Neɣe 9:30 - JAM DE NHIALIC 2011

³⁰ Ruöönë ee lɔ në ruöönë cök ke ke ye yɔ̈ɔ̈k në piɔ̈n lir, ku thiäŋ tïtku në Wëidït bïk keek jääm, ku kɔcku acïk aa mïŋ, ka cï keek tɔ pec ë juöör kɔ̈k.

Neɣe 9:30 ပူးပေါင်းရင်းမြစ်များ

2 Mel 18:11

Go melik de Athiriya kɔc ke Yithriɛl peec leerë ke Athiriya, ku tɔ kɔ̈k rɛ̈ɛ̈r wun cɔl Ɣala, ku tëthiääk ke Kiir de Ɣabor piny de Godhan, ku tɛ̈ɛ̈u kɔ̈k në wuöt ke Media yiic.

2 Mel 21:10

Go Bɛ̈nydït lueel në röl ë lïïmke tït ke Nhialic,

2 Lëk 24:19

Go Bɛ̈nydït keek tuöc tït bï keek lɔ jɔ̈ɔ̈ny agokï röt pɔ̈k yen, go kɔc bɛ̈n jaai ku cïkï piŋ thok.

Edhr 9:10

“Ku ënɔɔnë, Yïn Nhialicda, eeŋö duëërku bɛ lueel të cïï kapiɛthkë röt luöi wook kedhie? Ku beku lööŋku nyɔk ë reec.

Neɣe 9:20

Në biäk de piathdu acï ke bɛ̈n lɛ̈k kë duëërkï looi, aake ye cääm në mana, ku gäm ë keek pïïu bïk dek.

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Neɣe 9:29

Acï ke yɔ̈ɔ̈k bïk wëëtdu gam ku në biäk ye kek kenïïm ɣääc, ayek lööŋku rɛɛc, na cakaa nɔn ye muŋ de lööŋku kueer de pïïr. Ayek nïïm riɛl ku reeckï ke gam.

Diɛt 86:15

Ku Yïn Bɛ̈nydït Nhialic. Yïn ee Nhialic de nhiëër agɔk kekë piɔ̈n adöt. Yïn ee tïït aköölnyïïn, ku Yïn piathëpiɔ̈u ku Ye piɔ̈u adöt aköölnyïïn.

Diɛt 95:10

Në run kathiërŋuan ke ya man ee kɔckë. Guɔ lueel an, ‘Ee ciɛ̈n gäm cït ŋö cath kekë kɔcë! Acïk löŋdï rɛɛc gam.’

Yith 28:10

Athem luɔi wëët en wook në kïït ë kïït cök, ku këërkëër ë këërkëër cök, ku wëët ë wëëtë cök.”

Yith 42:24

Eeŋa ë gëm kɔc ke Yithriɛl cuɛ̈ɛ̈r ee kɔc rum? Aa ye Bɛ̈nydït guöpde, raan cuk luöi awäc! Wok kën rëër në kueer köör wook bïï wok rëër ku rïïuku wëët cï gäm wook.

Yith 48:9

“Ke kɔc ë ke bï rinkï leec, yɛn cï agönhdï dɔm ku bɛ kɔn takic, abä yök ke mɔ̈k ku cä we riäk.

Yith 63:10

ku acïk bɛ̈n rɛɛc ku tɔkï wëidït ɣerke göth. Ago Bɛ̈nydït ja aa raan de aterden ku thɛ̈ɛ̈r ke keek.

Jeremia 25:4

Wek kën këde piŋ, ku cäkkï gɔkic, cakaa nɔn ye Bɛ̈nydït ŋoot ke tuc week tïtke kɔc ee Yen luööi.

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Jeremia 44:4

Ku wek ya cool ë tuöc Yɛn week tïtkï kɔc ee Yɛn luööi, kɔc ee we yɔ̈ɔ̈k an, duökï karɛc maan keek ee looi.

Jeremia 44:5

Ku wek kën këdï piŋ, ku cäkkï jamdï gam. Wek cïï luɔiduön rac pɔ̈l, luɔi ya wek yiëth kɔ̈k nyuöp wal.

Jeremia 7:25

Gɔl ëkööl ɣɔn bɛ̈ɛ̈i Ɛn week bei ë Rip agut cï ee köölë, Yɛn ee cool ë tuc week lïïmkï, tït ke Nhialic.

Dhiëëu 2:17

Bɛ̈nydït acï këdɛn cï lueel an bïï looi jɔ looi. Acï wook riɔ̈ɔ̈k ke cïn kokdepiɔ̈u, cït man cï yen ye lueel ɣɔn thɛɛr. Acï kɔc ke aterde tɔ tiëm, acï keek tɔ mit piɔ̈ɔ̈th në wïïk cï wok wïïk.

Danyel 9:6

Wok kën lïïmku tït piŋ thook, kɔc wään ee jam në meliikuɔ, ku në bänykuɔ, ku në kuarkuɔ, ku jurda ëbɛ̈n në rinku.

Dhek 7:12

Acïk kenïïm bɛ̈n tɔ ril cït kuur, ku cïkï löŋ piŋ, ku wël wään cï Bɛ̈nydït de rɛm tɔ tucë keek në Wëike ë tït wään thɛɛr. Go Bɛ̈nydït de rɛm piɔ̈u bɛ̈n dïu arëët.

Dhek 7:13

Aye Bɛ̈nydït de rɛm lueel an, Në luɔi kën kek kë luɛɛl piŋ, lɔ̈ŋden akɛ̈n bɛ̈n piŋ ɣɔn ye kek lɔ̈ŋ.

Kuɛ̈n 11:26

Ku kɔc kaarou, në ee kɔckë yiic kathiërdhorou, Eldad kekë Medad, acïk bɛ̈n döŋ wut ke ke cïï lɔ në paany ë mät thok. Ku wëi acïk bɛ̈n lɔ në kegup ëtɛ̈ɛ̈n ayadäŋ, agokï bɛ̈n jam cït tït.

Luɔi 13:18

Go yepiɔ̈u tɔ lir në ciɛɛŋdɛn rac acït run kathiërŋuan ë jɔ̈ɔ̈ric.

Luɔi 28:25

Na wën, akën jamden rɔ̈m, ke ke jɔ jäl, të cï Paulo jam tök lueel, an, “Ee yic yen kë cïï Wëidït ɣer lɛ̈k wärkuɔ në tiët Yithaya,

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.

Romai 2:4

Ku cï dhuëëŋ de yepiɔ̈u guɔ biɔɔn dhuëëŋ gök, ayï dït ë liɛɛr ë yenpiɔ̈u, ku guöm guum en kajuëc, ku kuc dhuëëŋ de Nhialic piɔ̈u nɔn thel en yïn tëde puŋ bï yïn yïpiɔ̈u puk?

1 Pet 1:11

Ayek cök ë kɔɔr kek en an, Ee köölou ku nɔn ee yen kööl cït ŋö, kööl cï Wëidït nu ë keyiic nyooth, ɣɔn lueel kek ka bïï Kërtho guum, ku dhuëëŋ bï bɛ̈n ë kecök, ke ke ŋoot wei.

2 Pet 1:21

Acïn jam ë guiir tiët jam ë bɔ̈ në këde piɔ̈n ë raan ëtaiwei: kɔc ɣerpiɔ̈ɔ̈th kɔc ke Nhialic aake ye jam guiir të ye Wëidït ɣer ke kuaath.

2 Pet 3:9

Bɛ̈nydït acie gääu në kë cï kɔn lueel, ë gääu ee kɔc kɔ̈k tɔ ye gääu, ku alirpiɔ̈u ë thuaat kekë wook, ku acïn piɔ̈u luɔi bï raan tök määr, ee luɔi bï kɔc puŋdepiɔ̈u yök kedhie en anu ë yepiɔ̈u.