Nyöŋ 1:33 - JAM DE NHIALIC 2011

³³ Raan wään tɔ̈u ë wenïïm tueŋ ë cäthdunic, ee week meer nïïm në mac wakɔ̈u, na akɔ̈l ke kum wenïïm në luät, ku aaye piny bä wek ɣap thïn kɔɔr ku ye week nyuöth kueer bä we tëëk thïn.

Nyöŋ 1:33 ပူးပေါင်းရင်းမြစ်များ

Neɣe 9:12

Aye ke wat aköl në mën de luät, ku Ye kueerden meeric wäkɔ̈u ë mën de mac.

Diɛt 105:39

Nhialic ë luät tääu ë kenïïm, ku tɔ mac tɔ dɛ̈p wakɔ̈u bï keek meer.

Diɛt 77:20

Yïn ee kɔcku wat cït man ë tïït, ku nu Mothe kekë Aron në kenïïm.

Diɛt 78:14

Të ye piny aköl aye keek caath në luät, ku në wɛ̈ɛ̈riic ëbɛ̈n aye keek caath në ɣɛɛr de mac.

Bɛ̈n 14:24

Ku tëthiin ye piny bɛ̈n ke ruuwë, ke Bɛ̈nydït ë luit rem de tɔŋ ë Rip ke nu në mën de biöl ë macic, ku nu në mën de piööl ë luätic, go ke tɔ riɔ̈c arëët.

Jeremia 31:2

Guɔ kɔc wään cï ban ë thuɔɔuwic nyuöth kokëpiɔ̈u ë jɔ̈ɔ̈ric. Wään kɔɔr ë kɔc ke Yithriɛl lɔ̈ŋ,

Edhekiɛl 20:6

Ee wään ë lɛ̈k Ɛn keek gutguut, luɔi bän keek bɛ̈ɛ̈i bei ë Rip ku lɛɛr keek pinydiën cä lɔ̈c keek, piny ee wat ë ca ku miök ë kiëc, piny wär piiny kedhie.

Dhek 2:5

Ku yɛn guöpdï, yɛn abï ya kal ë mac, kë bï ye gël. Ku ee yɛn abï ya dhuëëŋdɛn tɔ̈u yeyic thïn. Yen kë cï Bɛ̈nydït lueel ka.

Kuɛ̈n 10:33

Na wën, aa jäl kɔc ke Yithriɛl në kuur ë Bɛ̈nydït lɔ̈ɔ̈m, kuur ɣeric, acïk nïn kadiäk bɛ̈n nööm ke ke cath. Ku athänduŋde män ë Bɛ̈nydït ë keek bɛ̈n wat në ee nïnkë yiic kadiäk ke köör keek të bï kek lɔ piɔ̈ɔ̈t thïn.

Kuɛ̈n 14:14

abïk guiëër kɔc cieŋ ee pinyë. Ku kɔckë yiëthken aŋickï nɔn tɔ̈u yïn wekë wook, Bɛ̈nydït. Në luɔi yïn wo wat në mën de piööl ë luätic aköl, ku wat wook në mën de biöl ë macic wakɔ̈u.