Math 5:29 - JAM DE NHIALIC 2011

²⁹ Ku na nyin cuënydu, të tɔ yen yïn loi kërac, ke tukë bei, cuatë wei, apiɛth tëde yïn luɔi bï töŋ de ka ke yïnguöp riääk, ke guöpdu ëbɛ̈n ke cïï bï cuat ë giɛna yic.

Math 5:29 ပူးပေါင်းရင်းမြစ်များ

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Math 11:6

Ku thieithieei ë raan cïï bï tɔ diu piɔ̈u në këdï.”

Math 16:26

Të ciɛmë raan piny nɔm ëbɛ̈n, ku mɛ̈ɛ̈r wëike, ke piathde akou? Bï raan ŋö gam wɛɛr en wëike?

Math 17:27

Ku ënɔɔnë, ke ke cuku bï tɔ diu piɔ̈ɔ̈th, lɔ wïïr, dɛɛnyë alabithɔ, ku nöm rɛ̈c cï kɔn dɔm, ku të cï yïn e liep thok, ke yïn bï rialdït yök. Nöm, ku gämë keek, abï aa këdï yɛn ku këdu yïn aya.”

Math 19:12

Rooc kɔ̈k anukï, kɔc cï dhiëëth ke ke ye rooc ë märken yäc, ku nu rooc kɔ̈k, kɔc cï roc ë kɔc, ku nu rooc, kɔc cï röt roc në biäk de ciɛɛŋ de paannhial. Raan duëër jamë lëu ë muk, ke muk.”

Math 23:15

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! We ye Wɛ̈ɛ̈r caathic ku caathkï piny nɔm luɔi bä wek raan tök tɔ puk epiɔ̈u ë wëëtdun, ku të cï en epiɔ̈u puk, ke yak tɔ ye wën ë giɛna awär week arëët!

Math 23:33

Wek karɛc, wek mïth ke deŋakook! Bäk poth wäkdï ë löŋduön cï guiir, ke we cïï bïï tääu ë giɛna yic?

Math 5:22

Ku wek yɔ̈ɔ̈k, an, “Raan ëbɛ̈n raan cï ɣɔ̈ric gɔ̈th kekë mɛnhkënë, ka duëër riɔ̈ɔ̈c ë guiëër bï löŋde guiir, ku raan yöök mɛnhkënë, an, Yïn piɔl piɔ̈u, aduëër riɔ̈ɔ̈c ë jäny bï ë jɔ̈ɔ̈ny ë löŋ nɔm, ku raan lueel en, an, “Yïn ee dhɔ̈n, aduëër riɔ̈ɔ̈c ë giɛna de mac.

Math 5:30

Ayï ciin cuënydu, të tɔ yen yïn loi kërac, ke tem, cuatë wei, apiɛth tëde yïn luɔi bï töŋ de ka ke yïnguöp riääk, ke guöpdu ëbɛ̈n ke cïï bï cuat ë giɛna yic.

Mak 8:36

Ku piathde akɔ̈u tëde raan, të ciɛm en piny nɔm ëbɛ̈n, ku mɛ̈ɛ̈r wëike?

Luk 12:5

Ku we bä nyuöth raan bä wek aa riɔ̈ɔ̈c ë yen: Yak riɔ̈ɔ̈c në raan ë kɔc kɔn nɔ̈k abïk thou, na ëlë, ke de riɛl bï en ke cuat ë giɛna yic, yeka, wek yɔ̈ɔ̈k an, Yak riɔ̈ɔ̈c në yen!

Romai 6:6

Aŋicku nɔn cï raandan thɛɛr piäät ë tim cï rïïu nɔm kɔ̈u kekë yen ëtök, ke guöp de kërac bï riääk, agoku cuö be aa lïïm ke kërac,

Romai 8:13

ku të ya wek ka ke guöp looi, ke we bï thou, ku të ya wek luɔi de guöp yiëkic thuɔɔu në riɛl ë Wëi, ke we bï pïïr.

1 Kor 9:27

ku yɛn ee yaguöp dui, ku ta ye lïmdï, ke ya cïï bï cuat wei, ya ka ye raan ë wël kɔn guiëër kɔc kɔ̈kkë.

Galatai 5:24

Ku kɔc wën ë ya kɔc ke Kërtho acïk guöp piäät ë tim cï rïïu nɔm kɔ̈u kekë kak ee guöp kɔɔr ëtök, ayï ŋɔ̈ɔ̈ŋ ë ye dɔm.

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.