɔ̈ɔ̈c në Bɛ̈nydït Nhialicdun, ku yen yak lam yetök, ku yak kuëëŋ në rinke yetök.

Nyöŋ 7:4

Në luöi bïï duetken wɛ̈ɛ̈tkun pɔ̈k piɔ̈ɔ̈th wei tëde Bɛ̈nydït ku lamkï yiëth kɔ̈k. Të lee ë kënë rɔt looi Bɛ̈nydït abï gɔ̈th ke week ku riëër wenyïïn raantök.

Jocua 23:8

Bɛ̈nydït Nhialicdun yen kuanykï cök anandun, cït man ya wek en kuany cök ë caaŋdun agut cï ënɔɔnë.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Bäny 20:13

Ënɔɔnë, gämkï wook röör ke Gibia ë loi ee kërɛɛcë, ke ke buk nɔ̈k, agoku ee kërɛɛcë nyaai në Yithriɛl.” Ago kɔc dhiën ë Benjamin jam de Yithriɛl kɛ̈n gam.

1 Tham 12:14

Käŋ ëbɛ̈n abïk cath apiɛth tëde week të la wek Bɛ̈nydït Nhialic riëëu, ku riëëukï lööŋke, ku na lak kuany cök ë melikdun ëtök.