Neɣe 9:10 - JAM DE NHIALIC 2011

¹⁰ Yïn cï kagɛ̈iyë luöi melik, ku bänykɛn ke luɔi ku kɔc ceŋ pinyde në biäk ŋic Yïn en yen yaaŋ ɣɔn cïï kek kɔcku yɔŋ. Yïn cï tiam në tïc de rin ŋoot ke tɔ̈u ke Yïn aɣet cï ënɔɔnë.

Neɣe 9:10 ပူးပေါင်းရင်းမြစ်များ

Neɣe 9:16

Ku kuarkuɔ aake ye kɔc ɣɛ̈ɛ̈c kenïïm acïk nïïm riɛl ëtör gokï lööŋku kɛ̈n gam.

Neɣe 9:29

Acï ke yɔ̈ɔ̈k bïk wëëtdu gam ku në biäk ye kek kenïïm ɣääc, ayek lööŋku rɛɛc, na cakaa nɔn ye muŋ de lööŋku kueer de pïïr. Ayek nïïm riɛl ku reeckï ke gam.

Diɛt 83:18

Tɔ ŋickï nɔn ee Yïn Bɛ̈nydït Yïtök, Bɛ̈nydït ee Awärjäŋ ë pinynɔm ëbɛ̈n.

Bɛ̈n 18:11

Acä jɔ ŋic nɔn Yen Bɛ̈nydït Yen dït awär yiëth kedhie. Në luɔi cï yen kɔc ke Yithriɛl luök ɣɔn luui ë kɔc ke Rip keek në dhääl.”

Bɛ̈n 3:20

Ku riɛldï abä nyuɔɔth. Yɛn bï kake gäi tuc thook looi ë Rip. Ku në ee kakë cök kedhie, melik de Rip abï week jɔ puɔ̈l ajäl.

Bɛ̈n 5:2

Go melik puk nɔm an, “Bɛ̈nydït eeŋa, ka yɛn duëër jamde jɔ piŋ, ku ta kɔc ke Yithriɛl jäl? Yɛn kuc Bɛ̈nydït, ku kɔc ke Yithriɛl acä ke bï tɔ jäl.”

Bɛ̈n 7:1

Go Bɛ̈nydït lɛ̈k en an, “Yïn bä tɔ cït Nhialic tëde melik, ku Aron wänmuuth yen abï jam cït man ë tiëtdu.

Bɛ̈n 9:16

Yïn aa ta pïïr në baŋ bän riɛldï nyuɔɔth, ke kɔc ke piny nɔm ë ke bï Ya ŋic kedhie.

Yith 42:20

Yithriɛl yïn cï kajuëc tïŋ, ku eeŋö yek lɛ̈k yïn? Yïn de yith yïn ke piŋ ku eeŋö cï piŋ ë yic?”

Yith 63:12

Tɔ̈u Bɛ̈nydït ë nou, raan ɣɔn cï kadït gɛ̈iyë tɔ looi ë Mothe në riɛlde, acï pïïu tekiic ku wɛt kɔcke në kueer thuth tɔ̈u ë pïïu thäär,

Yith 63:14

Acït man ye ë ɣɔ̈k kuaath ë wak de yic wal, yen acïï Wëi ke Bɛ̈nydït kɔc ke tɔ lɔ̈ŋ. Acï kɔcke wat ku tɔ rinke yök dhuëëŋ.

Jeremia 32:20

Ɣɔn thɛɛr, yïn aacï göök ku kagɛ̈iyë looi ë Rip, ku acï ŋoot ke ke loi keek agut cï ee köölë, në Yithriɛl yic ku në juöör kɔ̈k yiic ëbɛ̈n, ago Yïn jɔ ŋic ë piny nɔm ëbɛ̈n.

Edhekiɛl 20:9

Ku akɛ̈n looi, në luɔi duëër ee kënë ayäär yiɛ̈n rinkï, në biäk cän en lɛ̈k kɔc ke Yithriɛl rɛ̈ɛ̈r në juöör ceŋ kek piny an, wek bä bɛ̈ɛ̈i bei piny de Rip.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Danyel 9:15

“Ku yïn Bɛ̈nydït, Nhialic, yïn cï riɛldu nyuɔɔth, në bïï cï yïn kɔcku bɛ̈ɛ̈i bei ë Rip, ku riɛldu aŋoot ke ye tak. Wok cï wäc, wok cï kërac looi.

Luɔi 7:36

Yen ë raanë yen aa bïï ke bei, wën cï en göök looi göök bï kɔc ke gäi paan ë Rip, ku Wɛ̈ɛ̈r thith, ku jɔ̈ɔ̈ric ë run kathiërŋuan.

Romai 9:17

Ku këcïgɔ̈ɔ̈r acï lɛ̈k melik an, “Yen këde ee kënë yen aa jat ɛn yïn nhial, ke ya bï riɛldï nyuɔɔth ë yïyic, ku bï rinkï aa lueel ë piny nɔm ëbɛ̈n.”

Nyöŋ 4:34

De yanh cïï jur kɔn bɛ̈ɛ̈i bei në jurdäŋ yic, ku tɔ keek ee kɔcke, cït man cï Bɛ̈nydït Nhialicdun ye luöi week ë Rip? Ke woikï ë wenyïïn, acï riɛldɛndït kekë riɛl luɔɔi, acï kuöm ku tɔɔŋ bɛ̈ɛ̈i, ku looi göök ku kak ke gäi, ku kadït ee riɔ̈ɔ̈c tɔ loi rɔt.

Nyöŋ 7:19

Takï wenïïm në göök dït riliic wään cäk keek tïŋ ë wenyïïn kake gäi ku göök, ku riɛldït cïï Bɛ̈nydït Nhialicdun week wɛ̈ɛ̈r bei, ku në ee kueerë acï kɔcke Rip riɔ̈ɔ̈r nyïïn abï kɔc riääc wek e keek ënɔɔnë riɔ̈ɔ̈r nyïïn kedhie.

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.