Neɣe 6:15 - JAM DE NHIALIC 2011

¹⁵ Na ɣɔn aa lɔ nïn kathiërdhïc ku rou thook thök ke luɔi de kal ëbɛ̈n ë jɔ guɔ thök aya, në kööl ye pɛɛi de Eelul thok thiërrou ku dhïc.

Neɣe 6:15 ပူးပေါင်းရင်းမြစ်များ

Edhr 6:14

Ku röördït ke Judai acïk bɛ̈n ŋoot ke ke yïk ku lɔ yïŋden tueŋ në luɔi cïï ye mat ke wëët ë duötëpiɔ̈u ë tït ke Nhialic yï Ɣagai kekë Dhekaria wën de Yido. Gokï ɣönden thöl ë yïk në löŋ cïï Nhialic de Yithriɛl kɔn lueel, ku lɔ lööŋ cï Meliik ke Perthia yï Thairuth, kekë Dariouth ke tääu piny ku jɔ löŋ de Ateradath lɔ̈ɔ̈k bɛ̈n.

Edhr 6:15

Ku në kööl ye pɛɛi de Adar thok diäk (yen aye Aköldït në thoŋda), në ruöön ye Melik Dariouth run dhetem në bäänyic, yen aa jɔ ɣöt thök në yïk.

Neɣe 7:1

Ku ënɔɔnë kal acï nyɔk në yïk, thook ke kal acï ke tääu tëden kedhie, ku kɔc ee Luaŋdït tiit acï ke kuany, ku kɔc ee ket, ayï kɔc kɔ̈k ke Lebai acï ke gäm luɔiden.

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Diɛt 147:2

Bɛ̈nydït acï wo bɛ gäm Jeruthalem, abïï kɔckɛn wään cï peec ciëën.

Danyel 9:25

Gäärë kënë piny ku yökic. Gɔl ë kööl bïï ë löŋ tääu piny në luɔi bïï ë Jeruthalem bɛ lɔ yïk, agut kööl le ë bɛ̈ny cïï Nhialic lɔc bɛ̈n, run kadhorou raan dhorou abïk wan. Ku Jeruthalem abïï yïk kekë kuɛɛr ku karil bï yen tiit, ku abï kɔ̈ɔ̈c në run kadhorou raan thiërdhetem ku rou, ku abï ya kööl ke nuɛɛn.