Neɣe 13:10 - JAM DE NHIALIC 2011

¹⁰ Acä jɔ bɛ̈n yök aya nɔn ë cïï kɔc ee ket, ku kɔc kɔ̈k ke Lebai Jeruthalem nyääŋ piny, ku pukkï röt në duumken yiic në luɔi ë kën ë kɔc keek gäm ka rɔ̈ŋ bïï kek ke pïïr.

Neɣe 13:10 ပူးပေါင်းရင်းမြစ်များ

2 Lëk 31:4

Ku në ee kënë cök, go melik kɔc ke Jeruthalem yɔ̈ɔ̈k bïk miɔ̈c ye gäm Lebai ku bäny ke kake Nhialic bɛ̈ɛ̈i, miɔ̈c ee këden, yen abïk kek röt gäm luɔi de wëët de löŋ ë Bɛ̈nydït.

Neɣe 10:37

Wok bï mɔ̈n de rɛɛp ë piac luɔk yiɛ̈n bɛ̈ny de kake Nhialic ë Luaŋdïtic në ruöön thok ëbɛ̈n, ayï kakuɔn ke miɔ̈cdan de mɔ̈u, ku miök de olip, ku këriëëc ë lok ë mïth ke tiim ëbɛ̈n. Ku yïnku kɔc ke Lebai ee ajuëër kut në wuötkuɔn ke pɔ̈ɔ̈riic, töŋ ë thiëër, ku këriëëc ee luɔk në duumkuɔ yiic.

Neɣe 10:39

Kɔc ke Yithriɛl ku kɔc ke Lebai abïk ajuëër ë mɔ̈u, ku miök de olip, ayï rap dhɛ̈ɛ̈th ɣön wën ye kake tëɣeric tɔ̈ɔ̈u thïn, ku thönë ke bäny ke kake Nhialic de nïïm luɔi ee köölë, ayï kɔc ee tïït, ku kɔc ke diɛt. Në biäk cïï wok e than piny nɔn cïï wok ɣön ë Nhialicda bï päl wei.

Neɣe 12:47

Kɔc ke Yithriɛl kedhie në akööl ke Dherubabel kekë Neɣemia aake ye miɔ̈c de miɛtëpiɔ̈u aköölnyïïn gäm kɔc ee ket, ku kɔc ee Luaŋdït tiit thok, ku kɔc aake ye kɔc ke Lebai gäm miɔ̈c ɣeric ku be kɔc ke Lebai biäk ke bäny de kake Nhialic kɔɔr rɔt gäm keek.

Yith 43:23

Yïn aacïï Yɛn ee yiɛ̈n amɛ̈l ke miɔ̈c ye nyop ëbɛ̈n, wek kën Ya dhuëëŋ guöp në miɔ̈c ye nɔ̈k. Wek kën jut gup bä miɔ̈c thiëëc tëde week nɔn ta we bäb në thiëc de wal ŋïr.

Malakai 3:8

Duëër raan Nhialic kuɛ̈l? Wek ë Ya kuɛ̈l. Ku yak lop an, cuk Yïn kuɛ̈l adï? Wek ë Ya kuɛ̈l në miɔ̈c de töŋ thiëër ë käŋ, ku kuɛ̈lkï Yɛn në miɔ̈c.

Kuɛ̈n 35:2

“lɛ̈kë kɔc ke Yithriɛl, në piinykɛn cï tɛ̈k keek, abïk kɔc ke Lebai dhil gäm pɛ̈ɛ̈nydït bïï kek rëër thïn, ku lɔ piiny kɔ̈k thiääk në pɛ̈ɛ̈nydïtken kɔ̈ɔ̈th ke bï aa tëde nyuäth.

Nyöŋ 12:19

Ku abäk dhil ŋic aya, nɔn cä wek Lebai bï päl wei, në run rɛ̈ɛ̈r wek pinydun.