Nyöŋ 10:2 - JAM DE NHIALIC 2011

² ku yɛn bï ee kurkë gääriic ka cä ke gäär ë kur wään bä ke dhoŋë yiic, ku abä keek tääu në athändukic.

Nyöŋ 10:2 ပူးပေါင်းရင်းမြစ်များ

1 Mel 8:9

Acïn kë nu athändukic, ee pɛɛm ke kur kaarou ɣɔn cïï Mothe ke tääu ëtɛ̈ɛ̈n në kuur ë Thinai nɔm, të ɣɔn mɛcë Bɛ̈nydït löŋ kekë kɔc ke Yithriɛl, ɣɔn bïï kek bei ë Rip.

2 Lëk 5:10

Acïn ke tɔ̈u në athänduŋ de mätic, ee pɛɛm kaarou de lööŋ kapäc, ka wään bïï Mothe ke tääu thïn ë kuur de Thinai, të wään bïï Bɛ̈nydït mät looi ke kɔc ke Yithriɛl wään bïï kek bei ë Rip.

Bɛ̈n 32:19

Na wën ɣëët Mothe tëthiɔ̈k, ku tïŋ miɔɔr, ku tïŋ kɔc acɔ̈ŋ, ke riääk piɔ̈u arëët. Go kur wën ɣɛ̈ɛ̈c cuat piny ë kuur thar ëtɛ̈ɛ̈n, agokï kɔ̈ɔ̈th dhuɔɔŋ.

Bɛ̈n 34:1

Na wën, ke lëk ë Bɛ̈nydït Mothe an, “Ŋuith pɛɛm ke kur kaarou, kur cït kur wään tueŋ. Ku bɛ̈ɛ̈i yë keek bä ke bɛ̈n gäär kɔ̈ɔ̈th lööŋ wään cä kɔn gäär ë kur tueŋkë kɔ̈ɔ̈th kaarou, kur wään bä ke dhoŋ kɔ̈ɔ̈th.

Bɛ̈n 40:20

Ku jɔ kur cï gɔ̈ɔ̈r kɔ̈ɔ̈th kaarou tääu në athänduŋ de mätic. Ku rïïu akum në athänduk nɔm.

Nyöŋ 10:5

aguɔ rɔt puk ku laar piny ë kuur nɔm, ku cït man cïï Bɛ̈nydït yɛn yɔ̈ɔ̈k, acä keek tääu athändukic, Athänduŋ cä looi, ku acïk tɔ̈u ëtɛ̈ɛ̈n gɔl ee të wäänë.”

Nyöŋ 4:13

Acï week lɛ̈k kë bäk dhil looi në luɔi bä wek män cï looi kekë week döt, wek bï lööŋ kathiëër dhil döt, lööŋ wään cï gɔ̈ɔ̈r në pɛɛm ke kur kaarou kɔ̈ɔ̈th.

Ɣeberuu 9:4

Ku kak ee nu thïn ee yïïŋ de nyum ë wal ŋïr cï cuëëc adhääp, ku athänduŋ de mät cï paat kɔ̈u piny në adhääp ëbɛ̈n ku ade yic käŋ kadiäk, kë tueŋ ee tööny adhääp de yic kuïn cɔl mana, kë ye kek rou ee thieny ë Aron wään cï kɔn nyok ku moc gaak, ku jɔ ya pɛɛm cï löŋ cï mac gäär ë kekɔ̈ɔ̈th.