Nyöŋ 11:23 - JAM DE NHIALIC 2011

²³ Ëtɛ̈ɛ̈n, yen abï juöör ëbɛ̈n cuɔp wei të la wek tueŋ, ku wek bï piny de juöör dït ku rilkï arëët awär week nööm.

Nyöŋ 11:23 ပူးပေါင်းရင်းမြစ်များ

Bɛ̈n 34:11

Gamkï lööŋ guiëër ke week ee köölë. Yɛn bï kɔc ke Amor ciɛɛc wei në wenïïm tueŋ, ayï kɔc ke Kanaan, ayï kɔc ke Ɣit, ayï kɔc ke Peridh, ayï kɔc ke Ɣib, ayï kɔc ke Jebuth.

Nyöŋ 4:38

Ku cop juöör dït ku rilkï awär week, ku bïï week thïn, ku gëm week pinyden, piny rɛ̈ɛ̈r wek thïn agut cï ee köölë.

Nyöŋ 9:1

Go lueel an, “Piɛŋkï kënë, kɔc ke Yithriɛl, ee köölë we kɔɔr bäk tem, ke we lɔ ë wɛ̈ɛ̈r de Jordan nɔm lɔŋtui, bäk piny lɔ nööm, piny de juöör dït ku rilkï awär week. Pɛ̈ɛ̈nydïtken adïtkï, ku acï ke gël ë kɛ̈ldït bär lɔ nhial.

Nyöŋ 9:5

Acie baŋ de piathëpiɔ̈ndun, ku yak këpiɛth looi, yeka jɔ Bɛ̈nydït week tɔ nöm pinyden. Abïï juöörkë cuɔp wei në biäk de karɛcken, ku në biäk kɔɔr Yen bïï thöndɛn wään cï lɛ̈k kuarkun döt, Abraɣam, Yithaak, ku Jakop.

Jocua 23:9

“Bɛ̈nydït ë göök dït ke juöör ril cop në wenïïm tueŋ, wuöt juëc aläl. Ku acïn wun töŋ cï we tiaam.