Neɣe 1:3 - JAM DE NHIALIC 2011

³ Acïk bɛ̈n lɛ̈k ɛn an, kɔc wään cï döŋ apïr ɣɔn kënë peec, atɔ̈ukï në guöm dïtic, ku ye juöör rɛ̈ɛ̈r në kelɔ̈m ke dhɔɔt gup, ku kal ë pänydïït de Jeruthalem aŋoot ke tɔ̈u piny, ke cï riääk ku athïïn ke yen thok akënë ke tääu ëcaŋɣɔn nyopë keek.

Neɣe 1:3 ပူးပေါင်းရင်းမြစ်များ

1 Mel 9:7

ku Yɛn bï kɔc ke Yithriɛl nyaai piny wään cä gäm keek, ku Yɛn bï ë Luaŋdïïtë pɔ̈l, Luaŋdïït cä tɔ ɣeric ke ye të bïï Ya aa lɔ̈ŋ thïn. Ku Yithriɛl abï aa kääŋ tëde raan ëbɛ̈n, ku abïï yɔŋ.

2 Mel 25:10

Ku rem de tɔŋ de Babilon ë cath në Nebudharadan bɛ̈ny de kɔc ee melik de Babilon tiit kedhie, acïk kal wil pänydït de Jeruthalem dhuɔŋ piny.

2 Lëk 36:19

Ku nyop ɣön ë Nhialic kekë pänydït ë mac, ku nyop ɣööt ke bääny kedhie, ku dhoŋ päny de kal piny.

Edhr 2:1

Kɔc wään cï röt puk në pɛ̈cic në kɔciic, kɔc ɣɔn cï Nebukadnedhar, melik de Babilonia keek lɛɛr Babilon. Keek acïk röt puɔ̈k Jeruthalem ku Juda, ŋɛk ee lɔ wunden,

Edhr 5:8

“Yïn Melik, ade kë kɔɔrku bä ŋic, wok aa cï lɔ wun ë Juda, ɣön de Nhialicdït ayïk në kurdït ku pɛɛm acï ke tääu në päny kɔ̈u. Yen ee luɔɔiyë acath apiɛth, ku aloikï në piɔ̈nden ëbɛ̈n.

Neɣe 11:3

Në wuöt kɔ̈kiic ku pɛ̈ɛ̈nydïtiic, kɔc ke Yithriɛl, ku bäny ke kake Nhialic, ku kɔc ke Lebai ku kɔc ee luui Luaŋdït, ku lɔ käu ke kɔc ë ye Tholomon luööi aake ŋoot ke ke rɛ̈ɛ̈r në piinykeniic në wuötkeniic. Rin ke bäny mac wuöt juëc ke Juda rɛ̈ɛ̈r ë Jeruthalem:

Neɣe 2:13

Yɛn cï lɔ biic, la tëëk në Thoŋ lɔ të lɔ Wakic, ku la të lɔ Nyin de Ŋuäl ke ya lɔ ë Thoŋ de Dhuurnɔm, ku ja kal cï dhuɔŋ piny caath, ku thookkɛn ɣɔn cï nyop në mac.

Neɣe 2:17

Ku në ee kakë cök, acä bɛ̈n lɛ̈k keek an, “Week wedhie awɔikï yen ë kërɛɛc nu wok thïnë, täu de Jeruthalem piny ke cï riääk, ku athïïn ke kal ë pänydït acï ke nyop në mac, bäk yïkku kal ë Jeruthalem, ke wo cïï ayäär bï bɛ guum.”

Neɣe 2:3

ku bɛ̈ɛ̈r lɛ̈k en an, “Melik yïn bï pïïr athɛɛr! Eeŋö cän piɔ̈u duëër dhiau ku pänydïït wään cïï kuarkuɔ tɔ̈ɔ̈u thïn acï riääk, ku athïïnke acï ke nyop në mac?”

Neɣe 7:6

Kɔc juëc ë cï peec acïk piny de Babilon pɔ̈l ku pukkï röt Jeruthalem ku Juda, raan ëbɛ̈n ë lɔ wunden. Bɛ̈iken aake rɛ̈ɛ̈r ë pɛ̈cic në Babilonia të ɣɔn cïï Melik Nebukadnedhar ke lɛɛr ëtɛ̈ɛ̈n ke ke ye kɔc mac.

Ethta 1:1

Na ɣɔn ke melik Athuwereth nyuc ë thönyde nɔm piny de Perthia, në pänydït de Thutha. Melik Athuwereth aa mac piny dït, jɔt ë Yindia agut cï piny de Kuc, wuötdït ë mɛc keek ayek bɔt ku thiërrou ku dhorou.

Diɛt 79:4

Juöör thiääk në wook ayek wook läät, abiɔnkï wook ku yek wook dɔl gup.

Kɛ̈ŋ 25:28

Raan cïï rɔt ee mɔ̈k piny në agɔ̈th, ee ciët wun cïï kalde wïïk cïn kë gël kɔc mɛk en.

Yith 43:28

ku jɔ bänykun tëdiën ɣeric tɔ rac, yen ayiɛ̈n Ɛn riääk Yithriɛl, Yɛn cï kɔckï tɔ lɛ̈ɛ̈të.”

Yith 5:5

“Kë bä luöi domdiën enap kï, yɛn bï thɔc cän e geeu nyaai, ku thuöör kal wään cän e gël piny, ku ta ciɛm ë läi roor ku dumkï.

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 29:18

Abä keek cop cök ë tɔŋ, ku cɔk, ku jɔɔk, ku juöör ke piny nɔm kedhie abïk riɔ̈ɔ̈c në kë yek tïŋ. Të cän keek thiäi thïn ëbɛ̈n, kɔc abïk aa gäi ku riɔ̈ckï në kë cï tuöl tëde keek. Abïï kɔc ke biɔɔn gup ku tɔ rinken ee këde aciɛɛn.

Jeremia 39:8

Ku ëtɛ̈ɛ̈n, kɔc ke Babilonia acïk ɣön de bääny bɛ̈n nyuɔp piny, ku nyopkï ɣööt ke kɔc, ku jiëpkï kal de Jeruthalem piny.

Jeremia 42:18

“Acïï Bɛ̈nydït de rɛm, Nhialic de Yithriɛl lueel an, ‘Cït man cï agönhdiën tuc wäl ë kɔc ke Jeruthalem gup, yen abï agönhdiën tuc wäl ë wegup aya të la wek lɔ lɔ Rip. We bï aa kɔc ye kɔc riɔ̈ɔ̈c të tïŋ ë we, kɔc abïk we aa luööi në abiaan, ku ye rinkun tɔ aa ciɛɛn. Wek cïï ee tënë bï bɛ tïŋ taitai.’ ”

Jeremia 5:10

Yɛn bï kɔc ke ater tooc bïk tim de enap de kɔckï lɔ yɛp piny, ku acïkï keek bïï riɔ̈ɔ̈k taitai. Abä keek yɔ̈ɔ̈k bïk kër tɛm nïïm wei, në cïï ee kërkë ee kakï.

Jeremia 52:14

ku jiëp remdɛn ë tɔŋ kɛ̈l ke pänydït piny.

Dhiëëu 1:7

Acï döŋ yetök ënɔɔnë, yen Jeruthalem, ku ee läkdɛn ɣɔn thɛɛr tak. Wään lööny en, në kɔc ke ater cin, acïn raan cï yen bɛ̈n kony. Ku kɔc ke aterde acïk en dɔl guöp ɣɔn wïïk en.

Dhiëëu 2:9

Athïïnke acïk lɔ piny ë tiɔpic, waike acï ke dhuööŋ abïk lɔ thorthor. Melikde ku adhuëëŋke anukï ë juööriic. Löŋ acïï be ë wɛ̈ɛ̈t, ku tït acïn nyuuth ee bɛ̈n tëde keek tëde Bɛ̈nydït.

Dhiëëu 3:61

“Acï keek piŋ röt ke ke lɛ̈ɛ̈t ɛn, Bɛ̈nydït Yïn ŋic kiɛɛrdɛn rac.

Dhiëëu 5:1

Bɛ̈nydït, tak kë cï rɔt luöi wook. Woi wook, ku tïŋ ayärda.

Lebai 26:31

Yɛn bï pɛ̈ɛ̈nydïtkun riäär piny, ku riääk ɣäänkuön ke läm, ku rɛɛc miɔ̈cduön ye gam.

Lebai 26:33

Yɛn bï tɔŋ yiɛ̈n week ku thiäi we piny ë juööriic. Pinydun abï yic ciën kɔc ku pɛ̈ɛ̈nydïtkun tɔ̈u ke ke cï riääk.