Neɣe 9:23 - JAM DE NHIALIC 2011

²³ Acï ke gäm mïth juëc cït kuɛl nhial ku tɔ ke pec piny ku rëërkï thïn, në thön ɣɔn cïï Yïn e thɔ̈n kuarken nɔn bï Yïn ke gäm piny.

Neɣe 9:23 ပူးပေါင်းရင်းမြစ်များ

Cäk 12:7

Go Bɛ̈nydït bɛ̈n tëde Abram, ku lëk en an, “Piny bä gäm mïthku kï.” Ago Abram Bɛ̈nydïït cï tïc tëde yen yiëk yïk.

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

Cäk 15:5

Go Bɛ̈nydït lɛɛr biic, ku lëk en an, “Woi nhial, ku kuen kuɛl kedhie, na bä ke lëu ë kuɛ̈n. Luɔi bï mïthku juëc ka cït man ë kek.”

Cäk 17:8

Ku yïn bä gäm ee pinyë, wekë mïthkuön bï lɔ̈ɔ̈k tɔ̈u në yïcök. Piny ciɛŋkï, piny de Kanaan ëbɛ̈n, abï ya pinydun anande. Ku Yɛn bï ya Nhialicden aɣet athɛɛr.

Cäk 22:17

Yïn bä thieei aläl, mïthku abä keek ŋuak nyïïn, ka bïk juëc cït man ë kuɛl nhial, ku cïtkï liɛɛt ë wɛ̈ɛ̈r yɔu. Ku mïthku abïk kɔc de kek ater aa tiaam.

Cäk 26:3

Rɛ̈ɛ̈rë ee pinyë, ku yïn bä thieei. Ku piny abä gäm yïn wekë mïthku. Ku gutguutdiën wään cä lɛ̈k Abraɣam wuur, abä thöl thok ënɔɔnë.

1 Lëk 27:23

Melik Debid akën kɔc gɔ̈ɔ̈r, kɔc ŋoot ë runken ke ke kën run kathiërrou cuööp, në biäk cïï Bɛ̈nydït gutguut lueel, an bïï kɔc ke Yithriɛl tɔ juëc, abïk ciët kuɛl nhial.

Bɛ̈n 1:12

Ku ëtɛ̈ɛ̈n, të cïï kɔc ke Yithriɛl miɛn, ayek jɔ kɛɛr arëët, ku jɔkï lɔ ke ke thiëi wut ëbɛ̈n. Go kɔc ke Rip riɔ̈ɔ̈c në keek.

Bɛ̈n 1:7

Ku löök mïthken kɛɛr arëët në kecök. Gokï juëc arëët ke ke ril. Gokï Rip thiɔ̈ɔ̈ŋic.

Nyöŋ 28:62

Cak aa wek ë cï juëc abäk ciët kuɛl nu nhial, ee kɔc liaakäŋ tei kek abï pïïr ë weyiic, në biäk kën wek Bɛ̈nydït Nhialicdun riëëu.