Neɣe 9:25 - JAM DE NHIALIC 2011

²⁵ Kɔcku acïk wuöt ril ë tör dɔm, ayï piny ee luɔk, ku ɣööt cï thiäŋ ë këriëëc ëbɛ̈n, ku yïth cï thök në wëc, ku duum ke tiim ke olip ku tiim ee luɔk në mïth, ku camkï këriëëcdɛn kɔɔrkï abïk cuai, acïï këriëëc piɛɛth cï gäm keek ëbɛ̈n ke tɔ mit piɔ̈ɔ̈th.

Neɣe 9:25 ပူးပေါင်းရင်းမြစ်များ

1 Mel 14:9

Yïn cï kërɛɛcdïït wär kërɛɛc ë kɔc ë cï kɔn aa bäny në yïnɔm tueŋ looi. Yïn ë Ya rɛɛc ku tɔ Ya göth në këde yanhduön cï looi, ku wënh cï thɔ̈ɔ̈th bä ya lam.

1 Mel 8:66

Në kööl ëbɛ̈t, go Tholomon kɔc tɔ lɔ në bɛ̈iken yiic. Go kɔc melik leec ku jiëlkï ke ke mit piɔ̈ɔ̈th kedhie, në athiɛɛi cïï Bɛ̈nydït gäm Debid raandɛn ee ye luööi kekë kɔckɛn ke Yithriɛl.

Neɣe 9:35

Në athiɛɛidu, aye meliik kɔcku mac, të rëër kek piny lääu ŋic luɔk cï gäm keek, ku ayek jaai në luɔi bï kek luɔi de karɛc pɔ̈l ku luuikï Yïn.

Diɛt 105:44

Ago keek gäm piny de juöör kɔ̈k, ku tɔ keek nöm duumken,

Diɛt 65:11

Yïn ee kajuëc cï luɔk gäm wook ëbɛ̈n, ku të cï Yïn lɔ thïn ee dɛ kajuëc.

Kɛ̈ŋ 30:9

ku cä bï kuɛth abä nɔm määr në Yïn, ku na cä dak, ke yɛn duëër dhil kual ku ta rinku lɛ̈ɛ̈të.

Yith 6:10

Na wën ke lëk ɛn an, “Tɔ kɔckë ril nïïm, thiök keyïth ku tɔ ke miŋ, agokï cuö be daai në kenyïïn, ku cïkï be piŋ në keyïth, ku cïkï käŋ be yökiic në kepiɔ̈ɔ̈th. Ke ke cïï kepiɔ̈ɔ̈th bï puk aguɔ ke tɔ dem.”

Yith 63:7

Yɛn bï jam në biäk de nhiëër agɔk de Bɛ̈nydït, Abä piɔɔny në biäk de kajuëc cï luöi wook ëbɛ̈n. Acï baai de Yithriɛl thieei aläl në biäk de kok de yen piɔ̈u ku nhiëërdɛn agɔk.

Jeremia 2:7

Acä keek bɛ̈ɛ̈i piny ee ŋiëc luɔk, bïk kak ee luɔk cam ku kapiɛth kɔ̈k. Ku acïk pinydï riɔ̈ɔ̈k, acïk pinydiën cä gäm keek jɔ dhiöök.

Jeremia 31:14

Yɛn bï bäny ke kake Nhialic tɔ kueth ë kuïïn mit, ku tɔ kɔckï kueth ë ka kɔɔrkï. Acä lueel, Yɛn Bɛ̈nydït.”

Jeremia 32:23

Ku wään cï kek bɛ̈n ee pinyë ku nömkï, akënkï lööŋku bɛ̈n riëëu, ku akënkï rëër ë wëëtdu yic, acïn kë cïk looi në ka wään cï lɛ̈k keek yiic. Ago ee riääkkë ëbɛ̈n jɔ yiɛ̈n keek.

Edhekiɛl 20:6

Ee wään ë lɛ̈k Ɛn keek gutguut, luɔi bän keek bɛ̈ɛ̈i bei ë Rip ku lɛɛr keek pinydiën cä lɔ̈c keek, piny ee wat ë ca ku miök ë kiëc, piny wär piiny kedhie.

Danyel 11:24

Abï wut aa yiɛ̈n tɔŋ ke cïï lëk, ku abï käŋ looi, ka kën ë kuarken ke kɔn looi. Ku abï käŋ ku wëu cï keek peec ë tɔŋic, jɔ tɛ̈k kɔc ee yen kuany cök. Ku abïï kiëët luöi bï yen pänydït cï gël luöi tɔŋ, ku ëtɛ̈ɛ̈n köölde abï thiɔ̈k.

Ɣodh 13:6

Të ɣɔn cääm Ɛn week, wek ë ye kuɛth, ku të cä wek kuɛth, ke wek ɣɛ̈ɛ̈c wenïïm, ku määrkï nïïm në Yɛn.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Romai 2:4

Ku cï dhuëëŋ de yepiɔ̈u guɔ biɔɔn dhuëëŋ gök, ayï dït ë liɛɛr ë yenpiɔ̈u, ku guöm guum en kajuëc, ku kuc dhuëëŋ de Nhialic piɔ̈u nɔn thel en yïn tëde puŋ bï yïn yïpiɔ̈u puk?

Nyöŋ 3:5

Kek ee pɛ̈ɛ̈nydïtkë kedhie, aake cï gël në kɛ̈ldït bär, ku dekï thook athïïn ku gɛ̈ɛ̈rgɛ̈ɛ̈r. Ku aa de bɛ̈i juëc kɔ̈k cïn nïïm kɛ̈l.

Nyöŋ 32:13

Acï keek tɔ ceŋ ɣään thöny ke pinynɔm, ku camkï kak ee luɔk ë duumiic. Ku yökkï miök de kiëc ë kuriic, ku lok tiimkɛn ke olip piny de kuur.

Nyöŋ 32:14

Ku ɣɔ̈kken ku thöken abïk nïïm dɛ cɛk juëc, ku abïk dɛ amɛ̈l ku bɔɔth, ku ɣɔ̈k ke Bacan, ku agamɔ piɛth, kekë mɔ̈n mit.

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.