Neɣe 12:24 - JAM DE NHIALIC 2011

²⁴ Rin ke bäny mac ɣööt ke Lebai thook ee yï: Ɣacabia, Cerebia, Jecua, Binui, ku Kadmiel, ku kɔc ke Lebai acïk röt guiir në akuut kaarou: kakë ayek kɔ̈ɔ̈c në ke lɔ̈m ke ke kiit diɛt ke alɛɛc ku piɔ̈ny, ku jɔ kɔ̈kkë ke aa gam rɔ̈t cït kë cï wɛ̈ɛ̈t ë melik Debid, raan de Nhialic.

Neɣe 12:24 ပူးပေါင်းရင်းမြစ်များ

1 Mel 17:24

Go tik bɛ̈ɛ̈r, an, “Yïn cä jɔ ŋic ënɔɔnë luɔi yïn raan de Nhialic, ku jam ë Bɛ̈nydït lueelë ee yic!”

1 Lëk 16:4

Go Debid kɔc ke Lebai kuany bïk Bɛ̈nydït, Nhialic de Yithriɛl aa luööi në athänduŋ de mät nɔm, ku bïk aa lam, ku yek leec, ku bïk Bɛ̈nydït, Nhialic de Yithriɛl aa piɔɔny.

2 Lëk 8:14

Në baŋ kuany en lööŋ cïï Debid wun keek tääu piny, go luɔi de bäny ke kake Nhialic guiir, ku Lebai ee bäny ke kake Nhialic kuɔny në diɛt ke alɛɛc ku luɔi. Ku guïïr kɔc ee kal tiit thok në täu bïï kek luɔi aa looi aköölnyïïn kedhie, në kɛ̈l thook ëbɛ̈n, cït man ë kë cï Debid looi raan de Nhialic.

Edhr 2:40

Dhiën ke kɔc ke Lebai ee lui Luaŋdït wään cï bɛ̈n ciëën ë pɛ̈cic: Jecua ku Kadmiel ee kek ee dhiën de Ɣodabia — 74, Kɔc ee Nhialic pal në diɛt, dhiën de Athap — 128, Kɔc ee kal ë Luaŋdït tiit thok, dhiën ë Calum, ku Ater, ku Talmon ku Akub, ku Ɣatita, ku jɔ aa dhiën ë Cobai — 139,

Neɣe 11:17

Matania wën ë Maika ku ee wën ë wën ë Dhabedi, käu de Athap, yen ee bɛ̈ny de kɔc ee diɛt kiit go lɔ̈ŋ gɔl në thieithieei. Bakbukia, ee yen ee bɛ̈ny lɔ në Matania cök. Abda, wën ë Camua ku ee wën ë wën ë Galal, käu de Jeduthun.

Neɣe 12:23

Rin ke bäny mac ɣööt ke Lebai thook, aake cï gɔ̈ɔ̈r në Awerek de Gäär ë ka ke luɔi aköölnyïïn, agut cï akööl ke Jɔnathan, wën ë wën ë Eliacip.

Neɣe 12:36

Ku kuany cök ë kɔc kɔ̈k ke dhiënden yï: Cemaya, ku Adharel, ku Milalai, ku Gilalai, ku Maai, ku Nethaniɛl, ku Juda, ku Ɣanani, ku lɔ kɔc kedhie ë cath ë thoom gutkï cït ka ɣɔn ee Melik Debid gut, raan de Nhialic. Ku wat keek në Edhera raan ee löŋ wɛ̈ɛ̈t.

Neɣe 8:7

Ëtɛ̈ɛ̈n gokï röt bɛ jɔt ku kɛ̈ɛ̈ckï në ɣäänkeniic, ku jɔ kɔc ke Lebaikë cök ke lööŋ wɛ̈ɛ̈ric keek yï Jecua, ku Bani, ku Cerebia, ku Jamin, ku Akub, ku Cabethai, ku Ɣodia, ku Maathia, ku Kelita, ku Adharia, ku Jodhabad, ku Ɣanan, ku Pelaya.

Neɣe 9:4

Ëtɛ̈ɛ̈n, ade pam dïït ye kɔc ke Lebaikë kɔ̈ɔ̈c në kenïïm yï: Jecua ku Bani, ku Kadmiel, ku Cebania, ku Buni, ku Kepira, ku Bani ku Kenani. Acïk Bɛ̈nydït Nhialicden bɛ̈n lɔ̈ŋ në röl dït.

Nyöŋ 33:1

Kakë ayek wël ë lueel Mothe, raan de Nhialic keek, ɣɔn thieei yen mïth ke Yithriɛl ke kën kɔn thou.

1 Tim 6:11

Ku yïn, yïn raan de Nhialic, ye kat ee kakë, ku ye piathëpiɔ̈u cop, ku cop riëëu de Nhialic, ku gäm, ku nhiëër, ku liɛɛrëpiɔ̈u, ku rëër ëmääth.

2Tim 3:17

ke raan de Nhialic bï piɔ̈u aa dikëdik, ku jɔ röŋ në luɔi piɛth ëbɛ̈n.

Jocua 14:6

Ku ëtɛ̈ɛ̈n kɔc ke dhiën ë Juda acïk bɛ̈n lɔ të de Jocua në Gilgal, ke ke cath në Kalep wën ë Jepuna, raan ë Kenidhai. Go Kalep lɛ̈k Jocua an, “Yïn ŋic kë wään lëk ë Bɛ̈nydït Mothe, raan de Nhialic, në Kadec Barniya në biäkdï wokë yïn.