Neɣe 6:14 - JAM DE NHIALIC 2011

¹⁴ Guɔ Nhialic lɔ̈ŋ an, “Nhialic tak Yïnɔm në kë cïï Tobia kekë Thanbalat ku luöi ë keek këtuc, ku tak Yïnɔm në tiiŋ tiët cɔl Nowadia ku lɔ tït kɔ̈k ëbɛ̈n ee yen them an bïk a riääc.”

Neɣe 6:14 ပူးပေါင်းရင်းမြစ်များ

Neɣe 13:29

Nhialic tïŋ luɔi cïï kek bɛ̈ɛ̈ny de bäny de kake Nhialic kekë löŋduön cï mac wekë bäny ke kake Nhialic ku kɔc ke Lebai dhiöök.

Neɣe 5:19

Yïn läŋ, Yïn Nhialic, ye ka cä luöi ë kɔckë tak ke ke ye ariöpdiën de athiɛɛi.

Diɛt 137:7

Tak Yïnɔm Bɛ̈nydït, në kë cï ë kɔc ke Edom looi, kööl ë peecë Jeruthalem. Tak këdɛn wään yek lueel an, “Jäpkï piny! Jäpkï piny abï riääk taitai!”

Diɛt 22:1

Nhialicdï, Nhialicdï, eeŋö pɛ̈l yïn ɛn? Yïn cä cɔɔl në dhiënëpiɔ̈u an luäk ɛn ku Yïn kën bɛ̈n.

Diɛt 63:1

Nhialic, Yïn ee Nhialicdï, Yïn kaar. Guöpdï ëbɛ̈n akɔɔr Yïn, yɛn cï yal në Yïn cït man ë piny ril cïn yic pïïu, piɔ̈ndï ë yal në Yïn.

Bɛ̈n 15:20

Go tiët Mariam, nyankënë Aron lɔ̈ɔ̈rdɛn de kɔ̈u joth nööm, ku nöm diäär lɔ̈rkɛn de kɔ̈ɔ̈th joth kedhie, ku kuanykï Mariam cök ke ke cɔ̈ŋ.

Jeremia 14:15

Yɛn Bɛ̈nydït, yïn bä lɛ̈k kë bä luöi ee tïtkë, tït kɛ̈n ke tooc, ku yek lɔ jam ë rinkï ku yek lueel an, tɔŋ ku cɔk acïï piny bï yök. Abä keek nɔ̈k në abätäu ku në cɔk.

Jeremia 14:18

Të wën lan roor, guɔ gup ke kɔc cï nɔ̈k tɔŋ tïŋ, wën bä yɛn wutic, guɔ kɔc nɛ̈k cɔk tïŋ. Tït ku bäny ke kake Nhialic aloikï luɔiden, ku akuckï kë loikï.”

Jeremia 28:1

Në ee ruöön ë yic, në pɛɛi de dhïc ë ruöön ë ŋuan wään ye Dhedekia melik, go Ɣanania wën de Adhur, tiët wun ë Gibiɔn, go jam ke yɛn ë Luaŋdïtic. Go ya yɔ̈ɔ̈k ë kɔc nïïm kedhie ku bäny ke kake Nhialic nïïm.

Jeremia 28:10

Ago tiët Ɣanania wai bɛ̈ɛ̈i bei ë tiët Jeremia yeth ku dhoŋ ke kɔ̈ɔ̈th.

Jeremia 28:15

Go tiët Jeremia lɛ̈k Ɣanania an, “Piëŋë Ɣanania! Bɛ̈nydït akën yïn tooc, ku yïn tɔ kɔckë gam lueth.

Math 24:11

Ku tït aluɛth abïk röt jɔt ke ke juëc, agokï kɔc juëc math.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Math 7:15

Yak röt tiit në tït aluɛth, kɔc ee bɛ̈n tëde week ke ke ceŋ dël ke thök, ku keyiic thïn ayak aŋuööth cï wäth.

2Tim 3:8

Ku acït man ɣɔn lueelë Jane ku Jambere lueel kek ater në Mothe, yen acït luɛl ee kɔckë ater lueel në yic aya, ee kɔc cï nïïm riääk ëtaiwei, ku cï ke tɔ cïn naamden në këde gäm.

1 Jɔn 5:16

Na de raan tïŋ mɛnhkënë ke loi kërac, ku cie kërɛɛc ee thuɔɔu bɛ̈ɛ̈i, ke lip, ka bï gäm pïïr në këde kɔc loi kërɛɛc cïï thuɔɔu ee bɛ̈ɛ̈i. Kërɛɛc ee thuɔɔu bɛ̈ɛ̈i anu: acä luel nɔn bï en lɔ̈ŋ në këde.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.