Neɣe 12:25 - JAM DE NHIALIC 2011

²⁵ Rinkë ee rin ke kɔc ee Luaŋdït tiit thok ku ayek ɣööt ye käŋ tɔ̈ɔ̈u thïn tiit ɣööt nu në thöŋ lɔ Luaŋdït. Matania, ku Bakbukia, ku Obadaya, ku Meculam, ku Talmon ku Akub.

Neɣe 12:25 ပူးပေါင်းရင်းမြစ်များ

2 Mel 7:10

Gokï paany de Thiriya nyääŋ piny, ku lekkï ciëën Thamaria, ku cɔlkï raan ee kal tiit thok, ku lëkkï keek an, “Wok aake lɔ bɛ̈n wun ë Thiriya ku acïn raan töŋ cuk tïŋ, ayï raan piŋ cök aliu, ee jöŋgöör ku mul kek amac, ku pɛɛny atɔ̈ukï cït ë mandɛɛnë acï kɔc ke Thiriya ke nyääŋ piny.”

1 Lëk 23:32

Kɔc ke Lebai acï ke gäm luɔi bï kek paany de mät ku tëɣeric aa guiir në aköölnyïïn kedhie, ku bïk mïthëkɔcken wɛ̈ɛ̈t ke Aron aa kuɔny në luɔi tëde läm.

1 Lëk 26:12

Kɔc ee Luaŋdït tiit, acï keek tek yiic në kuut, cït man de täu ë ɣöötken, ku acï ke gäm luɔi ë Luaŋdïtic, cït man de kɔc kɔ̈k ke Lebai.

1 Lëk 26:15

Ku gëmë Obed Edom kal thoŋ të lɔ wöuwic, ku jɔ wɛ̈ɛ̈tke ɣööt ye käŋ tɔ̈ɔ̈u thïn tiit.

1 Lëk 26:17

Në biäk të lɔ aköl amiäk kɔc kadhetem ayek luui ë kööl tök, ku në biäk të lɔ rut kɔc kaŋuan, ku në biäk të lɔ wöuwic kɔc kaŋuan. Ku kɔc kaŋuan acï ke tääu të ye käŋ tɔ̈ɔ̈u thïn aköölnyïïn ëbɛ̈n, kɔc kaarou ë ɣönë thok ku kɔc kaarou në ɣönë thok.

2 Lëk 8:14

Në baŋ kuany en lööŋ cïï Debid wun keek tääu piny, go luɔi de bäny ke kake Nhialic guiir, ku Lebai ee bäny ke kake Nhialic kuɔny në diɛt ke alɛɛc ku luɔi. Ku guïïr kɔc ee kal tiit thok në täu bïï kek luɔi aa looi aköölnyïïn kedhie, në kɛ̈l thook ëbɛ̈n, cït man ë kë cï Debid looi raan de Nhialic.

Yith 21:8

Go raan tït cööt an, “Bɛ̈ny yɛn aa kääc tëdiën yan tïït aköl ku wakɔ̈u.”