Neɣe 8:9 - JAM DE NHIALIC 2011

⁹ Na wën ale kɔc e piŋ yen kë kɔɔr ë löŋ, goke gut piɔ̈ɔ̈th arëët abïk duɛ̈ɛ̈r an dhiaukï. Go Neɣemia bɛ̈ny de baai ku Edhera bɛ̈ny de kake Nhialic, ku ee bɛ̈ny ee lööŋ wɛ̈ɛ̈t ku kɔc ke Lebai wën ee löŋ wɛ̈ɛ̈ric kɔc ëbɛ̈n, acïk lueel an, “Köölë ee kööl ɣeric tëde Bɛ̈nydït Nhialicdun ka wek cïï piɔ̈ɔ̈th bï jiɛth thïn, ku nɔn dhiaukï.

Neɣe 8:9 ပူးပေါင်းရင်းမြစ်များ

2 Mel 22:11

Na wën aa lɔ melik jamde awerek de löŋ piŋ, go lupɔɔ ke rɛtiic në jiɛthëpiɔ̈u.

2 Mel 22:19

ku në biäk cï yïn piɔ̈u dhiau, ku kuɔɔrë rɔt piny në Bɛ̈nydït nɔm, wën piŋ yïn luɔi bän kërac looi ee tënë, ku lɔ kɔc ceŋ ee tënë, an duëërkï a ɣään bï pɔ̈l, ɣään cï cieen, ku yïn ë lupɔɔku rɛtiic, ku dhiau në Ya nɔm, Yɛn ayadäŋ yïn cä piŋ röl.

2 Lëk 15:3

Kɔc ke Yithriɛl acïk rëër ë run juëc ke ke cïn nïïm Nhialic yic, ku cïnkï nïïm bäny ke kake Nhialic ee keek wɛ̈ɛ̈t, ku cïnkï lööŋ.

2 Lëk 30:22

Go Melik Ɣedhekia kɔc ke Lebai leec në luɔi cïk kek läm de Bɛ̈nydït ŋiëc guiir. Na wën aa cï nïn kadhorou wan të wään gɛm kek miɔ̈c de mät leec kek Bɛ̈nydït, Nhialic de kuarken,

2 Lëk 34:19

Na wën piŋ ë melik jam de awerek, go lupɔɔ ke yenkɔ̈u rɛt yiic ë jiɛthëpiɔ̈u.

2 Lëk 34:21

“Lakï bäk Bɛ̈nydït lɔ luɔp në biäkdï, ku në biäk de kɔc cï döŋ Juda ku Yithriɛl, ku në biäk de jam de awerek cï yök, në biäk bï Bɛ̈nydït göth aläl kekë wook, në biäk kën ë wärkuɔ jam de Bɛ̈nydït döt, akënkï kë cïï lueel awerek yic ëbɛ̈n looi.”

2 Lëk 35:3

Ku yɔ̈ɔ̈k kɔc ke Lebai, ku kɔc ee wëët ë Yithriɛl, kɔc cï ke gäm luɔi de Bɛ̈nydït an: “Tääukï athänduŋ de män ɣeric ɣön wään yïk ë melik Tholomon wën ë Debid. Ku acäkï bï bɛ aa ɣääc lɛɛrkï tɛ̈ɛ̈n ku tɛ̈ɛ̈n, ku we bï Bɛ̈nydït Nhialicdun aa luööi kekë kɔckɛn ke Yithriɛl.

Edhr 2:63

Go bɛ̈ny keek yɔ̈ɔ̈k cïkï bï ya cam në këcam ɣeric, agut kööl bï bɛ̈ny de kake Nhialic kɔn cɔ̈ɔ̈r në kur ke Yurim ku Thumim.

Edhr 7:11

Kënë ee awerek ë gɛ̈ɛ̈r Melik Ateradath ku gɛ̈m Edhera bɛ̈ny de kake Nhialic, ku ye bɛ̈ny ë lööŋ wɛ̈ɛ̈t, lööŋ ke Bɛ̈nydït cï ke gäm kɔc ke Yithriɛl.

Neɣe 10:1

Raan tueŋ ë yen ë kɔn thɛ̈ɛ̈ny ee bɛ̈ny de baai, Neɣemia wën de Ɣakalia, ku jɔ Dhedekia thɔ̈ɔ̈ny. Ku kɔc bɔ̈yë acïk thɔ̈ɔ̈ny aya:

Neɣe 12:26

Kɔckë aake tɔ̈u në thaar ɣɔn nu Joyakim, wën ë Jocua ku ee wën ë wën ë Jeɣodhadak, ku në akööl ɣɔn ye Neɣemia bɛ̈ny de wuöt ku ye Edhera bɛ̈ny de kake Nhialic, ku ye lööŋ wɛ̈ɛ̈t.

Neɣe 7:65

Go Bɛ̈ny de Judai lɛ̈k keek cïkï duëër cam në këcam ɣeric cï gäm Nhialic ke ye miɔ̈c, aɣet të bï yen kɔn dɛ bɛ̈ny de kake Nhialic bï cäär de kur ke Yurim ku Thumim looi.

Neɣe 7:70

Kɔc juëc acïk bɛ̈n juar kunykï në luɔi bï Luaŋdït bɛ nyɔk në yïk tëde: Bɛ̈ny de baai aa gɛm kilɔɔ kabɛ̈t ke adhɛ̈p, ku aduuk kathiërdhïc ke luɔi ë Luaŋdïtic, ku 530 ke lupɔɔ ke bäny ke kake Nhialic. Bäny nu ë dhiëën nïïm aake gɛm 168 ke kilɔɔ ke adhɛ̈p ku1,250 ke kilɔɔ ke atek. Kɔc kɔ̈kkë aake gɛm 168 ke kilɔɔ ke adhɛ̈p, 140 ke kilɔɔ ke atek, 67 ke lupɔɔ ke bäny ke kake Nhialic.

Neɣe 8:2

Go Edhera awerek lɔ bɛ̈ɛ̈i të wën cïï amatnɔm mat thïn, röör, ku diäär ku mïth cï nyïïn ŋuɛ̈ɛ̈n duëër löŋ yökic.

Wɛ̈ɛ̈t 3:4

Ade kööl ë dhiëëu, ku kööl ë dɔl, ade kööl ë dhiënëpiɔ̈u, ku kööl ë miɛtëpiɔ̈u.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Lebai 23:24

“lɛ̈kë kɔc ke Yithriɛl an, ‘Në kööl tueŋ de pɛɛi ë dhorou, wek bï nïïm dhiɛl dɛ kööl de lɔ̈ŋ ɣeric. Kɔc abïk dhil guëër të töŋ de lɔ̈ŋ, ku jɔ gɔl thar ë kɛŋ bï keek kooth.

Malakai 2:13

Ku däŋ yak looi kï: wek ee yïïŋ ë Bɛ̈nydït mool nɔm në pïïu ke wenyïïn. Ku wek ee röt näk piny në dhiëëu ku kiɛɛu, në baŋ cïï Bɛ̈nydït miɔ̈cdun ee bɛ gam në miɛtëpiɔ̈u, ku cïnic këde thïn kekë miɔ̈cduön yak gam.

Romai 3:20

Acïn raan töŋ bï tɔ piɛthpiɔ̈u ë yenɔm në luɔi de löŋ, ee löŋ yen ë bïï ŋïny de kërac.

Romai 7:9

Ku yɛn, yɛn ee pïïr wään liiuwë löŋ, ku të cï cöök de löŋ bɛ̈n, ke kërac ee bɛ pïïr, aguɔ thou yɛn,

Nyöŋ 12:12

Jakï piɔ̈ɔ̈th miɛt ëtɛ̈ɛ̈n në Bɛ̈nydït lɔ̈ɔ̈m week në mïthkun, ku lïïmkuön röör ku diäär, ku Lebai rëër ë wuötkuniic, ku aŋiɛckï nɔn cïn ë Lebai nïïm wuöt ke naamden.

Nyöŋ 12:7

Në Bɛ̈nydït Nhialicdun lɔ̈ɔ̈m ëtɛ̈ɛ̈n, we bï cam, ku jakï piɔ̈ɔ̈th miɛt në bɛ̈ikun ëtök, në ka cäk keek looi ëbɛ̈n, ka cï Bɛ̈nydït Nhialicdun we thieei.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Nyöŋ 26:14

Yɛn cïn kë cä cam në keyiic wään dhiau ɛn, ku acïn kë cä bɛ̈ɛ̈i bei ɣöndï wään raac yɛn guöp në biäk de ciɛɛŋ, ku acïn kë cä gam në keyiic ke ee miɔ̈c de thuɔɔu. Yïn cä riëëu guöp, Yïn Bɛ̈nydït, yɛn cï këriëëc ëbɛ̈n looi, kë cï lueel në biäk de töŋ thiëër ë käŋ.

Jakop 4:9

Jiɛthkï piɔ̈ɔ̈th, ku yak thuc, ku dhiaukï, takï dɔldun puk rɔt aye dhiëëu, ku takï miɛt ë wepiɔ̈ɔ̈th puk rɔt aye jiɛthëpiɔ̈u!