Neɣe 2:17 - JAM DE NHIALIC 2011

¹⁷ Ku në ee kakë cök, acä bɛ̈n lɛ̈k keek an, “Week wedhie awɔikï yen ë kërɛɛc nu wok thïnë, täu de Jeruthalem piny ke cï riääk, ku athïïn ke kal ë pänydït acï ke nyop në mac, bäk yïkku kal ë Jeruthalem, ke wo cïï ayäär bï bɛ guum.”

Neɣe 2:17 ပူးပေါင်းရင်းမြစ်များ

Edhr 9:9

Na ciɛk aa nɔn ye wok lïïmë, ke Nhialicda akën wook päl ëtɛ̈ɛ̈n, Yïn ë Meliik ke Perthia tɔ nyuth wo nhiëërduön agɔk, ku bïk ŋoot ke ke tɔ wook rɛ̈ɛ̈r në miɛtëpiɔ̈ndan thɛɛric, ku tɔkï wo be ɣönduön wään cï riääk nyɔk ë yïk, ku gëlkï wook ee tënë ë Jeruthalem ku Juda ëbɛ̈n.

Neɣe 1:3

Acïk bɛ̈n lɛ̈k ɛn an, kɔc wään cï döŋ apïr ɣɔn kënë peec, atɔ̈ukï në guöm dïtic, ku ye juöör rɛ̈ɛ̈r në kelɔ̈m ke dhɔɔt gup, ku kal ë pänydïït de Jeruthalem aŋoot ke tɔ̈u piny, ke cï riääk ku athïïn ke yen thok akënë ke tääu ëcaŋɣɔn nyopë keek.

Neɣe 2:13

Yɛn cï lɔ biic, la tëëk në Thoŋ lɔ të lɔ Wakic, ku la të lɔ Nyin de Ŋuäl ke ya lɔ ë Thoŋ de Dhuurnɔm, ku ja kal cï dhuɔŋ piny caath, ku thookkɛn ɣɔn cï nyop në mac.

Neɣe 2:16

Ku bäny ke luɔi akuckï të cïï yɛn lɔ thïn, ku kë cä lɔ looi në biäk kɛ̈n ɛn e lɛ̈k Judai kɔ̈k, ku bäny ke kake Nhialic, ku röördït ke baai, ayï bäny ke luɔi, ayï kɔc ke luɔi kedhie.

Neɣe 3:15

Calum wën ë Koloɣodh, bɛ̈ny de Midhpa acï Thoŋ de Awaŋ nyɔk në yïk, ku tɛ̈ɛ̈u awïk de kal thok, ku tɛ̈ɛ̈u athïïnke tëden ku rïurïu ke. Acï kal biäkdäŋë yïk në awuöl ë Cela nɔm ɣëëtkï ë dom de Melik, ku ɣëëtkï në kueer ye kɔc bɛ̈n piny Pänydït de Debid.

Diɛt 102:15

Juöör ke pinynɔm ëbɛ̈n abïk riɔ̈ɔ̈c në Bɛ̈nydït, meliik ke piny nɔm abïk riɔ̈ɔ̈c në riɛlde.

Diɛt 44:13

Yïn cï wo tɔ geet gup në kɔc thiääk në wook, ku dɔlkï wo gup ku buikï wo gup.

Diɛt 44:14

Yïn cï wo tɔ ye kɔc ye juöör biɔɔn gup, ku ayek kenïïm bet ke ke dɔl wo gup.

Diɛt 79:12

Bɛ̈nydït riɔp juöör kɔ̈kë raandhorou, në biäk de lɛ̈ɛ̈t kedhie, lɛ̈ɛ̈t cï kek Yïn läät.

Diɛt 79:4

Juöör thiääk në wook ayek wook läät, abiɔnkï wook ku yek wook dɔl gup.

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Dhiëëu 2:2

Bɛ̈nydït acï kɔc ceŋ wuöt ke Juda ëbɛ̈n riɔ̈ɔ̈k ke cïn kokdepiɔ̈u. Në agönhde acï ɣään ril ee piny gël dhuɔŋ piny. Acï ayäär bɛ̈ɛ̈i ë ciɛɛŋ guöp kekë bänykë.

Dhiëëu 3:51

Piɔ̈ndï acï jieth të wën tiëŋ ɛn kë cï tuöl tëde diëër ke pänydït.

Edhekiɛl 5:14

Kɔc ke juöör thiääk ë week ëbɛ̈n, kɔc ee tëëk ëtɛ̈ɛ̈n, abïk yïn aa dɔl guöp, ku mëëckï röt në week.

Maika 7:11

Akööl abïkï, akööl bïï kaldu bɛ yïk ëbɛ̈n, ku be ë pinydu ŋuak thok.

1 Tham 11:2

Ago Naɣac raan de Ammon bɛ̈ɛ̈r an, “Yɛn bï mät gam wo week në ee töŋë: ku töŋë ee luɔi bän nyin cuëny de raan ëbɛ̈n tuök bei në weyiic, ago kɔc ke Yithriɛl jɔ yäär kedhie.”