Neɣe 5:13 - JAM DE NHIALIC 2011

¹³ Ku bɛ̈ɛ̈i lupɔ ë cï duööt ë ya yic bei, ku yiɛ̈ɛ̈ric luɛɛl an, “Yen tän bï Nhialic raan ëbɛ̈n në we yiic yïïr ka, raan cïï kë cï than piny ee muk.” Ku luɛɛl an, “Nhialic abï ɣöötkun jɔt, ku këriëëcduön tɔ̈u ke week, ku nyiëëŋ we piny baaŋ.” Ago amatnɔm ëtɔ̈u ëtɛ̈ɛ̈n ëbɛ̈n lueel an, “Amiin!” Ku jɔkï Bɛ̈nydït leec ku jɔ bäny ka cïk than piny muk.

Neɣe 5:13 ပူးပေါင်းရင်းမြစ်များ

2 Mel 23:3

Go melik kɔ̈ɔ̈c në mën lɔ̈m ku mɛc löŋ në Bɛ̈nydït nɔm, an bïï Bɛ̈nydït aa riëëu, ku döt lööŋke kekë wëëtde, ku bïï löŋic aa döt ku looi në piɔ̈nde ëbɛ̈n ku riɛlde ëbɛ̈n cït man cï ye gɔ̈ɔ̈r në awerekic. Go kɔc gutguut lueel ëbɛ̈n an bïk löŋ döt.

1 Lëk 16:36

Pianykï Bɛ̈nydït, Nhialic de Yithriɛl! Lɛckï nɔm ënɔɔnë ku aɣet thɛɛr! Ku abïï kɔc kedhie lueel an, “Amiin”, ku piɔnykï Bɛ̈nydït.

Neɣe 8:6

Go Edhera lueel an, “Lɛckï Bɛ̈nydït, Nhialic dït!” Go kɔc kecin jat nhial kedhie, gamkï an, “Amiin! Amiin!” Ku guŋkï ke ke läŋ abïk piny jak në kenïïm.

Diɛt 119:106

Yɛn bï gutguut cä lueel muk bä wëëtdu riëëu.

Diɛt 50:14

Miɔc Nhialic në miɔ̈c de thieithieei, ku gämë Nhialic Awärjäŋ këduön cï yïn gutguut lueel.

Diɛt 76:11

Gämë Bɛ̈nydït Nhialicdu gutguut cï lëk yen, yiɛ̈nkï miɔ̈c yen, wek juöör thiɔ̈k wedhie. Nhialic ee kɔc ëbɛ̈n tɔ riɔ̈c në Yen,

Kɛ̈ŋ 28:4

Kɔc ee karɛc looi aye ke lɛc nïïm në kɔc ee lööŋ dhoŋ kɔ̈ɔ̈th, ku acïï keek ee pɔ̈l në kɔc ee lööŋ riëëu.

Wɛ̈ɛ̈t 5:5

Apiɛth cïï gutguut bï lueel, gutguut cïï bï looi.

Kuɛ̈n 5:22

pïïukë abïk yï tɔ thum ka cïn kë bï bɛ̈n bei në yïɣöi. Ku ëtɛ̈ɛ̈n, abï tik puk nɔm an, Amiin, Amiin, yɛn ë gam, tɔ looi ë Bɛ̈nydït cït ee manë.

Math 10:14

Ku na de raan reec week tɔ ye kamaan, ku reec wëlkun piŋ, të jäl wek ë ɣönë ayï pänydïïtë, ke we jɔ abuui tɛŋ wei ë wecök.

Luɔi 13:51

Ku keek, të cï kek abuui tɛŋ wei ë kecök në jäny bï kek ke jɔ̈ɔ̈ny, ke ke bɔ̈ Yikoniom.

Luɔi 18:6

Ku të cï kek ater cak ku lɛ̈ɛ̈tkï, ke Paulo teŋ lupɔde, ku jɔ keek yɔ̈ɔ̈k an, “Ë riɛmdun tɔ̈u ë weyiëth, yɛn liu thïn, ëlë ënɔɔnë, yɛn bï lɔ tëde Juöör.”

1 Kor 14:16

Be an, cie looi wuya, ku jɔ Nhialic thieei wekë wëiku kapäc, ke raan rɛ̈ɛ̈r ëtɛ̈ɛ̈n ke ye raan kënë wɛ̈ɛ̈t, bï “Amiin” lueel adï, nɔn kën en kë luel piŋ?

1 Tham 15:28

Go Thamwɛl lëk yen an, “Bɛ̈nydït ë bääny de Yithriɛl rɛ̈ɛ̈t bei ee köölë tëde yïn ku gëm raan thiääk wek, Raan ŋuän në yïn, cït man cï yïn lupɔdï reet thok.