Neɣe 13:16 - JAM DE NHIALIC 2011

¹⁶ Kɔc kɔ̈k ke Tayer ku arëërkï në Jeruthalem, acïk rec bɛ̈ɛ̈i wutic ku kajuëc kɔ̈k kithiic bïk ke bɛ̈n ɣɔ̈c kɔckuɔ në kööl ë Thabath.

Neɣe 13:16 ပူးပေါင်းရင်းမြစ်များ

Neɣe 13:15

Në ee thaar ɣɔnë yɛn ë kɔc tïŋ ë Juda ke ke dhim mɔ̈u ë kööl ë Thabath, ku kakë acïk rap ku mɔ̈u, ku enap kekë ŋaap ku kakɛn kɔ̈k käp në mulken kɔ̈ɔ̈th, ku leerkï ke Jeruthalem, guɔ keek gɔ̈k, ke cïn këriëëc bïk aa ɣaac në kööl ë Thabath.

Neɣe 13:17

Guɔ bäny ke Judai jɔ̈ɔ̈ny ku lɛ̈k keek an, “Tiëŋkï karɛc luɔikï! Wek kën kööl ë Thabath tɔ ɣeric.

Bɛ̈n 20:10

Na kööl ye akööl dhorou, ee Thabath ë Bɛ̈nydït Nhialicdu. Du ee luui thïn, yïn wekë mïthku, ayï lïïmku, ayï kɔc lei rɛ̈ɛ̈r në yïn ayï läiku.

Bɛ̈n 23:12

“Yak luui në akööliic kadhetem, ku duökï ee luui në kööl ye akööl dhorou, ke ɣɔ̈kkun ku mulkun ku lïïmkun, ayï kɔc lɛɛn luui week ke ke bï lɔ̈ŋ.

Nyöŋ 5:14

ku kööl ye akööl dhorou ee Thabath ë Bɛ̈nydït Nhialicdun, kööldɛn ë lɔ̈ŋ. Duökï ee lui thïn, week në wɛ̈ɛ̈tkun, ku duetkun, ayï lïïmkun, ayï mulkun, ayï ɣɔ̈kkun, ayï kɔc alɛi rɛ̈ɛ̈r në week pinydun, aguɔkï lɔ̈ŋ wedhie week në lïïmkun.