Nyöŋ 10:8 - JAM DE NHIALIC 2011

⁸ Ku në kuur nɔm Bɛ̈nydït acï röör ke Lebai bɛ̈n lɔc bïk athänduŋ de män ë Bɛ̈nydït aa muk, ku bïk lui ke ke ye bäny ke kakë Nhialic, ku bïk athiɛɛi aa lueel në rinke. Ku kakë aŋootkï ke ke ye luɔiden.

Nyöŋ 10:8 ပူးပေါင်းရင်းမြစ်များ

1 Mel 8:6

Go bäny ke ka ke Nhialic athänduŋ de män ë Bɛ̈nydït bɛ̈ɛ̈i tëde, ku leerkï ɣöt në biäk thïn de tëɣeric aläl, ku tɛ̈ɛ̈ukï ë wuök ke cerubiim thäär.

1 Lëk 15:2

Na ɣɔn ke lueel an, “Ee kɔc ke Lebai kapäc kek abï Athänduŋ de mät aa ɣääc, në biäk cï Bɛ̈nydït ke lɔc bïk aa ɣääc, ku bïk Bɛ̈nydït aa luöi aɣet athɛɛr.

1 Lëk 15:26

Acïk miöör kadhorou ku amɛ̈l kadhorou nɔ̈k, ke ye miɔ̈c, kë bï kek en ŋic nɔn bï ë Nhialic kɔc ke Lebai ɣɛ̈ɛ̈c Athänduŋ de mät kony.

1 Lëk 23:13

Ku wɛ̈ɛ̈t ke Amiram ee Aron ku Mothe. (Go Aron tɔ̈ɔ̈u pei bïï kaɣeriic aläl aa gäm Bɛ̈nydït, ku yen kekë wɛ̈ɛ̈tke abïk wal ŋïr aa nyop në Bɛ̈nydït nɔm aɣet athɛɛr, ku bïk aa luööi, ku yek athiɛɛi lueel ë rinke aɣet athɛɛr.

1 Lëk 23:26

Yen acïn kë be kɔc ke Lebai kɔɔr ë biäk de ɣɛ̈ɛ̈c de paany ë Bɛ̈nydït, ayï kake luɔi tëde läm.”

2 Lëk 29:11

Mïthkï duökï be gääu. Ee wek cïï Bɛ̈nydït ke lɔc bäk wal ŋïr aa nyuöp en, ku bäk kɔc aa wat të lɔ̈ŋ kek en.”

2 Lëk 30:27

Go bäny ke kake Nhialic ku Lebai de Bɛ̈nydït thiëëc bïï athiɛɛi tääu ë kɔc gup. Go Nhialic lɔ̈ŋden piŋ baaidɛn ɣeric paannhial ku gɛm keek thook.

Diɛt 134:1

Bäkkï bäk Bɛ̈nydït thieei, wek awuutke wedhie, wek kɔc ee lui wakɔ̈u Luaŋdït.

Diɛt 134:2

Jatë yïcin nhial në lɔ̈ŋ tëɣeric, ku yak Bɛ̈nydït thieei!

Diɛt 135:2

ee kɔ̈ɔ̈c Luaŋdït, kɔc nu ɣön ë Nhialicda.

Jeremia 15:19

Go Bɛ̈nydït ee kënë bɛ̈ɛ̈r lueel an, “Na lɔ rɔt puk, yïn bä dhuöny nɔm ciëën, ku yïn bï bɛ aa raan ee ya luööi. Yïn cï jam yic lueel, yïn bï bɛ aa tiëtdï. Kɔc abïk bɛ̈n ciëën tëde yïn, ku acïn kë bï yïn tɔ lɔ tëde keek.

Edhekiɛl 44:11

Aduëërkï ya luööi tëdiën ɣeric, në luɔi bï kek kɛ̈l tiit thook, ku në luɔi de Luaŋdït. Aduëërkï läi ye kɔc ke gam ke ke ye miɔ̈c ye nyop ëbɛ̈n, ku miɔ̈c näk aa nɔ̈k, ku aduëërkï tɔ̈u në luɔi yic ke ke luui kɔc.

Edhekiɛl 44:15

Acïï Bɛ̈nydït Awärjäŋ lueel an, “Kek bäny ke kake Nhialic kë, ke dhiën ë Lebi ke kuat de Dhadok aŋootkï ke ke ye ya luööi në piɔ̈n adöt tëɣeric, të wään cïï kɔc juëc ke Yithriɛl röt yal wei tëde yɛn. Ka ënɔɔnë ee kek ee kɔc bï yɛn aa luööi, ku bïk aa bɛ̈n të täu ɛn thïn, bïk ɛn bɛ̈n gäm kɔl ku riɛm de miɔ̈c näk.

Lebai 8:9

Ku tɛ̈ɛ̈u akup de nɔm në Aron nɔm ayadäŋ. Ku tɛ̈ɛ̈u aduŋ de adhääp aya kekë göl ɣeric në yenɔm tueŋ, nyoth luöi cï yen rɔt gam. Cït man cïï Bɛ̈nydït yen yɔ̈ɔ̈k an looi.

Lebai 9:22

Na wën ke Aron ë jɔt yecin nhial në kɔc nïïm, ku thieei keek. Ku të cï yen miɔ̈c de kërac kekë miɔ̈c ye nyop ëbɛ̈n, ku miɔ̈c de mät kɔn gam tueŋ, ke bɔ̈ piny në yïk nɔm.

Kuɛ̈n 3:31

Ku ee kek ë ye athänduŋ de mät döt, ku paam, ku cök ke manyalath, ku yïk, ku aduuk ye bäny ke kake Nhialic luui tëɣeric, ku gëlgël de tëɣeric thok. Ee kek ë ye nïïm luɔi de ee kakë kedhie.

Kuɛ̈n 3:6

“Bɛ̈ɛ̈iyë dhiën de Lebai, ku tɔ keek kony Aron bɛ̈ny de kake Nhialic.

Kuɛ̈n 4:15

Ku të cïï Aron kekë wɛ̈ɛ̈tke thök në kum kum kek tëɣeric kɔ̈u ku kaɣeriic kedhie, ka kɔc akuëthkï, ke dhiën ë Koɣath ë bɔ̈ ku kɛ̈p keek. Ku ë ke cïï kaɣeriic ke paany de mät jak. Na lek keek jak, abïk thou. Ee dhiën ë Koɣath yen abï kake paany de mät aa ɣääc.

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Luɔi 13:2

Na wën, të looi kek ka ke bɛ̈nydït, ku reeckï cäm, ke ke yöökë Wëidït ɣer an, “Pɔ̈ckï yɛn Baranaba kekë Thaulo në këde luɔi cän ke caal thïn.”

Romai 1:1

Yɛn Paulo, lïm de Yecu Kërtho, raan cï cɔɔl, an, bï aa tuc, raan cï tɔ̈ɔ̈u pei në këde wëlpiɛth ke Nhialic.

Romai 12:7

ku nɔn ee yen luɔi ee wok kɔc luööi, yok këda looi apiɛth, ku raan ee wëët, ë ye wëët apiɛth,

2 Kor 6:17

Go ë Bɛ̈nydït lueel an, “Yen bä wek bei në keyiic, abäk röt tɔ ye kɔc mɛɛn pei. Ku duökï kënhiany ee jak, ku we bä dɔm.

Galatai 1:15

Ku Nhialic, Raan cï a tɔ̈ɔ̈u pei në maar yäc, go ya cɔɔl në dhuëëŋ de yenpiɔ̈u, të cï en piɔ̈u miɛt,

Nyöŋ 17:12

Raan lɔ löŋ de bɛ̈ny ee käŋ guiir kekë bɛ̈ny de kake Nhialic nu ë luɔi yic rɛɛc gam abïï nɔ̈k, në ee kueerë wek bï kërɛɛcë jɔ nyaai në Yithriɛl.

Nyöŋ 18:5

Bɛ̈nydït acï dhiën de Lebai lɔc në dhiëënkun yiic kedhie, ke ke bï Yen aa luööi, ke ke ye bäny de kake Nhialic aɣet athɛɛr.

Nyöŋ 21:3

Ku ëtɛ̈ɛ̈n, röördït ke wun wën thiääk ke të wën cïï ë raan nɔ̈k thïn, abïk miɔɔr bɛ̈ɛ̈i, miɔɔr kën kɔn lui, ku kën ka ke pɔ̈ɔ̈r kɔn ket.

Nyöŋ 21:5

Ku bäny ke kake Nhialic de Lebai abïk lɔ ëtɛ̈ɛ̈n ayadäŋ, në biäk bïï kek löŋ teem, löŋ de yic tɔŋ. Acïï Bɛ̈nydït Nhialicdun keek lɔc, bïk Yen luöi ku bïk athiɛɛi aa lueel në rinke.

Nyöŋ 31:9

Go Mothe ë löŋë gäär piny, ku gëm bäny ke kakë Nhialic, wɛ̈ɛ̈t ke lɔ, kɔc ë athänduŋ de män ë Bɛ̈nydït ɣääc ku lɔ röördït ke Yithriɛl kedhie.