Neɣe 9:16 - JAM DE NHIALIC 2011

¹⁶ Ku kuarkuɔ aake ye kɔc ɣɛ̈ɛ̈c kenïïm acïk nïïm riɛl ëtör gokï lööŋku kɛ̈n gam.

Neɣe 9:16 ပူးပေါင်းရင်းမြစ်များ

2 Mel 17:14

Ku keek acïkï ee piŋ, acï kenïïm tɔ ril cï kuarkɛn ɣɔn kën Bɛ̈nydït Nhialicden gam.

2 Lëk 29:6

Kuarkuɔ aake cïn adöt tëde Bɛ̈nydït Nhialicda ku loikï kë cï ye tɔ diu piɔ̈u. Acïk Bɛ̈nydït nyääŋ piny ku welkï ke kɔ̈ɔ̈th tëdɛn cëŋ en thïn.

2 Lëk 30:8

Duökï we nïïm tɔ ril cï keek, yak Bɛ̈nydït riëëu. Bäkkï Jeruthalem të tɔ̈u ë tëɣeric, të wään cïï Bɛ̈nydït Nhialicdun tɔ piɛth aɣet athɛɛr, ku bäk lam ago cïï be gɔ̈th ke week.

2 Lëk 36:13

Go Melik Dhedekia Melik Nebukadnedhar rɛɛc, raan cï ye dɔm ë riɛl bï kuëëŋ në rin ke Nhialic ago yen aa riëëu. Ago jai në riɛl ë nɔm ke cïï yepiɔ̈u puk ku cïï rɔt puk Bɛ̈nydït Nhialic de Yithriɛl.

Neɣe 9:10

Yïn cï kagɛ̈iyë luöi melik, ku bänykɛn ke luɔi ku kɔc ceŋ pinyde në biäk ŋic Yïn en yen yaaŋ ɣɔn cïï kek kɔcku yɔŋ. Yïn cï tiam në tïc de rin ŋoot ke tɔ̈u ke Yïn aɣet cï ënɔɔnë.

Neɣe 9:29

Acï ke yɔ̈ɔ̈k bïk wëëtdu gam ku në biäk ye kek kenïïm ɣääc, ayek lööŋku rɛɛc, na cakaa nɔn ye muŋ de lööŋku kueer de pïïr. Ayek nïïm riɛl ku reeckï ke gam.

Diɛt 106:6

Wok cï wäc cït man ë kuarkuɔ, wok cï kërac looi ku ciɛthku në rɛ̈ɛ̈c yic.

Diɛt 81:8

Piɛŋkï, këdiën luɛɛl, wek kɔckï, kɔc ke Yithriɛl anhiaar aläl ë luɔi duëër wek këdï piŋ!

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Bɛ̈n 32:9

Yɛn ŋic riɛl ril ee kɔckë nïïm.

Kɛ̈ŋ 29:1

Raan ee cool ë jiëënyë yen ku cïï gäm, ee bɛ̈n dhuɔŋ ëthiäu ku acie bɛ piath anande.

Yith 48:18

“Na piɛŋkï lööŋ cä lɛ̈k week tei! Ke athiɛɛi aduëër we kuany cök cït man ë nyin ë pïïu cie dëu! Ku piathëpiɔ̈u aduëër ciët apiöŋ de pïïu në wɛ̈ɛ̈r yɔu.

Yith 48:4

Aa ŋiɛc nɔn bïï wek riɛl ë nɔmdun nyuɔɔth, wek ril nïïm ëtör cï wëëth ku cäkï wenïïm ee waar cï maläŋ.

Yith 63:10

ku acïk bɛ̈n rɛɛc ku tɔkï wëidït ɣerke göth. Ago Bɛ̈nydït ja aa raan de aterden ku thɛ̈ɛ̈r ke keek.

Jeremia 19:15

an acïï Bɛ̈nydït de rɛm, Nhialic de Yithriɛl lueel an, “Yɛn bï ee pänydïïtë kekë wuöt thiääk ë yen kedhie, luöi këtuc wään cä lueel an bä looi, në biäk riɛl wek nïïm, ku cäkkï kë luɛɛl ee piŋ.”

Jeremia 2:31

Kɔc ke Yithriɛl piɛŋkï kë lɛ̈k week. Cä ciët jɔ̈ɔ̈r tëde week, cä ciët mɔ̈ɔ̈th ku piny rac? Eeŋö ya wek en lueel an bäk lui cï kë nhiaarkï ë wepiɔ̈ɔ̈th, ku nɔn cäkkï bï kɔn bɛ̈n ciëën tëde Yɛn?

Jeremia 7:26

Ku acïn raan ee këden gam ku cïn raan piŋ këden. Ku wek cï nïïm riɛl ku rɛɛckï käŋ awär kuarkun.

Edhekiɛl 5:6

Ku kɔc ke Jeruthalem acïk lööŋkï rɛɛc ku nyooth luɔi rɛɛc kek awär juöör kɔ̈k, ayek a rɛɛc awär juöör thiääk në yen. Jeruthalem acï yöökdï rɛɛc ku jiëi lööŋkï.

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

Nyöŋ 31:27

Në luɔi ŋiɛc ɛn week, luɔi ya wek kɔc cïn piɔ̈ɔ̈th ku rɛɛckï Bɛ̈nydït, ku na yak Bɛ̈nydït rɛɛc thok ke ya ŋoot ke ya pïïr wo week, ee rɛɛc cït ŋö yen bä wek En lɔ̈ɔ̈k rɛɛc të la yɛn thou?

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.

Nyöŋ 5:29

Na yek kë cït ee kënë tak aya aköölnyïïn! Ku na yek ya riëëu guöp ku rïïukï lööŋkï kedhie, ago piath ke keek ayï kuatden aɣet athɛɛr.

Nyöŋ 9:13

“Acïï Bɛ̈nydït lɛ̈k ɛn aya, an, ‘Yɛn ŋic riɛl ril ë kɔckë nïïm.

Nyöŋ 9:27

Tak awuutku yï: Abraɣam ku Yithaak ku Jakop, ku du riɛl ë nɔm, ku kërac, ku kuöc luɔɔi ee kɔckë woi.

Nyöŋ 9:6

Abäk dhil ŋic an Bɛ̈nydït aa cïï week gëm ee piny ee ŋiëc luɔkkë, në baŋ de piathëpiɔ̈ndun. Ei, ee wek kɔc ril nïïm.

Ɣeberuu 3:13

Ku yak wepiɔ̈ɔ̈th riit wapäc aköölnyïïn kedhie. Ke bï ciën raan töŋ bï nɔm riɛl ë weyiic të cïï kërac e math. Në luɔi ŋoot En ke cöt “Ee köölë.”

Ɣeberuu 3:15

Cït man cïï ye lueel në këcïgɔ̈ɔ̈ric an: “Të piɛŋ wek rölde ee köölë, ke we duökï wenïïm tɔ ril cït man ë kuarkun, ɣɔn cä wek Bɛ̈nydït tɔ diu piɔ̈u.”