Nyöŋ 12:20 - JAM DE NHIALIC 2011

²⁰ “Të le Bɛ̈nydït Nhialicdun pinydun tɔ lääuwic, cït man cï Yen ë than, wek bï aa cuet ë rïïŋ tëduön cäk tak.

Nyöŋ 12:20 ပူးပေါင်းရင်းမြစ်များ

Cäk 28:14

Ku mïthku abïk juëc ka abïk ciët abuui. Ku wek bï nïïm ɣet ë piny thar të lɔ aköl athɛ̈i, ayï të lɔ aköl amiäk. Ku të lɔ rut agut cï të lɔ wöuwic. Ku Yɛn bï juöör ke piny nɔm thieei kedhie në këdun wekë mïthku.

Cäk 31:30

Aŋiɛc nɔn ë jël yïn ke ye baai de wuur yen cï tak, ku kɔɔr nɔn bï yïn yïnɔm puɔ̈k thïn. Ka eeŋö däŋ kuɛ̈lë yiëthkï ayadäŋ?”

2 Tham 13:39

Na ɣɔn aacï nïn ke thon de Amnon wan tëde melik Debid, ke jɔ wënde Abthalom tak aläl.

2 Tham 23:15

Go Debid baaiden tak, go lueel an, “Akaar në yapiɔ̈u luöi duëër en dɛ raan yïn ɛn pïïu në yinh nu në kal ë Bethleɣem thok!”

1 Lëk 4:10

Go Jabedh Nhialic de Yithriɛl lɔ̈ŋ an, “Thieei ɛn Nhialic, ku miɔc ɛn ë piny lääu, ku bä tɔ̈u wek ë yɛn, ago yɛn aa gël ë karɛc bï ya tɔ yök arɛɛm.” Go Nhialic yen gäm këdɛn cï thiëëc ë lɔ̈ŋde yic.

Diɛt 107:9

Bɛ̈nydït ee kɔc cï yal miɔɔc ë pïïu, ku tɔ kɔc nɛ̈k cɔk tɔ kueth ë kacaam ku kapiɛth ëbɛ̈n.

Diɛt 119:174

Yɛn ŋäth kuɔɔnydu Bɛ̈nydït! Yɛn ee miɛtëpiɔ̈u yök në löŋdu yic.

Diɛt 119:20

Yɛn ee reem piɔ̈u në këdu, akaar bä ŋic luɔi bï Yïn löŋdu guiir ë ceŋ.

Diɛt 119:40

Akaar bä lööŋku riëëu, gämë yɛn pïïr në piathëpiɔ̈ndu yic,

Diɛt 63:1

Nhialic, Yïn ee Nhialicdï, Yïn kaar. Guöpdï ëbɛ̈n akɔɔr Yïn, yɛn cï yal në Yïn cït man ë piny ril cïn yic pïïu, piɔ̈ndï ë yal në Yïn.

Diɛt 84:2

Anhiaar adï ja tɔ̈u ëtɛ̈ɛ̈n! Akaar bä rëër në ɣön de Bɛ̈nydït. Në piɔ̈ndï ëbɛ̈n yɛn bï Nhialic pïïr, piɔɔny në diɛt ke miɛtëpiɔ̈u.

Bɛ̈n 23:31

Ku pinydun abï rɔt gɔl në Wɛ̈ɛ̈r Thith agut cï Wɛ̈ɛ̈rdïït ɣer. Ku gɔl në wɛ̈ɛ̈r ë Yuparat ale guööt ë jɔ̈ɔ̈ric. Ku wek bä gäm riɛl bä wek kɔc cieŋ ee pinyë cuɔp wei.

Bɛ̈n 34:24

Të cän juöör kɔn cuɔp wei në wenïïm tueŋ, ku cä tëdun kɔn tɔ lääu, të la wek ë Bɛ̈nydït Nhialic nɔm, acïn raan bï pinydun bɛ them në rum në kɛm ke dhuëŋkë kadiäk.

Kuɛ̈n 11:20

abäk cuet në pɛɛi yic ëbɛ̈n, man abäk nïïm tiëk në yen, ku thiɛkkï yïth në ye. Ku abï tɔ̈u aya, në biäk cä wek Bɛ̈nydït rɛɛc ke tɔ̈u në weyiic, ku eeŋa në we yiic, raan ee dok në Yen an adï kɛ̈nkï jäl ë Rip taitai.”

Kuɛ̈n 11:34

Gokï ëtɛ̈ɛ̈n cäk an Kibroth Ɣataaba (yen aye “Rɛ̈ŋ ke amamïth në thoŋda”), në biäk ë cï kek kɔc de thook mïnh ë rïŋ thiɔ̈k thïn.

Kuɛ̈n 11:4

Ku aa de alɛi rac ë nu ë keyiic, kɔc nhiaar cuën ë rïŋ, acïï mïnh ë kacaam kɔ̈k keek bɛ̈n guɔ dɔm. Arëk abï kɔc ke Yithriɛl bɛ tɔ dok aya luelkï an, “Ka jɔku rïïŋ cuetku yök ënou!

2 Kor 9:14

Ku kegup ayadäŋ, të ye kek lɔ̈ŋ ë biäkdun, ke ke ye week tak aläl, në biäk de dhuëëŋ dïït ë Nhialic nu ë wepiɔ̈ɔ̈th dhuëëŋ dït aläl.

Nyöŋ 11:24

Piny bä wek cath thïn ëbɛ̈n abï ya pinydun. Akɛɛthken abïk rɔt gɔl në jɔ̈ɔ̈ric të lɔ wöuwic leer kur ke Lebanɔn të lɔ rut, ku gɔl në wɛ̈ɛ̈r ë Yuparat të lɔ aköl amiäk leer në Wɛ̈ɛ̈r Ɣer të lɔ aköl athɛ̈i.

Nyöŋ 12:15

“Ku wek de nɔm lääu bä wek läikun aa nɔ̈k ku cuɛtkï keek në wuöt rëër wek thïn. Wek duëër cuet cït man ë kë kaarkï week wedhie, na ee län piɛth ku nɔn ee län de acuɔl, aduëërkï ke cuet cït man ye kɛɛu kekë thiäŋ cuet.

Nyöŋ 12:21

Na cï të töŋ de läm mɛc aläl, të kaar wek bäk näk, wek duëër näk në ɣɔ̈kiic ku thökiic, ka cïï Bɛ̈nydït gäm week, ku wek duëër rïïŋ cuet ë wuötkuniic cït man cän e lɛ̈k week.

Nyöŋ 19:8

“Të cïï Bɛ̈nydït Nhialicdun pinydun tɔ dït, cït man ɣɔn cï Yen e lɛ̈k kuarkun an bïï looi, ku gëm week piny cï thön week ëbɛ̈n,

Pilipoi 1:8

Nhialic ee cäätɔdï, ee täŋ aa yɛn we tak arëët wedhie në nhiëër ë Yecu Kërtho.

Pilipoi 2:26

Acä tooc, luɔi cï en we tak wedhie, ku acï wëi miɛt, luɔi cä wek e piŋ nɔn ë de en guöp juäi.