Nyöŋ 12:25 - JAM DE NHIALIC 2011

²⁵ Të la wek löŋë riëëu, Bɛ̈nydït abï piɔ̈u miɛt, ku käŋ kedhie abïk piath tëde week ku kuatdun.

Nyöŋ 12:25 ပူးပေါင်းရင်းမြစ်များ

1 Mel 11:38

Na lɔ jam cä lɛ̈k yïn riëëu, ku të le yïn cath ë kuɛɛrkï yiic, ku loi yic në yanɔm bä lööŋkï döt kekë wëëtdï cït man cï Debid awundï ye looi, ke Yɛn bï tɔ̈u wo yïn, ku yɛn bï raan töŋ de dhiëndu tɔ ye melik ë caŋɣɔn në Yithriɛl, cït man cän raan töŋ de dhiën ë Debid aa melik ë caŋɣɔn ë Juda, ku kɔc ke Yithriɛl abä ke gäm yïn.

Diɛt 112:2

Mïth ke raan piɛth abïk riɛl ë piny yic, kuat de raan lɔ piɔ̈u wai abï thieei.

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Wɛ̈ɛ̈t 2:26

Raan ee Nhialic tɔ mitpiɔ̈u aye gäm pɛlënɔm, ku ŋïnydekäŋ ku miɛtëpiɔ̈u, ku raan ee karɛc looi aye Nhialic gäm luɔɔi de mɛ̈ɛ̈t ë käŋiic ku kun de käŋ nïïm, bï ke lɔ gäm raan mit ë Nhialic piɔ̈u ke yen. Kënë ayadäŋ ee ɣɔ̈ric, acït cum de yom cök.

Wɛ̈ɛ̈t 8:12

Na cak raan ee karɛc looi awɛ̈ɛ̈c looi raan bɔt ku ŋoot ke pïïr, ka ŋiɛc këriëëc ëbɛ̈n abï dikëdik kekë kɔc ee Nhialic riëëu.

Yith 3:10

Lɛ̈kkï kɔc piɛthpiɔ̈ɔ̈th an, “Kakun abïk piath në luɔi bä wek piɔ̈ɔ̈th miɛt në käŋiic kak ë luɔidun.

Edhekiɛl 33:25

“Lɛ̈kë keek kë luɛɛl Yɛn Bɛ̈nydït Awärjäŋ: Wek ee rïŋ cuet ke riɛm ë ŋoot thïn. Wek ee yiëth lam. Wek ee kɔc nɔ̈k. Eeŋö ee week tɔ täk nɔn ye piny këdun?

Nyöŋ 12:24

Duökï rïïŋ ee looi ke ee këcam, yak wäl piny cït man ë pïïu.

Nyöŋ 12:28

Riëëukï këriëëc cä gäm week ëbɛ̈n në piɔ̈n adöt, ku käŋ kedhie abïk piath tëde week ku kuatdun aɣet athɛɛr, në biäk yen kë yic yen loi, ku ye kë mit ë Bɛ̈nydït Nhialicdun piɔ̈u.

Nyöŋ 13:18

të cä wek lööŋkɛn cä gäm week ee köölë kedhie riëëu, ku luɔikï kë kɔɔr.

Nyöŋ 21:9

Ku në luɔi looi kek kë cïï Bɛ̈nydït lueel, we bï yiëth ciën awäny de raan ë näk.

Nyöŋ 4:40

Riëëukï lööŋke kedhie, lööŋ cä gäm week ee köölë, ku käŋ kedhie abïk piath tëde week ku kuatdun. Ku wek bï ceŋ apiɛth, piny bïï Bɛ̈nydït Nhialicdun gäm week, ke bïï aa këdun aɣet athɛɛr.

Nyöŋ 5:16

‘Ye wuur riëëu ke ke moor, cït man cän yïn yɔ̈ɔ̈k Yɛn Bɛ̈nydït Nhialicdun, aguɔkï ceŋ ë run juëc, ku abï piath ke week, piny bï Bɛ̈nydït Nhialicdun gäm week.

Nyöŋ 5:33

Riëëukï keek kedhie, ago piath ke week, ku aguɔkï lɔ rëër ë run juëc piny bä lɔ gäm week.

Nyöŋ 6:18

Luɔikï ke cïï Bɛ̈nydït lueel, ee yic ku apiɛth, ku käŋ kedhie abïk piath tëde week. Wek bï piny piɛth nööm, paan wään cïï Bɛ̈nydït thɔ̈n kuarkun.