Nyöŋ 12:18 - JAM DE NHIALIC 2011

¹⁸ Week në mïthkun, wedhie në kɔc ee week luööi ku Lebai rɛ̈ɛ̈r në wuötkuniic, wek bï ee miɔ̈ckë dhil cam në Bɛ̈nydït Nhialicdun lɔ̈ɔ̈m, të töŋ de läm, të cïï Bɛ̈nydït Nhialicdun lɔc. Ku wek bï piɔ̈ɔ̈th jɔ miɛt ëtɛ̈ɛ̈n në biäk de ka cä keek looi ëbɛ̈n.

Nyöŋ 12:18 ပူးပေါင်းရင်းမြစ်များ

Diɛt 32:11

Yak piɔ̈ɔ̈th miɛt ku dalkï në Bɛ̈nydïtic, wek kɔc piɛthpiɔ̈ɔ̈th, në biäk de kë cïï ë Bɛ̈nydït looi. Wek kɔc ee yen riëëu, miɛtkï piɔ̈ɔ̈th wedhie!

Diɛt 68:3

Ku kɔc piɛthpiɔ̈ɔ̈th abïk piɔ̈ɔ̈th miɛt, ku abïk dɔl ë Nhialic nɔm, abïk piɔ̈ɔ̈th miɛt, ku mockï kiɛɛu ë miɛtëpiɔ̈u.

Kɛ̈ŋ 3:17

Pɛlënɔm aduëër pïïrdu tɔ piɛth, ku ciɛɛth yïn në pïïric apiɛth.

Wɛ̈ɛ̈t 3:12

Aŋiɛc nɔn cïn en këpiɛth duëër ë raan looi, të cï en piɔ̈u miɛt ku looi këpiɛth të pïïr en.

Wɛ̈ɛ̈t 5:18

Tiëŋkï, kë cä yök kë rɔ̈ŋ ee luɔɔi bïï ë raan cam ku dëk, ku bï kuɛth yök në luɔɔide yic në akööl lïk ke pïïr ë piny nɔm, akööl cïï Nhialic gäm en ke ye biäkde.

Yith 12:3

Cït man ye pïïu piɛth raan cïï rou nɔ̈k tɔ mit piɔ̈u, yen aye kɔc ke Nhialic piɔ̈ɔ̈th miɛt të cïï yen ke kony wëi.”

Luɔi 16:34

Na wën, ke ke bïï ɣönde, ku tɛ̈ɛ̈u këcam ë kenïïm, ke mit piɔ̈u aläl, kekë dhiënde ëbɛ̈n, në gäm wën cï kek Nhialic gam.

Luɔi 2:46

Agokï aa cool ë Luaŋdïtic aköölnyïïn kedhie në piɔ̈n tök, ku yek kuïn wääkic ɣönë ku ɣönë, ku yek këden cam në piɔ̈nmit cïnic ruëëny,

1 Kor 10:31

Yen na yak cam, ku yak dek, ayï të de yen kë bäk aa looi, yak käŋ looi kedhie ke Nhialic bï dhuëëŋ yök.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Nyöŋ 12:14

Abä keek dhil gäm të töŋ bï Bɛ̈nydït lɔc, në wun töŋ de wuöt ke dhiëënkun yiic. Yen ee të töŋë yetök, yen abä wek miɔ̈cduön ye nyop ëbɛ̈n aa gam, ku bä wek ka cä thön week kedhie aa looi.

Nyöŋ 12:19

Ku abäk dhil ŋic aya, nɔn cä wek Lebai bï päl wei, në run rɛ̈ɛ̈r wek pinydun.

Nyöŋ 12:5

Në wuöt ceŋ ë dhiëënkun kedhie Bɛ̈nydït abï të tök lɔc, të bïï kɔc aa bɛ̈n në Ye lɔ̈ɔ̈m ku lamkï Yen.

Nyöŋ 12:7

Në Bɛ̈nydït Nhialicdun lɔ̈ɔ̈m ëtɛ̈ɛ̈n, we bï cam, ku jakï piɔ̈ɔ̈th miɛt në bɛ̈ikun ëtök, në ka cäk keek looi ëbɛ̈n, ka cï Bɛ̈nydït Nhialicdun we thieei.

Nyöŋ 14:23

Ku jakï lɔ të töŋ cïï Bɛ̈nydït Nhialicdun lɔc bï ë Yen aa lam thïn, në Yelɔ̈ɔ̈m ëtɛ̈ɛ̈n, jakï töŋ de thiëërdun cam, töŋ de thiëër de anyuɔl, ku mɔ̈u, ku miök de olip, ku kɛ̈i de weŋ kekë thök. Luɔikï ee kënë ke we bï riëëu de Bɛ̈nydït Nhialicdun ŋic ë aköölnyïïn ëbɛ̈n.

Nyöŋ 15:20

Në ruöön thok ëbɛ̈n, abäk keek aa lɔ cuet në bɛ̈ikun ëtök, të töŋ de läm ë Bɛ̈nydït lɔ̈ɔ̈m.

1 Tham 1:4

Në akööl ye Elekana miɔ̈c gam, aaye Penina tiiŋde gäm thïm ë rïŋ ku miɔɔc wɛ̈ɛ̈tke ku duetke ŋɛk ke thïmde aya.