Neɣe 12:43 - JAM DE NHIALIC 2011

⁴³ Në ee köölë miɔ̈c juëc acï ke bɛ̈n gam, ku kɔc acïk piɔ̈ɔ̈th bɛ̈n miɛt aläl në biäk cïï Nhialic keek tɔ mit piɔ̈ɔ̈th. Diäär ku mïth aake cï röt mat thïn në dhuëëŋic ku awuɔɔuden aaye piŋ të mec ku të dïït lääuwic.

Neɣe 12:43 ပူးပေါင်းရင်းမြစ်များ

2 Lëk 20:13

Kɔc ke Juda kedhie në diäärken ku mïthken, aake kääc ëtɛ̈ɛ̈n në Luaŋdït thok.

2 Lëk 20:27

Go melik Jeɣocapat remdɛn de tɔŋ pɔ̈k nɔm ciëën Jeruthalem ë miɛtëpiɔ̈u de tiëm, në biäk cïï Bɛ̈nydït kɔc ke ater tiaam.

2 Lëk 7:10

na ɣɔn ë kööl de rou, në kööl de thiërrou ku diäk ë pɛɛi de dhorou, go Tholomon kɔc jɔ tɔ lɔ ë bɛ̈iken yiic. Aake mit piɔ̈ɔ̈th në biäk de athiɛɛi cïï Bɛ̈nydït gäm kɔckɛn ke Yithriɛl ëbɛ̈n, ku Debid, ku Tholomon.

Edhr 3:13

Ka kɔc acïkï kiɛɛu de miɛtëpiɔ̈u ee bɛ pääk kekë dhiëëu, në baŋ ë ye kɔc kiɛɛudït moc arëët, ka awuɔɔuden aaye piŋ tëmec.

Neɣe 12:27

Ɣɔn gëmë Nhialic kal ë pänydït de Jeruthalem cï piac looi, kɔc ke Lebai aake cï bɛ̈n lɔ bɛ̈ɛ̈i ɣäänkɛn rëër kek thïn, në biäk bïï kek röt bɛ̈n mat ë dhuëëŋ dïït de kal gëmë Nhialic bï thieei agokï kake miɛtëpiɔ̈u looi në kiët kiit kek diɛt ke piɔ̈ny ku lec leecë Nhialic nɔm në lɔ̈r ku thom ku kɛŋ.

Neɣe 12:42

Ku aake kuɛny cök ë yï: Maathia, ku Cemaya, ku Eleyadhar, ku Yudhi, ku Jeɣoɣanan, ku Malikija, ku Eelam, ku Edher. Raan wat kɔc ee diɛt ket, ee Jedheraya, aake kët ke ke tɔ̈u rɔ̈t nhial.

Jop 34:29

Na cïï Nhialic lueel bïï ciën kë looi taitai, acïn raan duëër En yiëk yeth gääk. Të wel En enyin wei në raan nɔn ee jur aduëër ciën riɛl.

Diɛt 27:6

Ka yɛn bï kɔc de wok ater nu ë yalɔ̈ɔ̈m tiaam. Në diɛt ke miɛtëpiɔ̈u yɛn bï miɔ̈c gam ɣönde, yɛn bï ket, yɛn bï Bɛ̈nydït piɔɔny.

Diɛt 28:7

Bɛ̈nydït yen aye riɛldï ku ye köndï, aŋääth në yapiɔ̈u. Ee yɛn kony ku tɔ yɛn mit piɔ̈u, aya piɔɔny në diɛt ke miɛtëpiɔ̈u.

Diɛt 9:2

Yɛn bï ket ë miɛtëpiɔ̈u në biäkdu. Yɛn bï Nhialic Awärjäŋ leec në diɛt.

Diɛt 92:4

Bɛ̈nydït, luɔi de riɛldu ee yɛn tɔ mit piɔ̈u, në biäk ye ka cï looi, yɛn tɔ kët në miɛtëpiɔ̈u.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Jeremia 31:13

Ka diäär kor abïk aa cöŋ ku mitkï piɔ̈ɔ̈th, ku röördït ku dhuök abïk dhuëëŋ looi. Abä keek luk piɔ̈ɔ̈th, ku pɔ̈k dhiënden ke ye miɛtëpiɔ̈u, ku pɔ̈k jiɛthëpiɔ̈nden ke ee piɔ̈n mit.

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Kuɛ̈n 10:10

Ku në kööl ë dhuëëŋ ayadäŋ ke we koth kɛŋ, dhuëëŋ cak mäc akööl, ayï dhuëŋkuön ke wil ë pɛ̈i. Yak ke kooth të gam wek miɔ̈c ye nyop ëbɛ̈n, ayï miɔ̈c de mät. Ku ëtɛ̈ɛ̈n, abïk Bɛ̈nydït Nhialicdun ee täk nɔm në week.

Math 21:15

Na wën, aacï bänydït ke ka ke Nhialic ku kɔc ee löŋ gɔ̈ɔ̈r kadït cï looi tïŋ, ku tïŋkï mïth acötkï Luaŋdït yic, ke yek luel an, “Ɣothana ë tɔ̈u ke Wën ë Debid!” Agokï piɔ̈ɔ̈th diu arëët,

Math 21:9

Go kut ë kɔc cath tueŋ kekë kut ë kɔc biɔth ke ciëën gokï ya cööt an, “Ɣothana ë tɔ̈u ke wën ë Debid! Thieithieei ë raan bɔ̈ në rin ke Bɛ̈nydït! Ɣothana ë tɔ̈u tënhial ya!”

Jɔn 16:22

Ku week aya, we de dhiën ë wepiɔ̈ɔ̈th ënɔɔnë: ku we bä bɛ tïŋ, aguɔkï piɔ̈ɔ̈th miɛt, ku miɛt ë wepiɔ̈ɔ̈th acïn raan bï e nyaai tëde week.

Epethiei 5:19

Yak jam wapäc në diɛt ku diɛt kɔ̈k ke Nhialic ku diɛt ke ka ke Wëi, yak diɛt ket ku yak Nhialic piɔɔny ë wepiɔ̈ɔ̈th.

Jakop 5:13

De raan ë weyiic raan gum këtuc? Ë läŋ. De raan mit piɔ̈u? Ë leec Nhialic ë dit.

1 Tham 4:5

Na wën aa ɣëët athänduŋ de män e Bɛ̈nydït tënu tɔŋ de Yithriɛl, go kɔc ke Yithriɛl kiɛɛu ë tɔŋ moc në röldït abï piny lɔ nieeŋ nieeŋ.