Neɣe 9:32 - JAM DE NHIALIC 2011

³² “Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Neɣe 9:32 ပူးပေါင်းရင်းမြစ်များ

1 Mel 8:23

Ku lɛ̈ŋ an, “Nhialic de Yithriɛl, acïn Nhialic cït Yïn paannhial ku piny. Yïn ee kë cï than piny döt ku nyuöthë nhiëërduön agɔk raan ëbɛ̈n, raan ee Yïn riëëu ku Ye kɔɔr ë piɔ̈nde ëbɛ̈n bïï këde piɔ̈ndu aa looi.

2 Mel 15:19

Go Tiglath Pilethar melik de Athiriya bɛ̈n bïï pinyden mak, go Menaɣem ye gäm aguum kathiërdiäk ku ŋuan 34,000 ke kilɔɔ gram ke ateek, ke bï yen kuɔny, ago Menaɣem tɔ̈u në riɛlde yic ke mac wunde.

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

2 Mel 17:23

agut të bï Bɛ̈nydït Yithriɛl nyaai në Yelɔ̈ɔ̈m, cït man cï Yen ke yɔ̈ɔ̈k ë röl ë lïïmke tït ke Nhialic. Ago Yithriɛl peec ku leerë keek Athiriya agut cï ë köölë

2 Mel 17:3

Na wën ke Calmanether melik de Athiriya ë took wut ku mɛk, go Ɣocia rɔt thön en ku ye kuöt athölbö në ruöön thok ëbɛ̈n.

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

2 Mel 23:29

Në akööl wään ye Jothia melik, go Neko melik de Rip rem de tɔŋ jɔt ke lɔ melik de Athiriya kony në wɛ̈ɛ̈r ë Yuparat. Ago melik Jothia ye them luɔi bï yen thɔ̈ɔ̈r ke rem de tɔŋ ë Rip në Megido, gokï Jothia nɔ̈k ë tɔŋic.

2 Mel 25:7

Go wɛ̈ɛ̈t ke Dhedekia nɔ̈k ke ke woi, ku tɔ nyïïn ke Dhedekia tukë bei, ku dutkï në kuɛɛt, ku leerkï Babilon.

Edhr 4:10

ku juöör kɔ̈kë kedhie cïï melikdïït adhuɛ̈ŋ cɔl Acurbanipal jɔt ku leer ke ë wuöt ke Thamaria yiic agut cï wuöt kɔ̈k tɔ̈u piny ë wɛ̈ɛ̈r ë Yuparat lɔŋ tui, të lɔ aköl athɛ̈i.

Edhr 4:2

Gokï lɔ tëde Dherubabel ku röördït ke dhiëën nïïm ku lëkkï keek an, “Tɔ wok yïk në week, në baŋ ee wok Nhialicdun lam cït man ë wek, ku aa yok näk, gɔl ɣɔn tɔ̈u Etharɣadon Melik de Athiriya, wään bïï wook ee tënë.”

Edhr 9:13

Cak an cï kakë kedhie röt luöi wook, ke ye luɔi looiyë wonïïm në biäk de karɛckuɔ ku awɛ̈ɛ̈ckuɔ, ke Yïn Nhialicda, Yïn cï wo luöi këtuc thiin cïï nɔm duëër awɛ̈ɛ̈ckuɔ ku tɔ wo poth.

Neɣe 1:5

“Bɛ̈nydït Nhialic de paannhial! Yïn dït, ku Yïn Awärjäŋ, Yïn raan ee löŋduön cï mac döt kekë nhiëërduön agɔk wekë kɔc nhiaar Yïn, ku loikï lööŋkuön cï than piny.

Diɛt 47:2

Bɛ̈nydït, Awärjäŋ Yen abï ë riɔ̈ɔ̈c, Yen ee melik dït, bɛ̈ny mac pinynɔm ëbɛ̈n.

Diɛt 66:3

Lëkë Nhialic an, “Luɔɔidu ee këdïït ë gäi! Riɛldu adït aläl ee kɔc ke aterdu tɔ gut kenïïm piny në Yïnɔm, në riɔ̈ɔ̈c.

Diɛt 66:5

Bäär tïŋ kë cï Nhialic looi, kadït ke gäi cï luöi kɔc.

Bɛ̈n 18:8

Go Mothe Jethro tɛ̈t këriëëc ëbɛ̈n, ka wään cïï Bɛ̈nydït luöi melik ë Rip, kekë kɔc ke Rip ɣɔn luɛ̈k en kɔc ke Yithriɛl bei. Ku tët katuc thook wään cï ke yök kueer, ku luɔɔi cïï Bɛ̈nydït ke kony.

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Danyel 9:4

Yɛn cï Bɛ̈nydït Nhialicdï lɔ̈ŋ, ku gam karɛc ke kɔckï. Guɔ lueel an, “Bɛ̈nydït Nhialic, Yïn dït, ku yïn yok riëëu, yïn ee raan adöt të lɔ löŋduön cï mac ku ye nhiëërduön agɔk nyuöth kɔc ee yïn nhiaar ku loikï lööŋku.

Danyel 9:6

Wok kën lïïmku tït piŋ thook, kɔc wään ee jam në meliikuɔ, ku në bänykuɔ, ku në kuarkuɔ, ku jurda ëbɛ̈n në rinku.

Danyel 9:8

Meliikuɔ, ku bänykuɔ, ku kuarkuɔ acïk luɔi de ayäär looi, ku luikï yïn kërac, yïn Bɛ̈nydït.

Lebai 26:18

“Ku në ee kakë cök kedhie na lak ŋoot ke we cïï jamdï piŋ. Wek bä kuum në baŋ de karɛckun raan dhorou ku nɔm.

Lebai 26:21

“Ku na lak ŋoot ke we loi ater në yɛn, ku cäkï jamdï piŋ. Yɛn bï nuɛɛnkun ŋuak nyïïn raan dhorou ku nɔm. Cït man ë kë röŋ kekë karɛckun.

Lebai 26:24

Ëtɛ̈ɛ̈n, Yɛn bï ater luöi week, ka wek bä luöi këtuc thok raan dhorou awär kë tueŋ ë biäk ë karɛckun.

Lebai 26:28

ëtɛ̈ɛ̈n në agönhdï, Yɛn bï ater luöi week, ku bɛ we luöi këtuc thok aläl raandhorou awär këtueŋ ë biäk de karɛckun.

Nyöŋ 7:12

Na cäk ee lööŋkë piŋ ku riëëukï keek në piɔ̈n adöt, ke Bɛ̈nydït Nhialicdun abï ŋoot ke muk löŋdɛn cï mac ke week ku abï we nyuöth nhiëër agɔk, cït man cien ë lɛ̈k kuarkun.

Nyöŋ 7:13

Abï we nhiaar ku thieei week, aguɔkï juëc ku dɛkï mïth juëc, abï duumkun thieei aguɔkï nïïm dɛ rap, ku mɔ̈u, ku miök de olip, ku abï we thieei në miɔ̈c bï yen we miɔɔc në ɣɔ̈k juëc ku amɛ̈l. Abï week gäm athiɛɛiyë ëbɛ̈n në piny cï lɛ̈k kuarkun an bïï gäm week.

Nyöŋ 7:21

Ka duökï riɔ̈c ee kɔckë Bɛ̈nydït Nhialicdun atɔ̈u ke week, Ee Nhialiny dït Raan duëërë riɔ̈ɔ̈c.

Nyöŋ 7:9

Takï wenïïm, Bɛ̈nydït Nhialicdun, Yen aye Nhialic Yetök, ku Yen aye Adöt. Abï löŋdɛn cï mac döt, ku nyuth nhiëërdɛn agɔk aguum ke rɛm ë kɔc ee ye nhiaar ku yek lööŋke riëëu,