Neɣe 2:10 - JAM DE NHIALIC 2011

¹⁰ Ku na wën aa lɔ Thanbalat raan de Ɣoron ku bɛ̈ny Tobia raan de Ammon, ye piŋ luɔi de yen raan cï bɛ̈n bïï bɛ̈n luui, ke bï mïth ke Yithriɛl bɛ̈n bɛ tɔ piɛth, ke ke jɔ piɔ̈ɔ̈th riääk arëët.

Neɣe 2:10 ပူးပေါင်းရင်းမြစ်များ

Neɣe 13:1

Na ɣɔn ee köölë yic ke ke jɔ lööŋ ke Mothe kuɛ̈n kɔc në röl dït, gokï ɣëët tëde cöök ee ye lueel an cïn raan de Ammon ku raan de Mowap bï pɔ̈l ke ke bɔ̈ në amatnɔm de kɔc ke Nhialic yiic.

Neɣe 13:28

Joyada ee wën ë Eliacip bɛ̈nydïït ë kake Nhialic, ku wën töŋ de Joyada aaye mony ë nyan ë Thanbalat, raan wun ë Bethɣaron, guɔ Joyada bɛ̈n cieec ë Jeruthalem.

Neɣe 13:4

Bɛ̈ny de kake Nhialic Eliacip ɣɔn cï gäm muŋ de luɔi de ɣööt ye kake Luaŋdït tɔ̈ɔ̈u thïn, acï ceŋ arëët ke ye raan piɛth ë kaamde kekë Tobia.

Neɣe 2:19

Ku na wën aa cï Thanbalat ku Tobia raan de Ammon, ku raan de Arab cɔl Gecem kë kɔɔrku buk looi piŋ, agokï wo dɔl gup luelkï an, “Ee känŋö yak tak kë kaarkï bäk looi? Kaarkï bäk melik rɛɛc thok?”

Neɣe 4:7

Go Thanbalat, ku Tobia, ku kɔc ke Arabia, ku kɔc ke Ammon, ku kɔc ke Acedɔd wën le kek e piŋ nɔn ciɛth luɔidan ë yïŋ de kal ë Jeruthalem ke lɔ tueŋ, ku ɣään ɣɔ̈r wään tɔ̈u ke ke kën thök ë kal kɔ̈u acï ke thöl, gokï piɔ̈ɔ̈th jɔ riääk arëët.

Neɣe 6:1

Na wën aa lɔ Thanbalat, ku Tobia, ku Gecem raan de Arab, ku kɔc kɔ̈k ke aterda ye piŋ nɔn cïï wok kal thöl në yïk, ku cïn ɣään ɣɔ̈r kɔ̈k cï döŋ, cakaa ɣɔn ŋoot wok ke wo kën thook ke kal tääu, në ke thook.

Neɣe 6:16

Ɣɔn aa lɔ kɔc ke aterda ee kënë piŋ, kek juöör thiääk ë wook ëbɛ̈n, acïk bɛ̈n yäär në biäk cïï raan ëbɛ̈n e ŋic nɔn cïï luɔi looi në kuɔɔny de Nhialic.

Ethta 10:3

Modekayo raan de Judai, yen aaye bɛ̈ny tɔ̈u në Melik Athuwereth cök guöpde. Yen aaye Judai luöi këpiɛth rɔ̈ŋ ke keek, ku jɔ aa rëërdɛn bï kek rëër ë dïu. Gokï Modekayo bɛ̈n aa dhuëëŋ guöp, ku jɔ aa nhiaar guöp në kɔc juëckɛn ke Judai.

Diɛt 112:10

Kɔc rac ayek ee kënë tïŋ ku göthkï, ayek ke lec reem ku jiëlkï, kë ye kɔc rac kɔɔr ee kë cïn naamde.

Kɛ̈ŋ 27:4

Agɔ̈th ee riɔ̈ɔ̈c bɛ̈ɛ̈i, ku jɔ tiɛɛl rac arëët.

Kɛ̈ŋ 30:22

lïm cï ya melik, ku raan piɔl piɔ̈u cï kuɛth aläl,

Wɛ̈ɛ̈t 10:7

Yɛn cï lïïm tïŋ ke ke cath ë jöŋgöör kɔ̈ɔ̈th, ku cath adhuëëŋ piny në kecök cït man ë lïïm.

Yith 15:5

Yɛn dhiau piɔ̈u në këde Mowap! Kɔc acïk kɛt wutic Dhowar ku Eglath Celicia. Kɔ̈k acïk kueer ë Luɣith dɔmic ke ke dhiau, ku lɔ kɔ̈k thiaan ë Ɣoronaim ke ke cï piɔ̈ɔ̈th jiɛth arëët.

Jeremia 41:10

Ku jɔ duet ke melik mac, ku mɛc kɔc ë tɔ̈u ë Midhpa kedhie, kɔc cï Nebudharadan bɛ̈ny tueŋ de rem tääu në Gadalia cök. Go Yicmiɛl keek jɔt ke ke mac ku jiël ke wel enɔm piny de Ammon.

Jeremia 48:34

“Kɔc ke Ɣecbon ku Eliɛla adhiaukï, ku dhiënden abïï piŋ ë Jaɣadh tëmec, ku aduëërë piŋ ë kɔc ke Dhowar, ku piŋ ë Ɣoronaim ku Eglath Celicia. Ayï awuöl de Nimrim acï ril wei.

Jeremia 48:5

Piŋ luöi ye kek tiäk në kueeric ke ke lɔ Luɣith, adhiaukï ë jiɛthëpiɔ̈u, ke ke lɔ Ɣoronaim.

Luɔi 4:2

Acïk piɔ̈ɔ̈th diu në luɔi wëët kek kɔc, ku në luɔi guïïr kek kɔc këde Yecu në jön bï kɔc röt jɔt ë kɔc cï thou yiic.

Luɔi 5:24

Na wën, ke bɛ̈nydïït ë kake Nhialic, kekë bɛ̈ny ë Luaŋdït, ku bänydït kɔ̈k ë ka ke Nhialic, të cï kek kake piŋ, ke ke jɔ nïïm a cɔ̈ɔ̈t cɔ̈ɔ̈t në këden, në të bï jam nɔm pëk thïn.