Neɣe 10:37 - JAM DE NHIALIC 2011

³⁷ Wok bï mɔ̈n de rɛɛp ë piac luɔk yiɛ̈n bɛ̈ny de kake Nhialic ë Luaŋdïtic në ruöön thok ëbɛ̈n, ayï kakuɔn ke miɔ̈cdan de mɔ̈u, ku miök de olip, ku këriëëc ë lok ë mïth ke tiim ëbɛ̈n. Ku yïnku kɔc ke Lebai ee ajuëër kut në wuötkuɔn ke pɔ̈ɔ̈riic, töŋ ë thiëër, ku këriëëc ee luɔk në duumkuɔ yiic.

Neɣe 10:37 ပူးပေါင်းရင်းမြစ်များ

2 Lëk 31:6

Ku kɔc tɔ̈u ë pɛ̈ɛ̈nydït ke Juda yiic, acïk töŋ ë thiëër de ɣɔ̈k ku thök bɛ̈ɛ̈i, ku bïïkï miɔ̈c juëc kɔ̈k, ku gɛ̈mkï keek Bɛ̈nydït Nhialicden.

Neɣe 13:10

Acä jɔ bɛ̈n yök aya nɔn ë cïï kɔc ee ket, ku kɔc kɔ̈k ke Lebai Jeruthalem nyääŋ piny, ku pukkï röt në duumken yiic në luɔi ë kën ë kɔc keek gäm ka rɔ̈ŋ bïï kek ke pïïr.

Neɣe 13:12

Ku jɔ kɔc ke Yithriɛl kedhie miɔ̈cdɛn ë töŋ thiëër ë käŋ de rap, ku mɔ̈u, ku miök de olip bɛ gɔl në leer ɣön ye kake Luaŋdït tɔ̈ɔ̈u thïn.

Neɣe 13:5

Ago Tobia päl ɣön dïït ë ye miɔ̈c ë rap, ku wal ŋïr, ku kakë luɔi ë Luaŋdït tɔ̈ɔ̈u thïn, ku miɔ̈c ke bäny ke kake Nhialic, ku miɔ̈c de töŋ ë thiëër ke rap, ku mɔ̈u, ku miök de olip ye gäm Lebai ku kɔc ee ket Luaŋdït ku kɔc ee Luaŋdït tiit thok.

Neɣe 13:9

Ku yɔ̈ɔ̈k kɔc bïk ɣöt bɛ̈n tɔ ɣeric, ku pukkï kake luɔi de ɣön ë Nhialic nïïm ɣöt, yï miɔ̈c ë rap, ku wal ŋïr.

Bɛ̈n 13:12

ke we gëm Bɛ̈nydït mïth kɛ̈i kedhie. Mɛnh kɛ̈ɛ̈i ëbɛ̈n ee këde Bɛ̈nydït.

Bɛ̈n 13:2

“Gämë Yɛn mɛnh kɛ̈ɛ̈i ëbɛ̈n. Mïth kɛ̈i ke Yithriɛl kedhie, ayï kɛ̈i ke ɣɔ̈kken ayek kakï.”

Lebai 23:17

Në ë köölë bɛ̈ɛ̈i yë kuïïn cï pam kaarou në kuïïn paandu yiic bï bɛ̈n gam ke ee miɔ̈c abïk aa kilɔɔ kaarou de aɣar piath, cï thaal në luɔu, ke ee miɔ̈c ee nyuɔɔth de rɛɛp cï kɔn luɔk këde Bɛ̈nydït.

Malakai 3:10

Acï Bɛ̈nydït de rɛm lueel an, Bɛ̈ɛ̈ikï miɔ̈c de töŋ thiëër ë käŋ nyïïn kedhie në Luaŋdiën dït yic, ke ɣöndï ë bï thiäŋ ke kacaam. Ku thɛmkï Yɛn, tiëŋkï na cä awëër nyïïn ke tënhial bï liep, ku luööŋ athiɛɛi piny ëbɛ̈n, abäk nïïm ciën të tääu wek ke thïn.

Malakai 3:8

Duëër raan Nhialic kuɛ̈l? Wek ë Ya kuɛ̈l. Ku yak lop an, cuk Yïn kuɛ̈l adï? Wek ë Ya kuɛ̈l në miɔ̈c de töŋ thiëër ë käŋ, ku kuɛ̈lkï Yɛn në miɔ̈c.

Kuɛ̈n 18:15

Mïth kɛ̈i, ayï kɛ̈i ke läi cïï Yithriɛl gäm Ɛn ëbɛ̈n, ayek kakun. Ye kuën wɛɛr ë kɛ̈ɛ̈i kɔ̈u dɔm, ayï kuën wɛɛr ë läi cïï piɛth kɔ̈ɔ̈th ayadäŋ.

Kuɛ̈n 18:18

Ku rïïŋden ee këdun cït man ye aguöt nɔm këdun kekë ɣäm cuëc.

Kuɛ̈n 18:21

Go Bɛ̈nydït lueel an, “Miɔ̈c de ke thiëër ë käŋ ye Yithriɛl gäm Ɛn, acä gäm Lebai ke ye kë bïk lak. Yen ariöpden ka në biäk de luɔidɛn yek looi në paany de mätic.

Romai 11:16

Ku na ɣer awany tueŋic, ka yen ɣɛɛr ë awacic ëbɛ̈n ka, tim, të ɣeerë meideyic, ka yen ɣɛɛr ë kërke yiic ka.

Nyöŋ 14:22

“Yak töŋ de thiëër tɔ̈ɔ̈u pei, töŋ de thiëër ë kak ee luɔk domdu kedhie ë ruöön thok ëbɛ̈n.

Nyöŋ 18:4

Abïk miɔ̈c de rap cï kɔn luɔk, ku miök, ku mɔ̈u, ku nhïm ke thök aa nööm.

Nyöŋ 26:2

raan ëbɛ̈n ë we yiic, abï biäk ë tëm tueŋ në rɛɛpke yiic ëbɛ̈n aa tääu në diöny yic, ku abäk dhil jɔt në week ëtök, lɛɛrkï të töŋ de läm.