Neɣe 10:29 - JAM DE NHIALIC 2011

²⁹ wok bï mat në bänykuɔ ku luelku gutguut an buk gup dɛk aciɛɛn të le wok e dhɔ̈ŋic. An buk tɔ̈u në löŋ de Nhialicic, löŋ ɣɔn cïï Bɛ̈nydït gäm wook në kueer ë lïmde Mothe an, buk lööŋkɛn cïï lueel ëbɛ̈n döt ku ka kɔɔr röt ëbɛ̈n.

Neɣe 10:29 ပူးပေါင်းရင်းမြစ်များ

2 Mel 10:31

Ku Jeɣu aa kën löŋ de Bɛ̈nydït, Nhialic de Yithriɛl döt apiɛth në yepiɔ̈u ëbɛ̈n, akën rɔt mɛc wei në awäny de Jerobowam yic, raan ɣɔn tɔ kɔc ke Yithriɛl wäc.

2 Mel 23:3

Go melik kɔ̈ɔ̈c në mën lɔ̈m ku mɛc löŋ në Bɛ̈nydït nɔm, an bïï Bɛ̈nydït aa riëëu, ku döt lööŋke kekë wëëtde, ku bïï löŋic aa döt ku looi në piɔ̈nde ëbɛ̈n ku riɛlde ëbɛ̈n cït man cï ye gɔ̈ɔ̈r në awerekic. Go kɔc gutguut lueel ëbɛ̈n an bïk löŋ döt.

1 Lëk 9:2

Kɔc ë kɔn röt puk ku lek ɣap ë pɛ̈ɛ̈nydïtkɛn thɛɛriic ee kɔc ke Yithriɛl, ku bäny ke kake Nhialic, ku Lebai, ku kɔc ee luui në Luaŋdïtic.

2 Lëk 34:31

Go melik lɔ kɔ̈ɔ̈c tëde ku mɛc löŋ kekë Bɛ̈nydït, bïï aa riëëu, ku bïï wëëtde, ku lööŋke döt ë yepiɔ̈u ëbɛ̈n, ku wëike ëbɛ̈n, ku bïï kë cïï kueen awerekic dhil tääu në luɔɔi yic, ku bïï löŋ cï mac ke Bɛ̈nydït cït man cï ë ye gɔ̈ɔ̈r në awerekic döt.

2 Lëk 6:16

Ku ënɔɔnë Bɛ̈nydït, Nhialic de Yithriɛl, muk gutguut wään bä lɛ̈k wäär Debid an, yïn bï nɔm aa dɛ raan töŋ de dhiëndu bï lɔ̈ɔ̈k aa melik de Yithriɛl, të le kek aa kɔc ee lööŋku riëëu apiɛth cït man cï yen ye looi.

Neɣe 13:25

Aguɔ ke bɛ̈n jɔ̈ɔ̈ny ku läm keek aciɛɛn, ku duöi kɔ̈k ku nyuän nhïm biic në kenïïm. Ku ta ke loi gutguut në rin ke Nhialic luɔi cïï kek e bï bɛ nyɔk, ku cïï ë mïthken bï bɛ nyɔk yen thiëŋ ë duet ke juöör kɔ̈k.

Neɣe 7:46

Dhiën ke kɔc ee luui në Luaŋdïtic ëbɔ̈ ciëën ë pɛ̈cic: Dhia, ku Ɣathupa, ku Tabawoth. Keroth, ku Thia, ku Padon. Lebana, ku Ɣagapa ku Calmai, Ɣanan, ku Gidel, ku Gaɣaar, Riiya, ku Redhin, ku Nekoda, Gadham, ku Yudha, ku Pathia, Bethai, ku Munim, ku Nepucethim, Bakbuk, ku Ɣakupa, ku Ɣarɣur, Badhlith, ku Meɣida, ku Ɣarca, ku Barkoth, ku Thithera, ku Tema, Nedhia ku Ɣatipa.

Neɣe 8:2

Go Edhera awerek lɔ bɛ̈ɛ̈i të wën cïï amatnɔm mat thïn, röör, ku diäär ku mïth cï nyïïn ŋuɛ̈ɛ̈n duëër löŋ yökic.

Neɣe 8:3

Në pëëric lɔŋ të lɔ kal thoŋ de pïïu yen aa kɛ̈ɛ̈c en thïn, ku kuën keek awerek de lööŋ, gɔl ɣɔn amiäk abï akɔ̈l kɔ̈ɔ̈c cil, ku keek aake cï ke yïth päl piny apiɛth ke ke pïŋ.

Neɣe 9:2

Keek acïk röt pɔ̈c bei pei në juöör lei yiic. Aceŋkï anuɛɛr ku ayek kenïïm wäl abuui, nyooth kek dhiën ë piɔ̈ɔ̈thken, ku ëtɛ̈ɛ̈n acïk bɛ̈n kɔ̈ɔ̈c läŋkï bïk ke päl awɛ̈ɛ̈cken ku awɛ̈ɛ̈cë cïï kuarken looi.

Neɣe 9:38

Në biäk de ee kënë ëbɛ̈n, wok kɔc ke Yithriɛl, wok bï löŋ mac ku gɛ̈ɛ̈rku piny, ku bänykuɔ, ku kɔc ke Lebai ku bänykuɔn ke kake Nhialic abïk thaanyic.

Diɛt 105:45

Ago kɔcke lööŋke riëëu ku dötkï cök ke lööŋke kedhie. Lɛckï Bɛ̈nydït!

Diɛt 119:106

Yɛn bï gutguut cä lueel muk bä wëëtdu riëëu.

Diɛt 8:1

Bɛ̈nydït, Nhialinyda, Dïtdu acï tïŋ ë pinynɔm ëbɛ̈n! Piɔ̈nydu ë ɣet nhial paannhial,

Diɛt 8:9

Bɛ̈nydït, Bɛ̈nydïïtda, Dïtdu acï tïŋ në pinynɔm ëbɛ̈n!

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Jeremia 26:4

Go ë Bɛ̈nydït lɛ̈k yɛn bä lɔ lɛ̈k kɔc an, “Acä lueel Yɛn Bɛ̈nydït ë biäk bä wek Yɛn riëëu, në luɔi bä wek wɛ̈ɛ̈t cä gäm week kuany yic,

Jeremia 34:15

Tïŋ nïn lik wään cï tɛ̈ɛ̈kë wek cï wenïïm waar ku luɔikï kë mit ë Yapiɔ̈u. Acäk gam wedhie nɔn bä wek lïïm mïthëkɔckuön ke Yithriɛl gäm nɔm lääu, ku wek cï löŋ mac në yanɔm, Luaŋdït të ye ë ya lam thïn.

Edhekiɛl 36:27

Yɛn bï wëikï tääu në weyiic, ku akaar bä tïŋ ke we kuany lööŋkï cök ku dötkï ka cä ke lɛ̈k week kedhie.

Lebai 20:26

Wek bï dhil ɣɛɛr tëde yɛn, në biäk ɣɛɛr Ɛn. Yɛn Bɛ̈nydït. Ku wek cä lɔ̈c bei ë juööriic bäk aa kɔckï.

Malakai 4:4

Takkï wenïïm në lööŋkï, lööŋ ɣɔn gäm awundiën Mothe në kuur ë Thinai, në biäk bïï kɔc ke Yithriɛl ke riëëu kedhie.

Kuɛ̈n 5:21

Ke Bɛ̈nydït abï yï riɔ̈ɔ̈k ku cieen yïn në kɔckuniic, ku acïn kë bï bɛ̈n bei në yïɣöi, ku yïn bï thum,

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Jɔn 15:14

Wek ee määthkï, të ya wek ka cä thɔ̈n week looi.

Jɔn 7:19

Kën Mothe we gäm löŋ, ku acïn raan tök ë weyiic raan ë löŋ tiiŋic? Eeŋö kaar wek luɔi näk wek ɛn?”

Luɔi 11:23

Na wën, aa cï bɛ̈n, ago dhuëëŋ de Nhialic piɔ̈u tïŋ, ke jɔ piɔ̈u miɛt, ku yöök keek kedhie an, bïk cök ë tɔ̈u kek në Bɛ̈nydït në piɔ̈n ril.

Luɔi 17:34

Ku ade kɔc töktöök cï mat ë yen, ku gëmkï, raan tök e keek acɔl Dionuthio, raan de Areopago, ku tiiŋ cɔl Damari, ku nu kɔc kɔ̈k ayadäŋ.

Luɔi 23:21

Yen du yïn këden gam, ade kɔc buth en kueer, awärkï thiërŋuan, kɔc cï gutguut lueel an, cïkï cäm ku cïkï dëk të ŋoot kek ke kënkï nɔ̈k, ku acïk thök ënɔɔnë, atitkï jam bï bɛ̈n tëde yïn.”

Romai 12:9

Takkï nhiëër nu, nhiëër cïnic ruëëny. Yak kërac maan ëtaiwei, ku yak këpiɛth dɔm ë döm ril.

Nyöŋ 33:4

Wok ee löŋ ë gëmë Mothe wook riëëu, ee këdan piɛth në amatnɔm de Jakopic.

Nyöŋ 5:1

Go Mothe kɔc ke Yithriɛl cɔɔl tëtök kedhie ku yöök keek, an, Wek kɔc ke Yithriɛl piɛŋkï lööŋ gäm ke week ee köölë, ŋiɛckï keek ëgɔk, ku dhiɛlkï keek riëëu.

Nyöŋ 5:32

“Wek kɔc ke Yithriɛl, abäk dhil ŋic ë gɔk nɔn bä wek këriëëc ëbɛ̈n cïï Bɛ̈nydït Nhialicdun lɛ̈k week dhil looi.