Neɣe 6:1 - JAM DE NHIALIC 2011

¹ Na wën aa lɔ Thanbalat, ku Tobia, ku Gecem raan de Arab, ku kɔc kɔ̈k ke aterda ye piŋ nɔn cïï wok kal thöl në yïk, ku cïn ɣään ɣɔ̈r kɔ̈k cï döŋ, cakaa ɣɔn ŋoot wok ke wo kën thook ke kal tääu, në ke thook.

Neɣe 6:1 ပူးပေါင်းရင်းမြစ်များ

Neɣe 13:4

Bɛ̈ny de kake Nhialic Eliacip ɣɔn cï gäm muŋ de luɔi de ɣööt ye kake Luaŋdït tɔ̈ɔ̈u thïn, acï ceŋ arëët ke ye raan piɛth ë kaamde kekë Tobia.

Neɣe 2:10

Ku na wën aa lɔ Thanbalat raan de Ɣoron ku bɛ̈ny Tobia raan de Ammon, ye piŋ luɔi de yen raan cï bɛ̈n bïï bɛ̈n luui, ke bï mïth ke Yithriɛl bɛ̈n bɛ tɔ piɛth, ke ke jɔ piɔ̈ɔ̈th riääk arëët.

Neɣe 2:19

Ku na wën aa cï Thanbalat ku Tobia raan de Ammon, ku raan de Arab cɔl Gecem kë kɔɔrku buk looi piŋ, agokï wo dɔl gup luelkï an, “Ee känŋö yak tak kë kaarkï bäk looi? Kaarkï bäk melik rɛɛc thok?”

Neɣe 3:1

Kënë yen ee nyöŋ ë be kal ë pänydït nyɔk në yïk ka. Go Eliacip bɛ̈nydïït ë kake Nhialic kekë bäny ke kake Nhialic acïk Thoŋ de kal cɔl Amääl nyɔk në yïk aya, ku gëmkï Bɛ̈nydït, ku tɛ̈ɛ̈ukï athïïn tëden. Ku gëmkï kal Bɛ̈nydït aɣet Aloocdïït de Bɔt ku Aloocdïït de Ɣananel, ye wut tiit.

Neɣe 3:3

Ku yïk dhiën de Ɣathenath Thoŋ de Rɛ̈c, ku tɛ̈ɛ̈ukï awïkde ku athïïnke tëden ku rïurïu ke.

Neɣe 3:6

Ku Joyada wën ë Pathia ku Meculam wën ë Bethodei acïk Thoŋ de Jecana nyɔk në yïk. Acïk awïkde ku athïïnke tääu tëden ku rïurïu ke.

Neɣe 4:1

Na lɔ Thanbalat ye piŋ nɔn cïï wok kal gɔl në yïk wok Judai, ke jɔ ŋeeny aläl, ku be wo geet gup,

Neɣe 7:1

Ku ënɔɔnë kal acï nyɔk në yïk, thook ke kal acï ke tääu tëden kedhie, ku kɔc ee Luaŋdït tiit acï ke kuany, ku kɔc ee ket, ayï kɔc kɔ̈k ke Lebai acï ke gäm luɔiden.

Danyel 9:25

Gäärë kënë piny ku yökic. Gɔl ë kööl bïï ë löŋ tääu piny në luɔi bïï ë Jeruthalem bɛ lɔ yïk, agut kööl le ë bɛ̈ny cïï Nhialic lɔc bɛ̈n, run kadhorou raan dhorou abïk wan. Ku Jeruthalem abïï yïk kekë kuɛɛr ku karil bï yen tiit, ku abï kɔ̈ɔ̈c në run kadhorou raan thiërdhetem ku rou, ku abï ya kööl ke nuɛɛn.