Nyöŋ 12:30 - JAM DE NHIALIC 2011

³⁰ Të cïï Bɛ̈nydït ee juöörkë riɔ̈ɔ̈k, abäk dhil ŋic ë gɔk, ke we cïï ka ye yiëthken lam bï kuany cök, kënë abï rac aläl. Duökï them bäk kuɛɛr ye kek yiëthken lam kɔɔr, aguɔkï Ya lam në kueerden.

Nyöŋ 12:30 ပူးပေါင်းရင်းမြစ်များ

2 Mel 16:10

Na ɣɔn aa lɔ melik Aɣadh lɔ Damathko le Tiglath Pilethar melik de Athiriya loor nɔm, go yïïŋ tɔ̈u ë Damathko tïŋ, go melik Aɣadh Yuria bɛ̈ny de kake Nhialic tuöc täu de ee yïïŋë, ayï kathii akäŋ në biäkde acï ke tuɔɔc.

2 Mel 17:15

Acïk lööŋke dhɔɔtiic, ku akënkï löŋ ɣɔn cï mac ke kuarken riëëu. Acïk yiëth rac lam, agokï jɔ rac gupken, ku jɔkï ciɛɛŋ de juöör thiääk në keek kuany cök, ku akënkï löŋ de Bɛ̈nydït wään cï lɛ̈k keek riëëu an cïkkï keek bï kuany cök.

Bɛ̈n 23:24

Duökï wenïïm gut piny në yiëthken nïïm ku duökï ke lam. Ku duökï kuɛɛrkɛn ke läm dɔmiic. Riäkkï yiëthken ku dhuööŋkï kur ke yïïkken.

Jeremia 10:2

Acï lueel an, “Duökï kuɛɛr ke juöör kɔ̈k ee kuany cök, ku duökï nïïm ee mum në ka göök ya keek tïŋ nhial, cakaa nɔn ye juöör kɔ̈k riɔ̈ɔ̈c.

Edhekiɛl 11:12

Abäk ŋic nɔn ee yɛn Bɛ̈nydït, ku të wään muɔ̈k wek lööŋ ke juöör thiääk në week, ke wek aake dhuuŋ lööŋkï kɔ̈ɔ̈th, ku rɛɛckï ka cä lɛ̈k week.”

Edhekiɛl 20:28

Acä ke bɛ̈ɛ̈i piny wään cän gutguut lueel an bä gäm keek. Na wën tïŋ kek kur bär ku tiim tɔ̈c, gokï miɔ̈c näk gäm keek kedhie. Acïk a tɔ göth në miɔc näk yek nyop ku mɔ̈n yek bɛ̈ɛ̈i ke ye miɔ̈c.

Edhekiɛl 20:32

Acäk tak ë wepiɔ̈ɔ̈th, nɔn kaar wek bäk ciët juöör kɔ̈k, ku bäk ciët dhiëën kɔ̈k rëër në juöör kɔ̈k yiic, ku bäk tiim ayï kur lam. Ku kënë acïï rɔt duëër looi.

Lebai 18:3

Duökï ciɛɛŋde kɔc ke Rip kuanyic, të wään rɛ̈ɛ̈r wek thïn, ku duökï ciɛɛŋ de kɔc ke Kanaan kuanyic, të wään lɛɛr Ɛn we thïn. Duökï ciɛɛŋden kuanyic taitai.

Lebai 18:30

Dɔ̈tkï lööŋkï ku duökï ciɛɛŋ rɛɛcë kuany yic, ciɛɛŋ ɣɔn ë kuany yic ë kɔc ɣɔn tɔ̈u wenïïm tueŋ, aguɔkï bɛ̈n. Duökï röt be riɔ̈ɔ̈k në keek, ee Yɛn Bɛ̈nydït Nhialicdun.

Kuɛ̈n 33:52

wek bï kɔc ceŋ ëtɛ̈ɛ̈n lɔ cuɔp biic kedhie, riäkkï kuurden ayï yiëth kɛn cïk deer kɔ̈th në joth, ku ɣäänkɛn ke läm.

Romai 12:2

Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.

Epethiei 4:17

Yen aluɛɛl ɛn cöökë, ke ya ye cäätɔ ë Bɛ̈nydïtic an, duökï ë bɛ rëër ë rëër ë Juöör, kɔc ë rëër ke ke ye ɣɔ̈ric tak ë kenïïm,

Nyöŋ 11:16

Duökï röt tɔ thelë wei në Bɛ̈nydïtdun lɔ̈ɔ̈m, bäk yiëth kɔ̈k lɔ lam, ku luööikï keek

Nyöŋ 12:29

“Bɛ̈nydït Nhialinydun abï juöör riɔ̈ɔ̈k, të la wek ke we pec pinyden, ku abäk ɣap ku rëërkï ëtɛ̈ɛ̈n.

Nyöŋ 12:31

Duökï Bɛ̈nydït Nhialicdun ee lam në kueer ye kek yiëthken lam, në biäk ye kek kanhiany looi ë läm de yiëthken yiic, ka mɛɛn Bɛ̈nydït. Arëk ayek mïthken gam näk keek në mac në yïkken nïïm.

Nyöŋ 18:9

“Të la wek lɔ bɛ̈n piny gëmë Bɛ̈nydït Nhialicdun week, duökï luɔi rɛɛc de juöör nu ëtɛ̈ɛ̈n kuany yiic.

Nyöŋ 20:18

Näkkï keek, agokï week cïï bï tɔ lui kërac Bɛ̈nydït Nhialicdun, në wɛ̈ɛ̈t bï kek we wɛ̈ɛ̈t në kanhiany ëbɛ̈n, ka yek keek looi në läm de yiëthken yiic.

Nyöŋ 7:16

Riäkku jur nyin ëbɛ̈n, jur cïï Bɛ̈nydït Nhialicdun tääu ë wecin, ku duökï keek nyuth kokëpiɔ̈u. Duökï yiëthken lam, kënë abï rac aläldïïtë tëde week.