Math 3:16 - JAM DE NHIALIC 2011

¹⁶ Na wën, acï guɔ baptith, ke Yecu bɔ̈ bei ë pïïu yiic ënɔɔnthiinë, na wën, dï, ke tënhial liep eyic en, ago wëi ke Nhialic tïŋ ke ke lööny piny ke cït guöp guuk, bï ku nyuuc ë yenɔm,

Math 3:16 ပူးပေါင်းရင်းမြစ်များ

Yith 11:2

Wëi ke Bɛ̈nydït abïk En gäm pɛlënɔm, ku ŋïnydekäŋ ku tëët bï yen kɔcke ŋiëc mac. Abï këde Bɛ̈nydït piɔ̈u ŋic ku abïï riëëu,

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 59:21

Ku luɔi mät wo week: wek cä gäm riɛldï ku wëëtdï, ke bï ya këdun aɣet athɛɛr, ku gɔl ënɔɔnë ɣeet wadäŋ, wek bï ya riëëu, ku wɛ̈ɛ̈tkï mïthkun ku kuatdun bïk ɛn aa riëëu aköölnyïïn bï ëbɛ̈n.”

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Edhekiɛl 1:1

Në kööl de dhïc, në pɛɛi de ŋuan, në ruöön ye run ke pɛ̈c thiëër ku diäk, yɛn Edhekiɛl wën de Budhi, bɛ̈ny de kake Nhialic, yɛn aa rɛ̈ɛ̈r wo kɔc ke Judai cï peec në Kiir de Cebar thok piny de Babilon. Go paan nhial rɔt liep ku tiëŋ nyuuth de Nhialic.

Mak 1:10

Na wën, ënɔntöŋ ë bïï en biic ë pïïu yiic, ke tënhial ë liep yeyic, ku tïŋ Wëidït ɣer abɔ̈ piny nhial lekï ë yeguöp acït guöp guuk.

Jɔn 1:51

Ago lɛ̈k en an, “Yïn yɔ̈ɔ̈k ë yic an, “Wadäŋ, we bï paannhial tïŋ aɣɔ̈ɔ̈r, ku tiëŋkï tuucnhial ke Nhialic ke ke lɔ nhial ku bïkkï piny në Wën ë Raan nɔm.”

Jɔn 3:34

Raan ë tuuc ë Nhialic ee wël ke Nhialic lueel: ku acïï ë Nhialic miɔɔc ë Wëi në thëm them en keek.

Luɔi 7:56

Go lueel an, “Tiëŋkï, paannhial a wɔi acï yeyic liep, ku wɔi Wën ë Raan ke kääc ë baŋ cuëny de Nhialic!”

1 Jɔn 5:6

Kënë ee raan ë bɔ̈ në pïïu kekë riɛm, yen aye Yecu Kërtho, aa cïï bɔ̈ në pïïu kapäc, ee pïïu ku riɛm.