Neɣe 9:14 - JAM DE NHIALIC 2011

¹⁴ Acï ke wɛ̈ɛ̈t bïk kenïïm aa tak në akööl ë thabath ɣeric bïk tɔ piath, ku në kueer ë lïmduön Mothe acï ke gäm lööŋku.

Neɣe 9:14 ပူးပေါင်းရင်းမြစ်များ

Cäk 2:3

Go Nhialic kööl ë dhorou tɔ ye kööl piɛɛth lɔ yum. Go thieei, ku jɔ tɔ ye kööl ɣeric, në luɔi yen kööldɛn ë lɔ̈ŋ En thïn, në luɔidɛn ë ciɛk En piny nɔm.

Neɣe 1:8

Ku ënɔɔnë, tak Yïnɔm në kë wään lɛ̈kë Mothe an, ‘Na cakkï bï aa kɔc adöt në Yɛn, ke wek bä thiäi në juöör kɔ̈kiic,

Neɣe 10:32

Në ruöön thok ëbɛ̈n wok bï wëu aa juaar, raan ëbɛ̈n abï kuën cït wëu kadhïc aa yök në ateek, bïï ke kake Luaŋdït aa cuat piny ka kɔɔr kuɔɔny.

Bɛ̈n 16:23

Go Mothe lɛ̈k keek an, “Acïï Bɛ̈nydït lueel an miäk ee kööl de Thabath ɣeric, köölde. Thalkï ka kaarkï ë thät, ku piäärkï ka kaarkï ë piëër, na de kë cï döŋ ke täukï miäk.”

Bɛ̈n 16:29

Ŋiɛckï nɔn ee Yɛn Bɛ̈nydït, ee Yɛn ë gëm week kööl ë Thabath. Ka yen a Yan week gäm këcam de akööl kaarou në kööl ye akööl dhetem. Raan ëbɛ̈n në weyiic ë ye rëër baaide në kööl ë dhorou, ke cïn të le yen thïn.

Bɛ̈n 24:12

Na wën, ke lëk ë Bɛ̈nydït Mothe an, “Bä nhial në kuur nɔm të nu Yɛn thïn. Ku të cïn bɛ̈n nhial, yïn bä bɛ̈n gäm pɛɛm ke kur kaarou, paam cän lööŋkï gäär ë kekɔ̈ɔ̈th kedhie, lööŋ bï kɔc aa nyuööth.”

Edhekiɛl 20:11

Acä ke yɔ̈ɔ̈k ku wɛ̈ɛ̈tke në lööŋkï, lööŋ ee raan ëbɛ̈n gäm pïïr, raan rïïu keek.

Edhekiɛl 20:12

Acä ke gäm kööldiën de Thabath ke ye kïn de mät në kaamdï wo keek, bïï keek aa täk nïïm, an yɛn Bɛ̈nydït, acä keek tɔ ɣer yiic.

Edhekiɛl 20:20

Luɔikï Thabath ke ye kööl ɣeric, ago ya kïn ë män cuk looi, ku abï we täk nïïm nɔn ee yɛn Bɛ̈nydït Nhialicdun.

Lebai 19:3

Ku ŋɛk ë ye man riëëu kekë wun, ku yak kööl de Thabathdï döt, ee Yɛn Bɛ̈nydït Nhialicdun.

Lebai 27:34

Kakë ayek lööŋ ke Bɛ̈nydït, lööŋ ë gëm keek Mothe ë kuur ë Thinai nɔm, bï keek lɛ̈k kɔc ke Yithriɛl.

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Nyöŋ 4:45

Kakë ayek wëët ku lööŋ ku cök ke piööc, ë gëmë Mothe keek mïth ke Yithriɛl, wään bï kek bɛ̈n bei ë Rip.

Nyöŋ 4:5

“Wek cä keek wɛ̈ɛ̈t ë lööŋ kedhie, cït man cïï Bɛ̈nydït Nhialicdï ya yɔ̈ɔ̈k an luɔi. Riëëukï keek në ee piny bäk lɔ rumë ku cieŋkï.

Nyöŋ 5:31

Ku yïn Mothe, yïn bï rɛ̈ɛ̈r wekë yɛn eenë, ku yïn bä gäm lööŋkï kedhie kekë piööcdï. Wɛ̈ɛ̈t ë kɔc ë keek, agokï keek dhil aa riëëu në piny bä lɔ gäm keek.’