Neɣe 3:21 - JAM DE NHIALIC 2011

²¹ Ku Meremoth, wën de Yuria ku wën ë wën de Ɣakoth acïk biäk däŋë yïk, ɣeetkï në thök ë ɣön ë Eliacip.

Neɣe 3:21 ပူးပေါင်းရင်းမြစ်များ

1 Lëk 4:8

Kodh yen aye wun Anub, ku Dhobeba kek e kuarken ë dhiën ke yï Aɣaraɣel wën de Ɣarum.

Edhr 2:61

Ayadäŋ në dhiëën ke bäny ke kake Nhialic yiic, atɔ̈u ë dhiën ë Ɣabaya, ku dhiën ë Ɣakoth, ku dhiën ë Bardhilai (Bardhilai raan wun ë Giliyad cïï nyande thiaak ku ye mïth ke nyande cɔ̈l en.) Kek ee dhiënkë acïk rinken kɔɔr të cïï kɔc gɔ̈ɔ̈r rin thïn, ku akënkï ke yök, go ke bɛ̈ɛ̈i rin bei në bäny ke kake Nhialic yiic.

Edhr 8:33

Na ɣɔn aacï nïn aa ŋuan, ke wo lɔ Luaŋdït, ku themku atek ku adhɛ̈p ayï aduuk, ku Meremoth wën ë Yuria bɛ̈ny de kake Nhialic, yen aa tɔ̈u ë thëm de käŋ në yeciin, ku tɔ̈u Eleyadhar wën ë Pineɣath ke yen, ku lɔ kɔc kaarou ke Lebai yï Jodhabad wën ë Jecua ku Nowadia wën ë Binui.

Neɣe 3:1

Kënë yen ee nyöŋ ë be kal ë pänydït nyɔk në yïk ka. Go Eliacip bɛ̈nydïït ë kake Nhialic kekë bäny ke kake Nhialic acïk Thoŋ de kal cɔl Amääl nyɔk në yïk aya, ku gëmkï Bɛ̈nydït, ku tɛ̈ɛ̈ukï athïïn tëden. Ku gëmkï kal Bɛ̈nydït aɣet Aloocdïït de Bɔt ku Aloocdïït de Ɣananel, ye wut tiit.

Neɣe 3:20

Ku yïk Baruk wën de Dhabai biäk däŋë, gɔl në Aŋel të ye kal rɔ yal ɣeet në kueer ee lɔ baai de Eliacip bɛ̈nydïït ë kake Nhialic.

Neɣe 3:22

Bäny ke kake Nhialic acïk biäk de kal nyɔk në yïk: Bäny ke kake Nhialic rɛ̈ɛ̈r në Jeruthalem kɔ̈u ëbɛ̈n acï ke gäm biäk de kal agokï yïk.

Neɣe 3:4

Ku Meremoth wën de Yuria, ku ee wën ë wën ë Ɣakoth acï biäkdäŋë yïk. Ku Meculam, wën de Berekia ku ee wën ë wën ë Mecedhabel acï biäkdäŋë yïk. Ku yïk Dhadok wën ë Baana biäkdäŋë.

Neɣe 7:63

Kakë aya ayek dhiëën ke bäny ke kake Nhialic kën ë kuarken gɔ̈ɔ̈r ago ke ŋic. Wɛ̈ɛ̈t ke Ɣobia, ku wɛ̈ɛ̈t ke Ɣakoth, ku Bardhilai kuɛɛrëden ë bäny ke kake Nhialic dhiën de Bardhilai acï thiëëk ë nyan dhiën ë Bardhilai de Giliyad ee rɔt cɔɔl në rin ke dhiënden ë yï tiiŋde. Na ɣɔn acï ke nyuöth tën ë bïï kuarken thïn ke ke reecë në luɔi duëër kek aa bäny ke kake Nhialic.