Neɣe 12:8 - JAM DE NHIALIC 2011

⁸ Ku kɔc ke Lebai: Kɔckë kek aaye bäny ke kɔc ee diɛt ke thieithieei kiit: Jecua, ku Binui, ku Kadmiel, ku Cerebia, ku Juda ku Matania.

Neɣe 12:8 ပူးပေါင်းရင်းမြစ်များ

1 Lëk 9:33

Ɣööt kɔ̈k ke kɔc ke Lebai acï ke gäm luɔi de gun ë thoom, ku lɔ̈r, ku kɛŋ ë Luaŋdïtic. Bäny ke ɣööt ke Lebai kë, aake rëër ë ɣööt kɔ̈k ke Luaŋdït yiic, ku akënë keek gäm luɔi däŋ, në biäk ye kek lui aköl ku wäkɔ̈u.

Edhr 2:40

Dhiën ke kɔc ke Lebai ee lui Luaŋdït wään cï bɛ̈n ciëën ë pɛ̈cic: Jecua ku Kadmiel ee kek ee dhiën de Ɣodabia — 74, Kɔc ee Nhialic pal në diɛt, dhiën de Athap — 128, Kɔc ee kal ë Luaŋdït tiit thok, dhiën ë Calum, ku Ater, ku Talmon ku Akub, ku Ɣatita, ku jɔ aa dhiën ë Cobai — 139,

Edhr 3:2

Go Jecua wën ë Jeɣodhadak kekë mïthëkɔcken ɣɔn ee bäny ke kake Nhialic ku Dherubabel ee wën de Caltiɛl kekë mïthëkɔcken acïk yïŋ de Nhialic de Yithriɛl bɛ̈n yïk, bïï kek miɔ̈c ye nyop ëbɛ̈n gam në yenɔm, cït kë cï gɔ̈ɔ̈r ë löŋ de Mothe yic, raan de Nhialic.

Neɣe 11:17

Matania wën ë Maika ku ee wën ë wën ë Dhabedi, käu de Athap, yen ee bɛ̈ny de kɔc ee diɛt kiit go lɔ̈ŋ gɔl në thieithieei. Bakbukia, ee yen ee bɛ̈ny lɔ në Matania cök. Abda, wën ë Camua ku ee wën ë wën ë Galal, käu de Jeduthun.

Neɣe 11:22

Bäny ke kɔc ke Lebai ɣɔn rɛ̈ɛ̈r në Jeruthalem, ee yï Yudhi, wën ë Bani ku wën ë wën Ɣacabia. Kuarken ee yï: Matania ku Maika ku yen ee raan dhiën ë Athap, yen dhiën ɣɔn de ciin riɛl de kɛŋ ku thoom ke luɔi ɣön ë Nhialic.

Neɣe 12:24

Rin ke bäny mac ɣööt ke Lebai thook ee yï: Ɣacabia, Cerebia, Jecua, Binui, ku Kadmiel, ku kɔc ke Lebai acïk röt guiir në akuut kaarou: kakë ayek kɔ̈ɔ̈c në ke lɔ̈m ke ke kiit diɛt ke alɛɛc ku piɔ̈ny, ku jɔ kɔ̈kkë ke aa gam rɔ̈t cït kë cï wɛ̈ɛ̈t ë melik Debid, raan de Nhialic.

Neɣe 12:9

Kɔckë ayek kɔc ee diɛt gam: Bakbukia, ku Yuno, ku kɔckɛn ke Lebai.

Neɣe 7:43

Dhiën ke Lebai ɣɔn bɔ̈ ciëën në pɛ̈cic: Dhiën ke Jecua ku Kadmiel kek ee käu de Ɣobaya — 74 Kɔc ee diɛt ket ë Luaŋdïtic dhiën de Athap — 148. Kɔc ke tiët ë Luaŋdïtic dhiën ke Calum, ku Ater, ku Talmon, ku Akub, ku Ɣatita, ku wɛ̈ɛ̈t ke Cobai — 138.

Neɣe 9:4

Ëtɛ̈ɛ̈n, ade pam dïït ye kɔc ke Lebaikë kɔ̈ɔ̈c në kenïïm yï: Jecua ku Bani, ku Kadmiel, ku Cebania, ku Buni, ku Kepira, ku Bani ku Kenani. Acïk Bɛ̈nydït Nhialicden bɛ̈n lɔ̈ŋ në röl dït.