Neɣe 12:1 - JAM DE NHIALIC 2011

¹ Kakë ee rin ke bäny ke kake Nhialic ku kɔc ke Lebai ɣɔn bɔ̈ ciëën në pɛ̈cic në Dherubabel, wën de Caltiɛl ku bïkkï në Jocua bɛ̈nydïït ë kake Nhialic, ku bäny ke kake Nhialic:

Neɣe 12:1 ပူးပေါင်းရင်းမြစ်များ

Edhr 3:2

Go Jecua wën ë Jeɣodhadak kekë mïthëkɔcken ɣɔn ee bäny ke kake Nhialic ku Dherubabel ee wën de Caltiɛl kekë mïthëkɔcken acïk yïŋ de Nhialic de Yithriɛl bɛ̈n yïk, bïï kek miɔ̈c ye nyop ëbɛ̈n gam në yenɔm, cït kë cï gɔ̈ɔ̈r ë löŋ de Mothe yic, raan de Nhialic.

Edhr 3:8

Na ɣɔn aa cïk run aa rou në pɛɛi ë rouwic, në bɛ̈nden ɣön ë Nhialic në Jeruthalem, go Dherubabel wën de Caltiɛl, kekë Jecua wën ë Jeɣodhadak, acïk luɔi ë yïk bɛ̈n gɔl në mïthëkɔcken kɔ̈kë ëtök, bäny ke kake Nhialic, ku Lebai ku kɔc kedhie, kɔc ë bɔ̈ Jeruthalem ë pɛ̈cic. Jɔkï Lebai kuany gɔl në raan ee run thiërrou leer nhial, bïï luɔi ë Luaŋdït tääu në kecin.

Edhr 4:2

Gokï lɔ tëde Dherubabel ku röördït ke dhiëën nïïm ku lëkkï keek an, “Tɔ wok yïk në week, në baŋ ee wok Nhialicdun lam cït man ë wek, ku aa yok näk, gɔl ɣɔn tɔ̈u Etharɣadon Melik de Athiriya, wään bïï wook ee tënë.”

Edhr 5:2

Na wën ke Dherubabel wën de Caltiɛl kekë Jecua wën ë Jeɣodhadak gokï röt jɔt ku gɔlkï yïŋ de ɣön ë Nhialic Ye lɔ̈ŋ ë Jeruthalem. Ku tɔ̈u tït ke Nhialic në keek, ke ke kony keek.

Edhr 7:7

Kɔc kɔ̈k ke Yithriɛl ë cï bɛ̈n në yen aya Jeruthalem ɣɔn ee Melik Ateradath run dhorou në bäänyic, ee bäny ke kake Nhialic, ku Lebai, ku kɔc ee Nhialic pal në diɛt, ku kɔc ee kal de Luaŋdït tiit thok ayï kɔc ee luui në Luaŋdïtic.

Neɣe 11:36

Ku biäk thiin de kɔc ke Lebai ɣɔn cï rëër në aken de Juda nɔm, acï ke gäm kɔc ke dhiën ë Benjamin bïk rëër në keek.

Neɣe 12:10

Jocua: yen ee wun Joyakim, ku ye Joyakim wun Eliacip, ku ye Eliacip wun Joyada.

Neɣe 12:2

Bäny ke kake Nhialic: Theraya, ku Jeremia, ku Edhera, Amaria, ku Maluc Ɣatuc, Cekania, ku Reɣum, ku Meremoth, Yido, ku Ginethoi, ku Abija, Mijamin, ku Maadia, ku Bilga, Cemaya, ku Joyarip, ku Jedaya, Thalu, ku Amok, ku Ɣilikia, ku Jedaya. Kɔckë ee kek aye bäny, ë tɔ̈u në bäny ke kake Nhialic ë bɛ̈n nïïm, në akööl ke Jocua.

Neɣe 7:7

Bänyken ee yï: Dherubabel, ku Jecua Neɣemia, ku Adharia, ku Raamia, ku Naɣamani, ku Modekayo, ku Bilcan, ku Mïthpereth, ku Bikbai, ku Neɣum ku Baana.

Ɣagai 1:1

Jam de Bɛ̈nydït kï, jam ɣɔn lëk Dherubabel wën de Caltiɛl, bɛ̈ny de Juda, kekë Jocua wën ë Jeɣodhadak, bɛ̈nydïït ë kake Nhialic në röl ë tiët Ɣagai, ɣɔn cïï Dariouth run aa rou ku pɛ̈i kadhetem ku kööl tök ke ye melik de Perthia.

Ɣagai 1:12

Ku ëtɛ̈ɛ̈n, Dherubabel wën de Caltiɛl kekë Jocua wën de Jeɣodhadak, bɛ̈nydïït ë kake Nhialic, ku kɔc ɣɔn bɔ̈ në pɛ̈cic kedhie, acïk jam ë Bɛ̈nydït Nhialicden bɛ̈n gam, ku gamkï jam ë tiët Ɣagai tuny ë Bɛ̈nydït, cït man cïï Bɛ̈nydït ye tooc. Ago kɔc jɔ aa riɔ̈ɔ̈c në Bɛ̈nydït.

Ɣagai 1:14

Ku jam Wëi në kɔc piɔ̈ɔ̈th kedhie, në yïŋ de Luaŋdït: yï Dherubabel wën de Caltiɛl bɛ̈ny de Juda, kekë Jocua bɛ̈nydïït ë kake Nhialic, ku kɔc lik cï döŋ, ɣɔn bɔ̈ ciëën në pɛ̈cic kedhie. Gokï Luaŋdïït de Bɛ̈nydït de rɛm, Nhialicden gɔl ë yïk.

Ɣagai 2:2

Lëk Ɣagai an, “lɛ̈kë Dherubabel wën de Caltiɛl, bɛ̈ny ë Juda, kekë Jocua bɛ̈nydïït ë kake Nhialic, ku lɛ̈kë kɔc lik cï döŋ kedhie,

Dhek 6:11

Nöm adhäm biäk, ku ateŋ biäk. Ku cuëc göl në keek. Ku tääuwë në Jocua wën ë Jeɣodhadak nɔm, bɛ̈nydïït ë kake Nhialic.