Neɣe 9:37 - JAM DE NHIALIC 2011

³⁷ Ka ye piny ke luɔk ayek lɔ tëde meliik cï tääu në wo nïïm, në biäk cïï wok karɛc looi. Keek ayek këdɛn cïk tak luöi wook ayï ɣɔ̈kkuɔ, ka wok tɔ̈u në jiɛthëpiɔ̈u ku nɔm muum dït agökic!”

Neɣe 9:37 ပူးပေါင်းရင်းမြစ်များ

Edhr 4:13

Ku lɛ̈kkï Melik an kë bï rɔt looi kï: Të le kek pänydït thöl në yïk, ku thök kɛ̈l, acïkï athölbö bï bɛ kut ëbɛ̈n, ka athänduŋ de bääny de Melik abï yic dak.

Edhr 6:8

Ayadäŋ yɛn cï löŋ tääu piny në biäk de kë bäk luöi röördït ke Judai në yïŋ bï kek ɣön ë Nhialic yïk: Wëu ke bääny ye ke kut athölbö de piny ë wɛ̈ɛ̈r ë Yuparat lɔŋ të lɔ aköl athɛ̈i, abïï kek kë kɔɔr rɔt dap aa nööm thïn ke cïn agääu, ke luɔi cïï bï kɔ̈ɔ̈c.

Edhr 7:24

Ku week abäk ŋic apiɛth nɔn cïn wek yic bäk athölbɔ̈ aa kut tëde bäny ke kake Nhialic, ku Lebai, ku kɔc ee Nhialic pal në diɛt, ku kɔc ee kal tiit thok, ku kɔc ee luui në Luaŋdïtic ku nɔn ee kek kɔc kɔ̈k lui ɣön ë Nhialic.

Neɣe 5:8

ku luɛɛl an, “Ënɔɔnë acuk lëu yen luɔi be wok ke ɣɔɔc, kek mïthëkɔckuɔn ke Judai bïk ke dɔ̈k nïïm wook, kek kɔc ɣɔn cï röt ɣɔ̈c juöör? Ke week, ënɔɔnë, wek yɔŋ kɔckuön ke Judai, bïk röt ɣɔ̈c week, wek kɔcken!” Ku bäny acïk thook bɛ̈n mim ke cïn kë luelkï.

Dhiëëu 5:5

Wok ye kuaath atuc cï mul ku nɔn ee thɔ̈rɔ̈ɔ̈l, wok cï bäp, ku wok ye pɛ̈n lɔ̈ŋ.

Lebai 26:17

Yɛn bï rɔt wël week, ago kɔc dɛ wek ater week tiaam, kɔc man, week abïk week cieŋ. Ku wek bï ya kat, cakaa të cïn en raan cop week.

Jɔn 8:33

Gokï bɛ̈ɛ̈r an, “Wok ee kɔ̈th ke Abraɣam, ku wo kën kɔn aa lïïm ke raan däŋ ëcaŋɣɔn: eeŋö lueel yïn en an, ‘We bï lony?’”

Nyöŋ 28:33

Jur lei abï rɛɛpkun jɔt ëbɛ̈n, rɛɛp cäk keek puur në luɔi ril ke ke bï luɔk, acïn kë bäk yök thïn, ee yaaŋ cuth rɔt kekë luɔi rac.

Nyöŋ 28:39

Wek bï dom de enap aa com ku tiɛtkï keek, ku wek cïï mïthken bï tet taitai, ku cäkkï mɔ̈nden dek, käm abïk enap riɔ̈ɔ̈k.

Nyöŋ 28:48

Ka ënɔɔnë, wek bï kɔc ke ater aa lɔ luööi, kɔc bïï Bɛ̈nydït keek tuöc week. Wek bïï cɔk nɔ̈k kekë reu, ku ciënkï kɔ̈ɔ̈th lupɔɔ, ku we bï këriëëc ëbɛ̈n aa kɔɔr. Bɛ̈nydït abï week yɔŋ cï ka ɣɛ̈ɛ̈c wëëth agut të bïï ë week riɔ̈ɔ̈k.

Nyöŋ 28:51

Abïk ɣɔ̈kkun cuet ku rɛɛpkun, ku we bï thou në cɔk. Acïn rap töŋ bïk nyäŋ week, ayï mɔ̈u, ayï miök, ayï weŋ, ayï thök, ku we bï thou.