Neɣe 13:22 - JAM DE NHIALIC 2011

²² Ku yɔ̈ɔ̈k kɔc ke Lebai bïk ke gup tɔ ɣer, ku bïk thook ke ë pänydït lɔ tiit, ke kööl ë Thabath bï tɔ̈u ke ye kööl ɣeric. Nhialic tak Yïnɔm në yɛn, në biäk ee kënë, ku kokëpiɔ̈u we yɛn ë baŋ dïït ë nhiëërduön agɔk.

Neɣe 13:22 ပူးပေါင်းရင်းမြစ်များ

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

2 Mel 23:4

Go melik Ɣilikia bɛ̈nydïït ë kake Nhialic yɔ̈ɔ̈k, ku bäny ke kake Nhialic lɔ në yecök, ku kɔc ee kal ë Luaŋdït tiit thok, bïk ka ye Baal lam nu ɣön ë Bɛ̈nydïtic bɛ̈ɛ̈i bei ëbɛ̈n, ayï kake Acera, ku kake läm de kuɛl. Acï melik ke bɛ̈n nyop ëbɛ̈n në Jeruthalem thok biic, wun thiääk ke Wak de Kidron, ku jɔt ŋenhden leer Bethel.

2 Lëk 29:24

Go bäny ke kake Nhialic bɔɔth nɔ̈k, ku wɛ̈lkï riɛm në yïk nɔm ke ee miɔ̈c de kërac bïï ë kɔc ke Yithriɛl teem gup kedhie, në biäk cïï melik keek yɔ̈ɔ̈k bïk miɔ̈c de kërac ku miɔ̈c ye nyop ëbɛ̈n luöi kɔc ke Yithriɛl kedhie.

2 Lëk 29:27

Go Ɣedhekia keek yɔ̈ɔ̈k bïk miɔ̈c ye nyop ëbɛ̈n gam ë yïk nɔm, na wën aa cï gɛm de miɔ̈c rɔt gɔl, go kɔc jɔ lɔ ke ke ket diɛt piɔɔnyë Bɛ̈nydït, ku gɔl kɔc ee thom gut, ku kɔc ee kɛŋ kooth luɔiden, ku jɔ kɛŋ ke dhuëëŋ gut kedhie ayadäŋ.

2 Lëk 29:30

Go Melik Ɣedhekia kekë bäny ke baai, gokï Lebai yɔ̈ɔ̈k bïk Bɛ̈nydït piɔɔny ë diɛt ɣɔn thɛɛr gɛ̈ɛ̈r ë melik Debid kekë Athap monydaai. Go kɔc kedhie ket ke ke mit piɔ̈ɔ̈th ku tukkï kemiɔl ku lɛmkï Nhialic.

Neɣe 12:10

Jocua: yen ee wun Joyakim, ku ye Joyakim wun Eliacip, ku ye Eliacip wun Joyada.

Neɣe 12:30

Go bäny ke kake Nhialic ku Lebai ke gup tɔ ɣer ku tɔkï kɔc ke Yithriɛl ɣer gup, ku jɔkï thook ke kal, ku lɔ kal ë pänydït de Jeruthalem tɔ ɣeric.

Neɣe 13:14

Nhialicdï tak Yïnɔm në këriëëc cä luöi ɣön ë Bɛ̈nydïïtdu, ku lɔ̈ŋde.

Neɣe 13:31

Ku kiëët tiim juëc ye ke miɔ̈c nyop, ke ke bï aa bɛ̈ɛ̈i në thaar wën kɔɔrë ke, ku biäk de kɔc bïk miɔ̈ckɛn ë rɛɛp ë kɔn luɔk kekë mïth ke tiim cï kɔn luɔk aa bɛ̈ɛ̈i. Nhialic, tak Yïnɔm në ee kënë ëbɛ̈n, ku gämë yɛn ariöp në këde.

Neɣe 5:19

Yïn läŋ, Yïn Nhialic, ye ka cä luöi ë kɔckë tak ke ke ye ariöpdiën de athiɛɛi.

Diɛt 130:7

Yithriɛl ŋäthkï Bɛ̈nydït, në biäk de nhiëërdɛn agɔk, ku aye kɔɔr bï kɔc kony ë ceŋ.

Diɛt 5:7

Ku në biäk ë nhiëërduön agɔk, yɛn duëër bɛ̈n ɣöndu, yɛn bï lam Luaŋduön ɣeric ku guöt a nɔm piny në Yïnɔm në riëëu.

Diɛt 51:1

Kokëpiɔ̈u we yɛn, në biäk ë nhiëërduön agɔk. Në biäk de kokdepiɔ̈ndu, nyaaiyë awɛ̈ɛ̈ckï wei!

Yith 38:3

“Tak Yïnɔm Bɛ̈nydït në luɔi ë yan ye them anandï bä aa raan adöt ku bä aa raan ee këde piɔ̈ndu looi.” Ku jɔ Ɣedhekia dhiau arëët.

Yith 49:23

Meliik abïk ciët wärkun ku cït diäär ke meliik märken. Abïk kenïïm guöt piny në yïnɔm ku riëëukï yïn, abïk röt kuɔɔr piny ke ke nyuth yïn riëëuden. Ëtɛ̈ɛ̈n abä jɔ ŋic nɔn ee Yɛn Bɛ̈nydït, acïn raan tit kuɔɔnydï ee yäär.”

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

Nyöŋ 5:12

‘Yak kööl de Thabath döt, ku yak tɔ ee kööl ɣeric cït man cän week yɔ̈ɔ̈k, Yɛn Bɛ̈nydït Nhialicdun.