Neɣe 9:17 - JAM DE NHIALIC 2011

¹⁷ Acïk Yï rɛɛc thok, ku mɛ̈ɛ̈rkï nïïm në këriëëc ɣɔn cï looi ëbɛ̈n, mɛ̈ɛ̈rkï nïïm në kagɛ̈iyë ke cï ke looi, në lɛcden, gokï röt lɔ̈c bɛ̈ny bï ke dak nïïm në lïïmic paan ë Rip. Ku Yïn ee Nhialic ee kɔc päl awɛ̈ɛ̈c, Yïn de nɔm kok de piɔ̈u, ku nhiëër agɔk ku cïï ee dap gɔ̈th, kok de piɔ̈ndu adït arëët, ka kɛ̈n ë ke nyääŋ piny.

Neɣe 9:17 ပူးပေါင်းရင်းမြစ်များ

1 Mel 6:13

Yɛn bï rëër në mïth ke Yithriɛl yiic, ku Yɛn cïï kɔckiën ke Yithriɛl bï puɔ̈l.”

1 Mel 8:57

Në Bɛ̈nydït tɔ̈u ke wook cït man ɣɔn tɔ̈u En ke kuarkuɔ, ë cïï wo nyiëëŋ piny,

2 Lëk 36:13

Go Melik Dhedekia Melik Nebukadnedhar rɛɛc, raan cï ye dɔm ë riɛl bï kuëëŋ në rin ke Nhialic ago yen aa riëëu. Ago jai në riɛl ë nɔm ke cïï yepiɔ̈u puk ku cïï rɔt puk Bɛ̈nydït Nhialic de Yithriɛl.

Edhr 9:9

Na ciɛk aa nɔn ye wok lïïmë, ke Nhialicda akën wook päl ëtɛ̈ɛ̈n, Yïn ë Meliik ke Perthia tɔ nyuth wo nhiëërduön agɔk, ku bïk ŋoot ke ke tɔ wook rɛ̈ɛ̈r në miɛtëpiɔ̈ndan thɛɛric, ku tɔkï wo be ɣönduön wään cï riääk nyɔk ë yïk, ku gëlkï wook ee tënë ë Jeruthalem ku Juda ëbɛ̈n.

Neɣe 9:31

Ku në biäk dïït ë kokdepiɔ̈ndu, akɛ̈në ke nyääŋ piny, ku nɔn riäk keek. Yïn ee Nhialic de nhiëër de nɔm kokdepiɔ̈u!

Diɛt 106:13

Ku ayek nïïm guɔ dap määr ë kë cï looi ku luikï ke ke cïï täŋde be tiit.

Diɛt 106:7

Kuarkuɔ ɣɔn tɔ̈u kek ë Rip akënkï kagɛ̈iyë cï Nhialic ke looi yök yiic, acïk nïïm määr në ka juëc yen keek nyuöth nhiëërdɛn agɔk, gokï Awärjäŋ rɛɛc thok në Wɛ̈ɛ̈r thith yɔu.

Diɛt 130:4

Ku Yïn ee wook päl awɛ̈ɛ̈ckuɔ, ke wo bï aa riɔ̈ɔ̈c ë Yïn.

Diɛt 78:10

Akënkï löŋ cïk mac në Nhialic döt, gokï löŋde kɛ̈n riëëu.

Diɛt 78:11

Acïk nïïm määr në kë cï looi, kadït ke gäi cïk keek tïŋ ke ke looi.

Diɛt 78:38

Ku Nhialic aaye piɔ̈u kok kekë kɔcke. Acï keek päl awɛ̈ɛ̈cken, ku akën keek riɔ̈ɔ̈k. Aköölnyïïn kedhie aa agönhde dɔ̈m kɔ̈ɔ̈c, ku tɔ ŋeenyde tɔ lir.

Diɛt 86:15

Ku Yïn Bɛ̈nydït Nhialic. Yïn ee Nhialic de nhiëër agɔk kekë piɔ̈n adöt. Yïn ee tïït aköölnyïïn, ku Yïn piathëpiɔ̈u ku Ye piɔ̈u adöt aköölnyïïn.

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Bɛ̈n 32:9

Yɛn ŋic riɛl ril ee kɔckë nïïm.

Kɛ̈ŋ 1:24

Wek ya cool ë caal ɛn week ku cäkï gam. Wek cïï kë luɛɛl ee piŋ.

Jeremia 18:15

Ku kɔckï acïk nïïm määr ë yɛn, ayek wal ŋïr nyuöp yiëth. Acïk kɔ̈th në kueerdɛn duëër kek lɔ thïn, acïkï kuɛɛrkɛn thɛɛr be kuany yiic, aciɛthkï ë kueer kënë kuaar yic.

Jeremia 19:15

an acïï Bɛ̈nydït de rɛm, Nhialic de Yithriɛl lueel an, “Yɛn bï ee pänydïïtë kekë wuöt thiääk ë yen kedhie, luöi këtuc wään cä lueel an bä looi, në biäk riɛl wek nïïm, ku cäkkï kë luɛɛl ee piŋ.”

Jeremia 7:26

Ku acïn raan ee këden gam ku cïn raan piŋ këden. Ku wek cï nïïm riɛl ku rɛɛckï käŋ awär kuarkun.

Edhekiɛl 5:6

Ku kɔc ke Jeruthalem acïk lööŋkï rɛɛc ku nyooth luɔi rɛɛc kek awär juöör kɔ̈k, ayek a rɛɛc awär juöör thiääk në yen. Jeruthalem acï yöökdï rɛɛc ku jiëi lööŋkï.

Danyel 9:9

Yïn ee piɔ̈u kok, ku päl awɛ̈ɛ̈c, cakaa nɔn cïï wok kueerdu pɔ̈l.

Jowɛl 2:13

Takï piɔ̈ɔ̈thkuön cï dhuɔɔŋ nyooth dhiën ë piɔ̈u, Rɛ̈t ya wek lupɔɔ rɛt yiic acïï käŋ bï thöl. Puɔ̈kkï röt Bɛ̈nydït Nhialicdun. Në luɔi Yen adhuɛ̈ŋ ee piɔ̈u kok. Acie dap gɔ̈th, ku ee nhiëër agɔk nyuɔɔth, ee kɔc dap päl karɛc ku cïï kɔc lui këtuc.

Lebai 26:44

Ku na cakaa nɔn tɔ̈u en aya të rɛ̈ɛ̈r kek piny de kɔc de kek ater, acä keek bï rɛɛc ku acä keek bï maan man abä keek riɔ̈ɔ̈r nyïïn taitai, ku riääk mändï wokë keek. Ee Yɛn Bɛ̈nydït Nhialicden.

Naɣum 1:3

Bɛ̈nydït acie dap gɔ̈th ku aril arëët. Ku acïï kɔc de gup gääk bï pɔ̈l ke ke kën luöi këtuc. Ee cath kekë amaŋ, ku yom de kɔɔr. Ku luät kek aye tɔr de Yen cök!

Kuɛ̈n 14:11

Go Bɛ̈nydït lɛ̈k Mothe an, “Kɔckë bïk jɔ cieŋ ë ke biɔn Ɛn guöp agut cï nɛn? Bïk Ɛn jɔ gam nɛn? Yɛn ë göök gɛ̈ɛ̈iyë ke juëc looi në keyiic, ku aŋootkï ke ke cïï ya gam.

Kuɛ̈n 14:41

Go Mothe ke jɔ̈ɔ̈ny lueel an, “Tiëŋkï, wek be ŋoot ke we reec Bɛ̈nydït thok ënɔɔnë, ka bäk tiam adï?

Kuɛ̈n 16:14

Acïn piny ee wat ë ca ku miök ë kiëc ë bïï yïn wo thïn, ku acïn duum cï gäm wook, duum ke rap, ku nɔn yen duum ke tiim. Ku ënɔɔnë, akɔɔr bä wo bɛ math. Wok ë jai, wok cïï lɔ.

Luɔi 7:39

Raan wään cï kuarkuɔ këde rɛɛc piŋ, acïk jäp wei, agokï kepiɔ̈ɔ̈th bɛ pɔ̈k Rip.

Romai 9:15

Ku acï lɛ̈k Mothe an, “Yɛn bï piɔ̈u kok wokë raan cä tak an, bä piɔ̈u kok wo yen, ku bä a piɔ̈u wɛ̈l raan cä tak an, bä yapiɔ̈u wɛ̈l en.”

Ɣeberuu 12:25

Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!

1 Tham 12:22

Bɛ̈nydït acï kuëëŋ looi, ka cïï week bï nyääŋ piny. Acï Bɛ̈nydït tak bï week tɔ ye kɔcke