Neɣe 9:29 - JAM DE NHIALIC 2011

²⁹ Acï ke yɔ̈ɔ̈k bïk wëëtdu gam ku në biäk ye kek kenïïm ɣääc, ayek lööŋku rɛɛc, na cakaa nɔn ye muŋ de lööŋku kueer de pïïr. Ayek nïïm riɛl ku reeckï ke gam.

Neɣe 9:29 ပူးပေါင်းရင်းမြစ်များ

2 Mel 17:13

Ku Bɛ̈nydït acï Yithriɛl jɔ̈ɔ̈ny në jam de tiët ëbɛ̈n ku jam de monydaai ëbɛ̈n an, “Pälkï kuɛɛrkuön rac, ku riëëukï lööŋkï ku wëëtdï cït man cän ke gäm week në kueer ë awuutkï tït ke Nhialic.

2 Mel 17:14

Ku keek acïkï ee piŋ, acï kenïïm tɔ ril cï kuarkɛn ɣɔn kën Bɛ̈nydït Nhialicden gam.

2 Lëk 24:19

Go Bɛ̈nydït keek tuöc tït bï keek lɔ jɔ̈ɔ̈ny agokï röt pɔ̈k yen, go kɔc bɛ̈n jaai ku cïkï piŋ thok.

2 Lëk 33:10

Na cakaa wään cïï Bɛ̈nydït Manatha kekë kɔcke jɔ̈ɔ̈ny, gokï ŋoot ke ke cïï pïŋ.

2 Lëk 36:15

Go Bɛ̈nydït Nhialic de kuarken, bɛ̈n ŋoot ke ye tït tooc bïk kɔcke lɔ jɔ̈ɔ̈ny, në biäk kɔɔr en bï yen keek kony ku kony Luaŋdït.

Neɣe 13:15

Në ee thaar ɣɔnë yɛn ë kɔc tïŋ ë Juda ke ke dhim mɔ̈u ë kööl ë Thabath, ku kakë acïk rap ku mɔ̈u, ku enap kekë ŋaap ku kakɛn kɔ̈k käp në mulken kɔ̈ɔ̈th, ku leerkï ke Jeruthalem, guɔ keek gɔ̈k, ke cïn këriëëc bïk aa ɣaac në kööl ë Thabath.

Neɣe 9:10

Yïn cï kagɛ̈iyë luöi melik, ku bänykɛn ke luɔi ku kɔc ceŋ pinyde në biäk ŋic Yïn en yen yaaŋ ɣɔn cïï kek kɔcku yɔŋ. Yïn cï tiam në tïc de rin ŋoot ke tɔ̈u ke Yïn aɣet cï ënɔɔnë.

Neɣe 9:16

Ku kuarkuɔ aake ye kɔc ɣɛ̈ɛ̈c kenïïm acïk nïïm riɛl ëtör gokï lööŋku kɛ̈n gam.

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Neɣe 9:30

Ruöönë ee lɔ në ruöönë cök ke ke ye yɔ̈ɔ̈k në piɔ̈n lir, ku thiäŋ tïtku në Wëidït bïk keek jääm, ku kɔcku acïk aa mïŋ, ka cï keek tɔ pec ë juöör kɔ̈k.

Bɛ̈n 10:3

Go Mothe lɔ tëde melik kekë Aron, ku lek lɛ̈k en an, “Acïï Bɛ̈nydït Nhialic de Ɣeberuu lueel an, ‘Bä jamdï jɔ rɛɛc piŋ agut cï nɛn? Tɔ kɔckï jäl lek A lam.

Jeremia 17:23

Kuarken akënkï jamdï piŋ, ku cïn këden yic thïn ë yen. Acïk nïïm bɛ̈n riɛl, akënkï ya riëëu ku cïkkï wɛ̈ɛ̈t tëde Yɛn.

Jeremia 19:15

an acïï Bɛ̈nydït de rɛm, Nhialic de Yithriɛl lueel an, “Yɛn bï ee pänydïïtë kekë wuöt thiääk ë yen kedhie, luöi këtuc wään cä lueel an bä looi, në biäk riɛl wek nïïm, ku cäkkï kë luɛɛl ee piŋ.”

Jeremia 42:19

Aguɔ ŋuɔɔt ke luɛɛl an, “Bɛ̈nydït acï we yɔ̈ɔ̈k wek kɔc cï döŋ Juda an duökï lɔ Rip. Ka wek jääny keek ënɔɔnë

Jeremia 43:2

Go Adharia wën de Ɣocaya, ku Joɣanan wën de Karia, ku lɔ röör cïn piɔ̈ɔ̈th kedhie, gokï ya yɔ̈ɔ̈k an, “Yïn tör käŋ! Bɛ̈nydït Nhialicda akën yïn tooc bä bɛ̈n lɛ̈k wook an, duökï lɔ Rip ku bäk lɔ ceŋ ëtɛ̈ɛ̈n.

Jeremia 44:10

Ku agut cï ee köölë wek kën röt kuɔɔr piny. Wek kën ya riëëu, ku wek kën rɛ̈ɛ̈r në wɛ̈ɛ̈t de lööŋkï yiic, lööŋ cä gäm week ë kuarkun.

Jeremia 7:26

Ku acïn raan ee këden gam ku cïn raan piŋ këden. Ku wek cï nïïm riɛl ku rɛɛckï käŋ awär kuarkun.

Edhekiɛl 20:11

Acä ke yɔ̈ɔ̈k ku wɛ̈ɛ̈tke në lööŋkï, lööŋ ee raan ëbɛ̈n gäm pïïr, raan rïïu keek.

Danyel 5:20

Ku në luɔi cï yen rɔt lɛɛc, ku riil nɔm ku ye kɔc yɔŋ, acï bɛ̈n nyaai në thööcdɛn ë bääny yic, ku mɛ̈l ë tëdɛn ë dhuëëŋ.

Ɣodh 6:5

Yen acän week tuöc tïtkiën ke Nhialic në jam de luɔi de këtuc kekë riääk. Kë kaar tëde week ee kë tiëc yic ku le gɔk.

Lebai 18:5

Dɔ̈tkï wëëtdï ku dɔ̈tkï lööŋkï yiic, në biäk ye raan ë keek döt pïïr në keek. Ee Yɛn Bɛ̈nydït.

Math 19:17

Go yɔ̈ɔ̈k an, “Eeŋö tɔ yïn e piɛth? Acïn raan piɛth nu, ee tök tei, yen Nhialic. Ku na kɔɔr nɔn bï yïn lɔ të nu pïïr, ke yï döt cök ke lööŋ.”

Luk 10:28

Go lueel an, “Acï tiiŋ nɔm: na loiye wulë, ke yïn bï pïïr.”

Romai 10:5

Ku Mothe ë käŋ gɔ̈ɔ̈r alë, në këde piathëpiɔ̈u wën bɔ̈ në löŋ an, “Raan ee kakë looi abï pïïr ë keek.”

Galatai 3:12

Ku löŋ acie këde gäm: ku aye gɔ̈ɔ̈r an, “Raan ë keek looi, yen abï pïïr ë keyiic.”

Nyöŋ 31:21

Ku të le karɛc juëc ku nuɛɛn juëc keek yök, yen ee dinë abï ya cäätɔ gɛɛny keek. Në biäk cïï mïth ke mïthken nïïm bï määr në yen. Yɛn ŋic këdɛn bïk looi, ayï wään ŋuɔɔt ɛn ke ke kɛ̈n bɛ̈ɛ̈i piny ɣɔn cän kuëëŋ an bä gäm keek.

Nyöŋ 31:27

Në luɔi ŋiɛc ɛn week, luɔi ya wek kɔc cïn piɔ̈ɔ̈th ku rɛɛckï Bɛ̈nydït, ku na yak Bɛ̈nydït rɛɛc thok ke ya ŋoot ke ya pïïr wo week, ee rɛɛc cït ŋö yen bä wek En lɔ̈ɔ̈k rɛɛc të la yɛn thou?

Nyöŋ 4:26

Yɛn cï tënhial cɔɔl kekë piny ee köölë, bïk bɛ̈n daai në këdun, an, na lak yɛn cïï lɔ riëëu, ke we bï dap riäär ee pinyë yic. Wek cïï bï rëër aläl në ë piny tɔ̈u ë Jordan nɔm lɔŋtui, pinyduön bäk lɔ nöömë. Wek bï riɔ̈ɔ̈r nyïïn taitai.

Bäny 6:10

Acä lɛ̈k week an, “Yɛn ee Bɛ̈nydït Nhialicdun, duökï yiëth kɔ̈k ke kɔc ke Amor ee lɔ̈ŋ, kɔc de pinydɛn rɛ̈ɛ̈r wek. Ku wek kën apiŋ thok.”