Neɣe 10:36 - JAM DE NHIALIC 2011

³⁶ Wook wodhie ŋɛk abï mɛnh moc ee kɛ̈i aa lɛɛr Luaŋdït, tëde bɛ̈ny de kake Nhialic, bï gäm Nhialic cït man ë kë kɔɔr ë löŋ. Wok bï kɛ̈i ke daaukuɔn cï dhiëth aa lɛɛr në ruöön thök ëbɛ̈n në Luaŋdïtic ke ke ye miɔ̈c de Nhialic, ku amithöök ke amɛ̈l ee kɛ̈i ayï thök bɔɔth.

Neɣe 10:36 ပူးပေါင်းရင်းမြစ်များ

2 Lëk 31:5

Na wën aa cï löŋ teem, go kɔc ke Yithriɛl miɔ̈c bɛ̈ɛ̈i, miɔ̈c piɛth de anyuɔl, ku mɔ̈u, ku miök de olip, ku miök de kiëc, ku miɔ̈c de kajuëc cï kɔn luɔk ë duum yiic, ku bïïkï töŋ de thiëër de ka cï luɔk kedhie.

Neɣe 12:44

Ɣɔn ee thaarë kɔc aake cï gäm muŋ de luɔi de ɣööt ye käŋ tɔ̈ɔ̈u ka ye juɛ̈ɛ̈r Luaŋdït, në töŋ ë thiëër, ku rɛɛp cï kɔn luɔk ku kake ee luɔk në ruöön thok ëbɛ̈n. Kɔckë acï ke gäm riɛl bï kek käŋ aa tɔ kut në duum thiääk në wuöt, ka ye juɛ̈ɛ̈r bäny ke kake Nhialic ku kɔc ke Lebai cït kë kɔɔrë löŋ. Kɔc ke Juda kedhie aake cï piɔ̈ɔ̈th miɛt në bäny ke kake Nhialic ku kɔc ke Lebai,

Neɣe 13:5

Ago Tobia päl ɣön dïït ë ye miɔ̈c ë rap, ku wal ŋïr, ku kakë luɔi ë Luaŋdït tɔ̈ɔ̈u thïn, ku miɔ̈c ke bäny ke kake Nhialic, ku miɔ̈c de töŋ ë thiëër ke rap, ku mɔ̈u, ku miök de olip ye gäm Lebai ku kɔc ee ket Luaŋdït ku kɔc ee Luaŋdït tiit thok.

Bɛ̈n 13:2

“Gämë Yɛn mɛnh kɛ̈ɛ̈i ëbɛ̈n. Mïth kɛ̈i ke Yithriɛl kedhie, ayï kɛ̈i ke ɣɔ̈kken ayek kakï.”

Bɛ̈n 23:19

“Yak kë tueŋ de ka cï kɔn luɔk domdun bɛ̈ɛ̈i ɣön ë Bɛ̈nydït Nhialicdun. Duökï amɛthɔ̈k ee thaal në ciɛk ke man yiic.”

Bɛ̈n 34:19

“Kɛ̈ɛ̈i ëbɛ̈n, kɛ̈i ë raan, ayï kɛ̈i ë län wut ëbɛ̈n ee këdï.

Malakai 3:10

Acï Bɛ̈nydït de rɛm lueel an, Bɛ̈ɛ̈ikï miɔ̈c de töŋ thiëër ë käŋ nyïïn kedhie në Luaŋdiën dït yic, ke ɣöndï ë bï thiäŋ ke kacaam. Ku thɛmkï Yɛn, tiëŋkï na cä awëër nyïïn ke tënhial bï liep, ku luööŋ athiɛɛi piny ëbɛ̈n, abäk nïïm ciën të tääu wek ke thïn.

Galatai 6:6

Ku raan ë wëëtë në wël ë ye kake rɔ̈ɔ̈m kekë raan ë wëët en ëtök, kakɛn piɛth ëbɛ̈n.

Nyöŋ 12:6

Ëtɛ̈ɛ̈n, wek bï miɔ̈cduön näk gam, miɔ̈c ye nyop ëbɛ̈n, ku lɔ miɔ̈ckuön kɔ̈k näk, ku töŋduön ë thiëër ku miɔ̈cduön, ku miɔ̈c cä than an bäk aa gäm Bɛ̈nydït, miɔ̈cduön de miɛtëpiɔ̈u, ku kɛ̈i de weŋdun ayï thökkun.