Neɣe 9:8 - JAM DE NHIALIC 2011

⁸ Acï yök nɔn en raan ee piɔ̈u adöt ke Yïn, ku mac löŋ wekë yen. Acï thɔ̈n en bä gäm piny de kɔc ke Kanaan piny de kɔc ke Ɣit kekë kɔcke piny de Peridh ku Jebuth ku Girgac ke bï ya piny bïï käude rëër thïn. Yïn cï kë cï than piny muk në biäk Yïn Raan adöt.

Neɣe 9:8 ပူးပေါင်းရင်းမြစ်များ

Cäk 12:7

Go Bɛ̈nydït bɛ̈n tëde Abram, ku lëk en an, “Piny bä gäm mïthku kï.” Ago Abram Bɛ̈nydïït cï tïc tëde yen yiëk yïk.

Cäk 15:6

Ago Abram gämdɛn gɛm en Bɛ̈nydït döt, go Bɛ̈nydït piɔ̈u miɛt kekë yen, në biäk de gämde, go tɔ ye piathëpiɔ̈u.

Cäk 22:12

Go tunynhial lɛ̈k en an, “Du meth jak, ku du de kë luɔiyë yen. Acä ŋic ëgɔk ënɔɔnë, nɔn ee yïn Nhialic riëëu, në luɔi kën yïn wënduön töŋë pɛ̈n Bɛ̈nydït.”

2 Tham 22:31

Kuɛɛr ke Nhialic ayek dikëdik, ku wëlke aye ke ŋɔ̈ɔ̈th. Yen acït köt tëde kɔc ë gëlde kɔɔr.

1 Lëk 1:14

Kanaan aya aye kuɛɛrë de kɔc ke Jebuth, ku kɔc ke Amor, ku kɔc ke Girgac.

1 Lëk 16:16

Löŋdɛn cï mac kekë Abraɣam, ku gutguutdɛn cï looi kekë Yithaak.

Edhr 9:15

Yïn Bɛ̈nydït, Nhialic de Yithriɛl, Yïn adöt në kë cï lueel! Ku ënɔɔnë wokï, wok kɔc likkuön cï tɔ dɔ̈ŋ ke ke pïr, wok gam awɛ̈ɛ̈ckuɔ në Yïnɔm, wok cïn nïïm yic duëërë wo bɛ̈ɛ̈i në Yïlɔ̈ɔ̈m.”

Neɣe 9:33

Ee yic yen cï looi bä wo luöi këtuc, cakaa ɣɔn cïï wok wäc ke Yïn ee piɔ̈u piath we wook.

Diɛt 116:5

Bɛ̈nydït ee piɔ̈u kok ku apiɛth, Nhialicda ee piɔ̈u kok.

Bɛ̈n 3:17

Ka yen acï Yen en tak nɔn bï Yen week bɛ̈ɛ̈i bei piny ë Rip, ku leer week piny ë kɔc ke Kanaan, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth, piny ee wat ë ca ku miök ë kiëc!’ ”

Bɛ̈n 3:8

ka Yɛn aa bɔ̈ piny, bä keek bɛ̈n luäk bei në kɔc ke Rip cin. Ku bɛ̈ɛ̈i keek bei piny ë Rip, lɛɛr keek piny piɛth dïït lääu. Piny ee wat ë ca ku miök ë kiëc. Piny rëër ë kɔc ke Kanaan thïn, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

Edhekiɛl 33:24

“Mɛnh ë raan, aye kɔc rɛ̈ɛ̈r në pɛ̈ɛ̈ny cï riɔ̈ɔ̈k nu piny de Yithriɛl lueel an: Abraɣam aaye raan tök, ku acï bɛ̈n gäm piny ëbɛ̈n. Ku ënɔɔnë wok cï dɛ kɔc juëc, ka ënɔɔnë piny ee këda.

Kuɛ̈n 13:29

Ku kɔc ke Amalek rëër piny thar ciëën të lɔ wöuwic. Ku kɔc ke Ɣit, ayï kɔc ke Jebuth, ayï kɔc ke Amor arëërkï piny ë kuur. Ku kɔc ke Kanaan aa rëërkï në Wɛ̈ɛ̈r Ɣer yɔu, ku në wɛ̈ɛ̈r de Jordan kɔ̈u.”

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Luɔi 13:22

Ku të cï en e nyaai, ke jɔt Debid nhial abï aa melikden, go lueel në këde, an, ‘Yɛn cï Debid wën ë Jethe yök, raan nu ë yapiɔ̈u, raan bï këde yɛnpiɔ̈u looi ëbɛ̈n.’

Nyöŋ 26:3

Lɔɔr tëde bɛ̈ny de kake Nhialic tɔ̈u ë luɔi yic ee köölë, ku lëkkë yen, an, ‘Acä lɛ̈k Bɛ̈nydït Nhialicdï ee köölë nɔn cän bɛ̈n piny cïï Bɛ̈nydït thön kuarkuɔ an bïï gäm wook.’

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Nyöŋ 7:1

Go Mothe ŋoot ke jam an, “Bɛ̈nydït Nhialic abï week bɛ̈ɛ̈i piny bäk lɔ nööm, ku abï juöör juëc cuɔp wei ë ye yic, ku pɛ̈l wek lɔ tueŋ ku bäk juöör kathiërrou dït ku rilkï në week cuɔp wei, kɔc ke Ɣit, ku kɔc ke Girgac, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Nyöŋ 9:5

Acie baŋ de piathëpiɔ̈ndun, ku yak këpiɛth looi, yeka jɔ Bɛ̈nydït week tɔ nöm pinyden. Abïï juöörkë cuɔp wei në biäk de karɛcken, ku në biäk kɔɔr Yen bïï thöndɛn wään cï lɛ̈k kuarkun döt, Abraɣam, Yithaak, ku Jakop.

Tito 1:2

në aŋäth de pïïr athɛɛr, pïïr cï Nhialic Raan cïï lueth duëër töör kɔn lueel an, bï gäm kɔc, ɣɔn ŋootë piny ke kënë cak:

Ɣeberuu 11:17

Aa ye gäm de yic aŋäth, yen aa gɛm Abraɣam wëndɛn Yithaak ke ye miɔ̈c nɛ̈k Nhialic në thëm ë them En en.

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.

Jocua 11:23

Go Jocua piny peec ëbɛ̈n cït man wään cïï Bɛ̈nydït e lɛ̈k Mothe, ku tëk Jocua piny dhiëën ke Yithriɛl ke ye piinyken, piny ke dhiën tök. Ago kɔc jɔ lɔ̈ŋ në tɔɔŋ.

Jocua 11:3

Ku tɔ thok lɔ tëde kɔc ke Kanaan nu të lɔ aköl amiäk ku të lɔ aköl athɛ̈i ayadäŋ, kɔc nu në Jordan lɔŋë, ayï lɔŋ däŋë, ayï kɔc ke Amor, ayï kɔc ke Ɣit, ayï kɔc ke Peridh, ayï kɔc ke Jebuth nu piny ë kuur, ayï kɔc ke Ɣib, kɔc rɛ̈ɛ̈r në kuur ë Ɣermon thar në piny ë Midhepa.

Jocua 23:14

“Ku yɛn ë thiɔ̈k wokë thuɔɔu ënɔɔnë. Ku raan ëbɛ̈n në weyiic, aŋic në piɔ̈nde ëbɛ̈n, ka piɛth kiith cïï Bɛ̈nydït Nhialicdun looi, në luɔi cï yen we gäm këriëëc ë cï than ëbɛ̈n.

Jocua 9:1

Na ɣɔn, aa lɔ meliik ee kënë piŋ kedhie, meliik nu në wɛ̈ɛ̈r de Jordan kɔ̈u në wuöt ke piny ë kuur, ku meliik nu në kur ke wakic yiic, në Wɛ̈ɛ̈rdïït ɣer yɔu alɔ guut Lebanɔn. Meliik ke kɔc ke Ɣit kekë kɔc ke Amor, ku Kanaan, ku Peridh, ku Ɣib, ku Jebuth.

1 Jɔn 1:9

Ku na gamku awɛ̈ɛ̈ckuɔ, ke yen ee Raan adöt ku piɛthpiɔ̈u, ka bï wo päl karɛckuɔ, ku jɔ wo waak piɔ̈ɔ̈th në racdepiɔ̈u ëbɛ̈n.