Neɣe 12:27 - JAM DE NHIALIC 2011

²⁷ Ɣɔn gëmë Nhialic kal ë pänydït de Jeruthalem cï piac looi, kɔc ke Lebai aake cï bɛ̈n lɔ bɛ̈ɛ̈i ɣäänkɛn rëër kek thïn, në biäk bïï kek röt bɛ̈n mat ë dhuëëŋ dïït de kal gëmë Nhialic bï thieei agokï kake miɛtëpiɔ̈u looi në kiët kiit kek diɛt ke piɔ̈ny ku lec leecë Nhialic nɔm në lɔ̈r ku thom ku kɛŋ.

Neɣe 12:27 ပူးပေါင်းရင်းမြစ်များ

2 Tham 6:12

Na wën ke lëk ë kɔc Debid an Bɛ̈nydït acï paan de Obed Edom thieei kekë kajuëc tɔ̈u në yen, në biäk tɔ̈u ë athänduŋ de Nhialic ëtɛ̈ɛ̈n, ago Debid athänduŋ de Nhialic lɔ diëc paan de Obed Edom ku leer pänydït de Debid në dhuëëŋdït arëët.

1 Mel 8:63

ku gëm Tholomon ka cï näk Bɛ̈nydït ke ke ye miɔ̈c de mät, ka cït agum thiërrou ku rou 22,000 de ɣɔ̈k, ku agum bɔt ku thiërrou 120,000 ke amɛ̈l. Go melik kekë kɔc ke Yithriɛl kedhie Luaŋdït jɔ gäm Bɛ̈nydït.

1 Lëk 13:8

ku jɔ Debid ke kɔc kedhie cɔ̈ŋ ë riɛlden ëbɛ̈n ke ke dhuëŋ Nhialic guöp. Gokï ket ku thuëëckï, ke ke gut thoom, ku lɔ̈r, ku kɛŋ.

1 Lëk 15:12

Ku lëk kɔc ke Lebai an, “Wek ee bäny ke dhiën de Lebai. Wakï röt në kɔckuön ke Lebai, ke we bï Athänduŋ de män de Bɛ̈nydït, Nhialic de Yithriɛl lɔ bɛ̈ɛ̈i të cä guiir bïï ë yen tääu thïn.

1 Lëk 15:16

Go Debid bäny ke Lebai yɔ̈ɔ̈k bïk kɔc ke Lebai kuany, kɔc bï diɛt läk ket ë thoom, ku lɔ̈r.

1 Lëk 15:28

Go kɔc ke Yithriɛl kedhie lɔ në Athänduŋ de män ë Bɛ̈nydït Jeruthalem, ke ke loi awuɔɔu ë miɛt de piɔ̈u, ku kothkï kɛŋ, ku tuŋ, ku aruöör, ku gutkï thoom.

1 Lëk 15:4

Na wën ke tɔ kuat de Aron, ku kɔc ke Lebai tɔ cɔl.

1 Lëk 16:42

Ɣeman ku Jeduthun aake ye bäny ee kɛŋ ku thoom muk, ku lɔ ka kɔ̈k ke kët, ka ye diɛt ke piɔ̈ny kiit. Ku kɔc ke dhiën de Jeduthun acï ke tɔ ee kɔc ee kal tiit thok.

1 Lëk 16:5

Go Athap kuany ke ee bɛ̈ny ku lɔ Dhekaria ë yecök. Ku Jeyel, ku Cemiramoth, ku Jeɣel, ku Matithia, ku Eliap, ku Benaya, ku Obed Edom, ku Jeyel yen ee raan ee thom gut ku aruöör, ku koth Athap tuŋ.

1 Lëk 23:5

Ku aguum kaŋuan ë kɔc ee tïït, ku aguum kaŋuan ë kɔc ke diɛt bïk Bɛ̈nydït aa leec në thom.

1 Lëk 26:31

Jeria yen aye bɛ̈ny de kuat de Ɣebron. Në ruöön ye Debid run thiërŋuan ë bäänyic ke ee melik, go kɔc luɔp ë kuat de ɣön de Ɣebron, go kɔc ril ke tɔŋ de baai de Ɣebron bɛ̈n yök ke ke rɛ̈ɛ̈r ë Jadher piny de Giliyad.

2 Lëk 29:25

Go melik lööŋ cïï Bɛ̈nydït lɛ̈k melik Debid në jam de tiët Nathan ku Gad monydaai looi, go Lebai tɔ kääc në Luaŋdïtic, ke ke muk thoom ku lɔ̈r,

2 Lëk 29:30

Go Melik Ɣedhekia kekë bäny ke baai, gokï Lebai yɔ̈ɔ̈k bïk Bɛ̈nydït piɔɔny ë diɛt ɣɔn thɛɛr gɛ̈ɛ̈r ë melik Debid kekë Athap monydaai. Go kɔc kedhie ket ke ke mit piɔ̈ɔ̈th ku tukkï kemiɔl ku lɛmkï Nhialic.

2 Lëk 5:13

Kɔc koth kɛŋ, ku kɔc ket diɛt, acïk ke röt mat abï ciët röl ë raan tök, bïk lɛc ku dhuëëŋ gäm Bɛ̈nydït. Ku ciɛthkï në lɔ̈r, ku kɛŋ ku thom, acïk ke röl jat nhial ku yek Bɛ̈nydït leec ku lëkkï thieithieei ë diɛt an, “Pianykï Bɛ̈nydït në biäk de piɛthde, Ku nhiëërdɛn agɔk atɔ̈u athɛɛr.” Na wën aa jɔ bäny ke kake Nhialic Luaŋdït nyääŋ piny, go guɔ thiäŋ ëthiäu ke luäät, ku riau de ɣɛɛr ë Bɛ̈nydït,

2 Lëk 7:6

Go bäny ke kake Nhialic kɔ̈ɔ̈c tëdɛn cï nyuöth keek, ku jɔ kɔc ke Lebai kenïïm wɛ̈l keek, ke ke lec Bɛ̈nydït nɔm në kake kiët ka wään bï melik Debid ke bɛ̈ɛ̈i ku ket diɛt an, “Nhiëërdɛn agɔk atɔ̈u athɛɛr!” Go bäny ke kake Nhialic kɛŋ kooth ke ke rek röt piny në Lebai, go kɔc ke Yithriɛl kɔ̈ɔ̈c kedhie.

Edhr 6:16

Na wën ke kɔc ke Yithriɛl, ku bäny ke kake Nhialic, ku Lebai ku lɔ kɔc ë bɔ̈ ciëën ë pɛ̈cic, acïk dhuëëŋ de miɛt ë piɔ̈u bɛ̈n looi ke ye kë gɛ̈më ɣön ë Nhialic.

Neɣe 11:20

Ku kɔc kɔ̈k ke Yithriɛl ku bäny ke kake Nhialic, ku kɔc ke Lebai aake rɛ̈ɛ̈r në piinykeniic në wuöt kɔ̈k yiic ku pɛ̈ɛ̈nydït ke Juda kɔ̈k yiic.

Neɣe 12:43

Në ee köölë miɔ̈c juëc acï ke bɛ̈n gam, ku kɔc acïk piɔ̈ɔ̈th bɛ̈n miɛt aläl në biäk cïï Nhialic keek tɔ mit piɔ̈ɔ̈th. Diäär ku mïth aake cï röt mat thïn në dhuëëŋic ku awuɔɔuden aaye piŋ të mec ku të dïït lääuwic.

Neɣe 8:17

Ku amatnɔm de kɔc ɣɔn cï lɔ bɛ̈n ciëën në pɛ̈cic, acïk bɛ̈n rëër në kɛ̈ɛ̈t ë yïkï yiic, ku kënë yen ee yïŋ tueŋë jɔke bɛ nyɔk në yïk gɔl në akööl ɣɔn ke Jocua wën ë Nun, ku raan ëbɛ̈n acï piɔ̈u miɛt në këpiɛth cït ee kënë.

Diɛt 149:3

Lɛckï rinke në cɔ̈ŋ, guötkï lɔ̈r, ku thom lɛɛc wek En.

Diɛt 30:1

Yïn bä piɔɔny Bɛ̈nydït, në luöi cï Yïn ya luök. Yïn kën kɔc de wok ater tɔ thuɛ̈ɛ̈c në yɛn.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Nyöŋ 20:5

“Ëtɛ̈ɛ̈n, bäny ke tɔŋ abïk kɔc jɔ jääm, luelkï an, ‘Na de raan nu ë we yiic ee tënë, raan ë piac ɣöt yïk ku kën ɣöt gäm Bɛ̈nydït? Na nu, ka aduëër lɔ baaide. Na le lɔ nɔ̈k tɔŋ, raan däŋ abï ɣönde lɔ̈ɔ̈k gäm Bɛ̈nydït.

Pilipoi 4:4

Yak piɔ̈ɔ̈th miɛt ë Bɛ̈nydïtic ë aköölnyïïn kedhie: abä nyɔkic an, Yak piɔ̈ɔ̈th miɛt!

Nyuuth 5:8

Na wën, aacï awerek nööm, ke läi kaŋuan ku röördït kathiërrou ku ŋuan ke ke cuɛt röt piny ë Nyɔŋamääl nɔm, ke ke muk thoom raan ëbɛ̈n, ku mukkï guöl ë adhääp de yiic wal ŋïr ee nyop agokï tumëtum, kek aye lɔ̈ŋ ee kɔc ɣerpiɔ̈ɔ̈th Nhialic lɔ̈ŋ.