Neɣe 12:26 - JAM DE NHIALIC 2011

²⁶ Kɔckë aake tɔ̈u në thaar ɣɔn nu Joyakim, wën ë Jocua ku ee wën ë wën ë Jeɣodhadak, ku në akööl ɣɔn ye Neɣemia bɛ̈ny de wuöt ku ye Edhera bɛ̈ny de kake Nhialic, ku ye lööŋ wɛ̈ɛ̈t.

Neɣe 12:26 ပူးပေါင်းရင်းမြစ်များ

2 Lëk 9:26

Tholomon aaye melik dït aläl në meliik nïïm, gɔl në piny nu ë wɛ̈ɛ̈r ë Yuparat kekë Pilithiin leer në aken de Rip.

Edhr 7:11

Kënë ee awerek ë gɛ̈ɛ̈r Melik Ateradath ku gɛ̈m Edhera bɛ̈ny de kake Nhialic, ku ye bɛ̈ny ë lööŋ wɛ̈ɛ̈t, lööŋ ke Bɛ̈nydït cï ke gäm kɔc ke Yithriɛl.

Edhr 7:6

Yen Edhera aa bɔ̈ në Babilon. Ku ye raan cï wëët në lööŋ ke Mothe, wään cïï Bɛ̈nydït, Nhialic de Yithriɛl gam. Go Melik gäm këriëëcdɛn cï thiëëc ëbɛ̈n ë biäk ë tɔ̈u athiɛɛi de Bɛ̈nydït Nhialicde ke yen.

Neɣe 8:1

Na ɣɔn në pɛɛi ë dhorou ke kɔc ke Yithriɛl acïk jɔ nyuc kedhie në wuötkeniic, ku në kööl tueŋic në ee pɛɛi manë acïk kenïïm bɛ̈n mat ë Jeruthalem, në pëëric lɔŋ të lɔ Thoŋ de Pïïu. Gokï Edhera thiëëc bɛ̈ny de kake Nhialic, ku ee bɛ̈ny ee lööŋ ɣɔn cïï Bɛ̈nydït ke gäm kɔc ke Yithriɛl në kueer ë Mothe wɛ̈ɛ̈t bï awerek de lööŋ bɛ̈ɛ̈i.

Neɣe 8:9

Na wën ale kɔc e piŋ yen kë kɔɔr ë löŋ, goke gut piɔ̈ɔ̈th arëët abïk duɛ̈ɛ̈r an dhiaukï. Go Neɣemia bɛ̈ny de baai ku Edhera bɛ̈ny de kake Nhialic, ku ee bɛ̈ny ee lööŋ wɛ̈ɛ̈t ku kɔc ke Lebai wën ee löŋ wɛ̈ɛ̈ric kɔc ëbɛ̈n, acïk lueel an, “Köölë ee kööl ɣeric tëde Bɛ̈nydït Nhialicdun ka wek cïï piɔ̈ɔ̈th bï jiɛth thïn, ku nɔn dhiaukï.